منتديات بنات مصر

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - تسلميلي (https://forums.banatmasr.net/msryat566746/)

تسلميلي ياللي تملي مهتمة فيا

تسلميلي حبيبتي ربنا يخليكي ليا

مقصر ف حقك وكان حقك تتقلي عليا

بس انتي بنت أصول تتاقلي بالدنيا ديا

وانا مهما عنك اقول هيبقى ف حقك شوية

ياريتك لو على طول تفضلي معايا وبين إيديا

تسلملي ضحكتك يارب عليكي يديمها

حلوة أيامي معاكي بجديدها وقديمها

تسلملي عنيكي اللي بضعف قدامها

تسلملي اللي برتاح لما اسمع كلامها

حاضرة ولا غايبة مقامك في القلب هوه هوه

جنبي أو بعيدة هيفضل حبك في القلب جوه

يسلملي قلبك اللي خلاني احبك كده بالقوة

تسلميلي ياللي بتحنيلي لو غبت شوية عنك

تسلميلي ويا رب ما يحرمني حد يا روحي منك

تسلميلي يا طفلتي طفلة مهما يكبر سنك

فيكي برائتهم فيكي رقتهم لا انتي مفيش منك

تسلملي أيامي اللي عشتها ف قربك

ياللي كل احلامي في الدنيا اني احبك

تسلملي عنيكي اللي بتقول كلام قلبك

يسلملي كل ما فيكي يا صاينة العشرة ف أدبك

يسلمولي اللي بيدعولي أفضل طول العمر جنبك

شــــــــــــــــــــــــــــــــــــــ . حــــــــــــــــــــــــــــــــــــــــــــ

ايوه يا عم اللي اداك يدينا يا بختكو عقبالي بس هو يرجع مش تخاف انا مش بحسد ربنا يسعدك انت وهى بس هات لي ملبس ههههههههاى

تسلملنا على كلماتك الراقيه خالد مثلك
سلمت روحك يارب

كالعادة أ/خالد..

إبداع متتابع يفوق الي قبله..

سلمت هالانامل..

تحياتي

ربنايسلمهالك وتسلم لها
شاعر الحب الجميل
مااروعك
وروحك الطيبة
وجميل همسك
مساءات السعادة
ومودتى

وتسلم لنا كتاباتك ونبض قلمك شاعرنا

الله يديم بينكم المحبة وراحة البال ويسعد أيامكم

تسلم شاعرنا
روعه ربى يسعدك

جدا جميل
دام نبض قلمك الراقى

بانتظار جديدك

يسلم قلمك المبدع واحساسك الجميل
كلمات رائعه خالد تسلم

بقول كلام الما انكتب
بنظم حروفك بالدهب

جميل غالينا