نفسي أرجع زي زمان القلب فيه اللي مكفيه نفسي أرجع زي زمان ولد وأبسط أمانيه يلعب مع ولاد الجيران حضن حبايبه يدفيه يملاه سعادة وأمان الكل يشوف دموع عنيه ما يداريهاش بين اربع حيطان لو يتعب يلاقيهم حواليه أصحاب وحبايب أهل وخلان يسألوا ويطمنوا عليه ما يبقاش تايه ف أي مكان لا شايل حمل ولا عنده أي هموم على كيفه ينام على كيفه يقوم شايف كل الناس طيبين ل لعبته ومدرسته الحنين عايش بمزاجه ولا تحت أي ظرف محكوم ضحكته ودمعته ليهم تمن ذكرياته باقية ف كل زمن حياته تهمهم حكاياته تلمهم ملوش أي خصوم ولد صغير كل طموحه إنه يكبر ولما كبر بقت همومه منه أكبر ناس اتغيرت وناس اتكبرت وهو اللي بينهم مظلوم نفسي أرجع زي زمان وقبل ما اكبر يقف الزمان رحمتك يارب بتغنيني رحمتك باقية ف دنيا مش هتدوم شـــــــــــــــــــــــــــ . حـــــــــــــــــــــــــــ |
كلنا عايزين نرجع لزمان يالا لم شنطه هدومك عشان ترجع لأيام زمان إذن فلناخذ من كل رجلا قبيلا فاكر البلي واستغمايه والرفه ولما الكهربا تقطع بليل كنا بنخبط عالبيوت ونجري وكنا ناخد العلقه التمام. |
قول للزمان ارجع يازمان :) كلمات جميله ربنا يريح بالك خالد |
الله يسعد ايامك خالد اهو احنا ياصغيرين عايزين الزمان يرجع |
خليك على كده ولسوف يعطيك ربك ويرضيك دعواتى واطيب المنى |
فعلا كل حاجة زمان احسن من دلوقتى جدا جميل سلم نبضك |
ألا ليت الزمن يعود أجمل شئ بالدنيا هي الطفولة ومفيش أجمل من انك تلعب مع طفل وتعمل عقلك بعقله وتعيش ولو سويعات قليلة كأنك طفل بالفعل عالم جميل خالي من التعب والهموم سلمت يمناك ولك مني أجمل التحايا والمنى |
كل مراحل الانسان ليها أوان وايام جميله علي نفس الواحد عشان يكون عارف الفرق ويكون دايما مشتاق ليها وتكون ذكري عالقه في للأذهان وهي فعلا الحياة في صغر احسن الواحد لا بيه ولا عليه ونتمنى نكبر عشان نعرف الحياة اكتر ولما نعرفها تمام المعرفه بتمنى برجع للصغر ولايام الحلوه ولكن الزمان لا يرجع بل يمضي للإمام دائما وهنا ممكن نقول الحنين للماضي الجميل ويسلم قلمك المبدع الذي خطي هذه الكلمات الجميلة ودام قلمك المبدع من كل شر |
اقتباس:
قبل ما نفهم حاجة وقبل ما نعرف واخدانا على فين تسلمي ندوشه منورة الدنيا ربي يوفقك ويسعدك |
اقتباس:
تسلمي منة الاجمل تواجدك اكيد اسعدتيني بحضورك الطيب منة ربي يوفقك ويسعدك |
الساعة الآن 10:38 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب