منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   واخد جنب (https://forums.banatmasr.net/msryat566695/)

شاعر الحب الحزين 02-28-2017 10:02 PM

واخد جنب
 

في ليالي وحدتي تواسيني دمعتي

ظالماني دنيتي ضحكتي مش م القلب


من غدر الناس من قلة الإحساس

بعدت خلاص مع نفسي واخــد جنب


احكي ما بيسمعوني ابكي ما بينفعوني

ولو بعدت بيرجعوني بكلام حلو بس كدب


فراغ كبير بيقتلني أقل موضوع يشغلني

بضحك للي يقابلني وجوايا قايمة حرب


حاولت ارضي الجميع اسمع كلامهم واطيع

لقيتني لوحدي بضيع عشان من قلبي بحب


خدتني الوحدة ف حضنها ورتني سهرها وحزنها

حياتي قل وزنها من كتر ما خدت على الذنب


الاقي فين حد يفهمني اهرب فين م اللي بيظلمني

مبقاش في حد يكلمني مبقاش فاضللي غيرك يارب


قربني منك واشفي العلل خلصني من يأس وملل

احيي ف قلبي حب الأمل برحمتك يسهل كل صعب


من زمان وانا بقول نصيب ارضى بجرحي ويرفض يطيب

لو لدعواتي يارب تستجيب مش هحتاج دواء ولا طــب


اسعد برضاك كل قلب حزين واملا قلوبنا لطاعتك حنين

اصلح حال الأمة وكل المسلمين واجمع بينهم بكل حب




شـــــــــــــــــــــــــــــــــــــــــ . حــــــــــــــــــــــــــــــــــــــــ

توحد ارواح 03-01-2017 11:34 AM

آمين

نص جدا جميل

استمتعت بقراءته


سلمت والنبض شاعرنا

Abdallah 03-01-2017 11:44 AM

جميل جدا و تسلم ايديك .

دمعه حائره 03-01-2017 03:30 PM

أمين يارب يسمع منك تسلم خالد ابدعت

رنوش روشي 03-01-2017 04:25 PM

ربنا يسعدك ويكتب ليك الخير

العاشق الذى لم يتب 03-01-2017 05:38 PM

ماابدعك ايها الخالد
ومااجمل الهمس
لك منى السلام والتحية
وباقات النرجس

Doaa Hammam 03-01-2017 08:49 PM

اللهم آمين

أبدعت يا خالد

أجمل الامنيات والدعوات لك

حـيـــــآة ❤ 03-02-2017 07:59 AM

اللهم آمين
ربنا يسعدك ويصلح حالك وكل المسلمين يارب
تسلم روحك

يحيى الفضلي السودان 03-02-2017 10:07 PM

الاما تشكي من طول الليالي
وتؤرق عينك نحو الحبيب

فهذه الدنيا كنه ماصبرت
فترجع منها انت كالغريب






جميل البوح

شاعر الحب الحزين 03-03-2017 09:11 PM

اقتباس:

المشاركة الأصلية كتبت بواسطة توحد ارواح (Post 5124305)
آمين

نص جدا جميل

استمتعت بقراءته


سلمت والنبض شاعرنا

الأجمل تواجدك الراقي أستاذه ندى

ربي يسلم نبض قلبك يارب

اسعدتيني بتواجدك الخلوق القيم

ربي يوفقك ويسعدك


الساعة الآن 10:43 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w