منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   بلييييز فيدوني برأيكم , حكاية صديقتي مع أخوها المتحرش (https://forums.banatmasr.net/msryat566454/)

flash back 02-20-2017 12:20 PM

بلييييز فيدوني برأيكم , حكاية صديقتي مع أخوها المتحرش
 
علاقتي بأعز صديقاتي إتوترت من فترة بسبب قسوتها علي أخوها , بعتبرها زي أختي وأكتر و بينا ذكريات جميلة من أيام الطفولة , بس أنا لسة مصدومة من اللي عملته في أخوها وبحاول في نفس الوقت ألتمس لها العذر لأنها حاولت كتير معاه بالذوق بس منفعش , مش هقدر أسامح نفسي أبدا لو خسرت صداقتها لأنها عِشرة سنين طويلة , ياريت أعرف رأيكم في الحكاية دي

صاحبتي " مرام " إتخرجت من الجامعة الأمريكية الصيف اللي فات بتقدير إمتياز لأنها متفوقة جداً وبصراحة معظم البنات عندنا في الجامعة بيحبوا يصاحبوها عشان هي محترمة في معاملتها و مرحة إلي أبعد الحدود وملامحها جميلة جداً بشهادة الجميع و كمان بطلة رياضية في الجودو ومخطوبة لإبن طبيب مصري مقيم بأميركا وأخوها أكبر منها بسنة وكان دايما بيتعمد يعاكس صاحباتها لما يكونوا عندها بالبيت وطبعا حركاته دي كانت بتسبب لها إحراج معاهم لدرجة إنه في مرة من المرات إنتهز فرصة إن أخته كانت في أوضتها بالدور العلوي بتلبس عشان تخرج مع واحدة صاحبتها كانت مستنياها في الريسبشن تحت لأن بيتها عبارة عن دورين بسلم داخلي
المهم أخوها حاول يتحرش بصاحبتها دي لولا وجود أخته بالوقت ده الله أعلم إيه اللي ممكن كان يحصل ولما وبخته علي عملته دي وحاولت تخليه يتراجع ضربها بالقلم علي وشها وكمان ضربها بالشلوت في بطنها لدرجة إنها رجَّعِت جامد , طبعا هو في الوقت ده إنتهز فرصة غياب والده و والدته عن البيت لأنهم سافروا قبل الحكاية دي ما تحصل بإسبوعين عشان يعملوا عمرة رمضان وقرروا يقعدوا عند ناس قرايبهم بالسعودية لغاية نهاية موسم الحج , فكرت " مرام " إزاي تعاقبه عشان تحرَّمه يعمل كده وتخليه يدفع ثمن غلطته راحت إشترت كلب من مصروفها اللي محوشاه أنا لما شفته حسيت إنه متوحش و جسمه ضخم كأنه أسد وطلعته علي سطح البيت عشان تربيه ولمدة إسبوعين كانت تجيبله الأكل لغاية ما حصلت ألفة بينهم , في الفترة دي أخوها كان سافر مع صحابه لشرم الشيخ راح فتح الشاليه بتاعهم اللى هناك و قعد فيه هو و أصحابه و لما رجع كانت المفاجأة بالنسباله , مرام خلته قاعد في أوضته بيقرا حاجة و راحت دخلت الكلب الشقة عندهم وهو طبعاً لما شافها داخلة عليه أوضته بالكلب إترعب و أعصابه إتوترت لأنه مكانش متوقع حاجة زي كده تحصله وهي إستغلت الموقف لصالحها و فوراً جابت حبل وكتًّفت إيديه من عند المعصمين وخلته يتذنب ع الحيطة وهو رافع إيديه و رجله الشمال عقابا ليه وقعدت قصاده علي كنبة الأنتريه والكلب جنبها و أخوها يا حرام من رعبه من الكلب لحسن يعضه مفيش علي لسانه طول الوقت غير " حرَّمت والنبي يا مرام , خلاص والله هحرَّم أعملها تاني"
رغم توسلاته لها سابته ساعتين كاملين متذنب لدرجة أنه بدأ يدوخ ومش بس كده دي كمان عطته حقنة في عضلة الفخد وقفت مفاصل رجله , وبعد ما فكت الحبل من إيديه ورجليه جابت عصاية خشب كانت لقتها في الجنينة بتاعت بيتهم وضربته بها عشرين خبطة علي إيديه وكانت ناوية تضربه أكتر لولا إنه بدأ يصرخ و يتألم و إيده يا حرام إحمرَّت من الضرب وبس سابته بعد ما وعدها إنه هيحرم ومش هيكررها تاني وبالطريقة دي قدرت إنها توقفه عند حده وحرَّمته يبصبص تاني مرة لأي واحدة من صاحباتها
ياتري لو أي واحدة مكانها كانت هتتصرف إزاي , هل اللي هي عملته ده صح , هل هو يستاهل اللي جراله ولا الموضوع برأيكم مايستاهلش تعمل فيه كل ده,
ياتري فعلا البنات أصبحوا شرسين وفيهم عنف زي ما بنسمع دايما , مستنية أسمع ردودكم بفارغ الصبر , تقبلوا تحياتي

العاشق الذى لم يتب 02-20-2017 06:54 PM

اثبات حضور مؤقت
الحكاية عاوزة شوية تأنى
اولا ارحب بيك واسلم واقولك منورة المنتدى
وان شاءالله عودة للرد

يحيى الفضلي السودان 02-20-2017 07:14 PM

الشكر كل الشكر على انتظارك لان الانتظار فيه عقاب للنفس

وانا بدوري اشجعها على العملته لان سمعة الاسرة فوق كل الاختمالات وهي تشكر على الموقف الشجاع واحتمال الصبر المفرط هو اللي خلاها تتحداه

ويا عيني لو اعطته علقة زي وشه

عطرتو المساء بطيب انفاسكم

بحر القمر 02-20-2017 10:45 PM

قصة غريبه وعجيبه جدا
بس اقول شيئ مهم
اخوها غلطان
وهي كمان غلطانه
لان بظروف الاب والام في ظل ابن بالاخلاق دي
كان لازم البنت تعرف ابوها وامها
وهما يقرروا
اما فكرة شراء كلب والموضوع ده انا ضده
رغم اني كمان ضد اسلوب اخوها من الاول
ربنا يهدي حال الجميع

حـيـــــآة ❤ 02-24-2017 01:59 PM

انا بعتذر منك لكن صديقتك ساذجه!
ومالهاش انها تعاقب اخوها بربع اللي هي عملته دا
ومش هي اللي ليها التصرف دا معاه
كمان فكرك هو كدا هيبطل تصرفاته؟
ابدا الحاجات دي بتبقي غريزه ف النفس لو هو معصمش نفسه محدش هيقدر يخليه يبطل
بذات بدافع التخويف او اللي هي عملته دا.. هو لو عايز يكرر عملته هيكررها
وابدا مش تصرف يتعمل بتاع صديقتك دا ومش مبرر ابدا
هي ممكن تكون عملت كدا عشان محروجه من صحابها
لكن مالهاش فعلا انها تمد ايديها على اخوها او تتصرف معاه بالشكل دا
الا لو هي كبيرة البيت ولايوجد غيرهم
لكن بتقولي الحمدلله الوالدين موجودين.. خلاص الكلام ليهم وكانت رجعتلهم الاول قبل ماتتصرف

عطرا دا رأيي

ربنا يهدي الجميع
منوره المنتدي والقسم


الساعة الآن 11:02 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w