|
بنعيش مرة بنعيش مرة نفسي اشوف ضحكتك مرة عيش وانسى عيشها ع الحلوة والمرة اوزن كلامك اللي لسه مش قايله ما تشغلش بالك باللي مش طايله اقفل ع الجرح واتودد للفرح وحايله اتعلم من الدرس علم ع اليأس خلي الأمل ف بكرا معاك إن فيه صدمات ما تتنسيش بس بتاخد وقتها وبعدها بنعيش ليه نفكر ونتحسر ونتعب على مفيش ضحكة حلوة احسن من شكوة لا نفع منها ولا مضرة اضحك للي يضحكلك وبلاش جو الكآبة اضحك من قلبك او حتى ضحكة كدابة دي دنيا فانية ما تهونش غير ع الغلابة انسى اللي فاتك وحلي بالصبر حياتك متخليش سكرها بره ضحكتك تفرق معانا ضحكتك تفرح قلوب زعلانة بلاش تغمقها بالمرة ضحكتك تقربهم منك زعلك يهربهم منك هيبعدوا عنك لو فضلت كده على فكرة ما تموتش فيك الإحساس عيش زينا وزي الناس ده احنا بنعيش بس مرة العمر هيفوت ويعدي أيامه طايرة مش بتهدي تضحك للدنيا تضحكلك تبكي للدنيا مع نفسك دي ضحكة مش عايزة تحدي ازعل مرة واضحك مرة دي الضحكة تجيب والشدة تودي اغلب يأسك اتحدى نفسك يلا ضحكة حلوة قبل ما تطلع من عندي شــــــــــــــــــــــــــــ . حــــــــــــــــــــــــــــــــ |
الضحكه سهل تترسم على الشفايف وتخدع اى حد واللى يشوفك يقول مبسوط بس تفتكر نقدر بقى نرسم الضحكه فى القلب هههههع للاسف مظنش القلب اصلا متخيط مليون مره والضحكه مش هتبان فيه متالق شاعر الحب ديما |
مافيش اسهل من الضحكه بس المهم تكون من القلب مش مرسومه على القاضى الله يسعدك روعه اخى تسلم ايدك |
دا كله عشان عايز تشوف الضحكه ولا تزعل حالك انا هضحك لكم سلف هاهاها |
والله ياصحبى عجيبة الدنيا اوى والقلب هيشيل ايه ولاايه ربنايسعدك |
تسلم غالينا ومنورين يا ضي الليل |
كلمات رائعه و تسلم ايديك . |
غنائية رائعة فيها معاني رائقة و نصائح غالية الي جانب الفن في الصياغة جميلة كلماتك و حركاتك تحياتي لك ايها المبدع |
كلمات رائعه لانسان صاحب قلم رائع البسمه والسعاده ليك يارب تحياتى شاعر الحب |
دنيا قاسيه وناسها ناسيه وبالعكس معانا ماشيه تسلم خالد ديما مبدع |
| الساعة الآن 04:56 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب