|
لا يكب الناس في النار الا حصائد السنتهم *هام* رساله للشباب السلام عليكم ورحمة الله وبركاته ﴿ وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ ﴾ دا لو متاكد ان اللي قذفها زانيه!! او زاني مش ملاحظين انه في تساهل واضح اوي ف مجتمعنا تساهل كبير اوي اوي انت ايه غايتك لما تشتم وتلسن وتقذف بنت او ام بمجرد انك مثلا بتهزر مع صاحبك يعني انا بقيت بمشي ف الشارع ولدين سن اعدادي بيهزرو مع بعض بشتايم رهيبه طب انت مفكرتش ان الدنيا زايله وان رجولتك ال انت مفكرها بتزيد بلسانك زايله؟ ايه الرجوله والعصبيه ف كدا دا ربنا بيقول (والكاظمين الغيظ والعافين عن الناس) ايه حجتك انك تظلم ام او اخت او.. او.. عشان تكون كول وبتهزر مع صاحبك هزار الزمان! فين تربيتك ليه تشتم بنات الناس ف اعراضهم دا مفكره بالشئ الهين؟ الرسول صلى الله عليه وسلم انزعج لما نعتت احدي زوجاته الاخري بالطويله! مابالك بالكلام الحلو بتاع الزمان دا وال الشباب فعلا شايفينه موضه قال الرسول (لايكب الناس ف النار الا حصائد السنتهم) لسانك حصانك وهو اللي هيوجهك اكتم غيظك وصدقني مش من الرجوله انك تشتم صاحبك باعراض اناث بيته اسال الله الهدايه للجميع معلش طولت عليكم اتمني جميع الشباب يقروا اللي كتبته دا |
و عليكم السلام تسلم ايديك . |
غير الشتيمة الل يالف كلام ع البنت او ع سمعتها ي ريت يفهمو ويخافو ربنا ثانكس جوجو |
مع البعد عن الدين و هشاشت ضمائر البعض اصبح من السهل مهاجمةاعراض الناس متفق معك تماماً جميل فضفضتك و رسالتك يا هاجر |
أن قل الحياء والخوف من الله لن يكون هناك حدود لأى شئ وأن كثر الفراغ لن نبحث الا عن كل تافه عديم القيمه لنشغل أنفسنا حتى وأن كان على حساب أعراض الناس وسمعتهم |
قال رسول الله صلىَ االله عليه وعلىَ آله وصحبه أجمعين البِرُ لا يُبلىَ وَالذَنْبُ لا يُنسَىَ وَالدَيان لا يَموت أفعل ما شئت كَما تُدين تُدان وقال أيضاً مِنْ الْكَبَائِرِ شَتْمُ الرَّجُلِ وَالِدَيْهِ قَالُوا يَا رَسُولَ اللَّهِ وَهَلْ يَشْتِمُ الرَّجُلُ وَالِدَيْهِ قَالَ نَعَمْ، يَسُبُّ أَبَا الرَّجُلِ فَيَسُبُّ أَبَاهُ وَيَسُبُّ أُمَّهُ فَيَسُبُّ أُمَّهُ صدق رسول الله صلىَ الله عليه وسلام الحديثان لا يحتاجان شرح أو تفسير يا هاجر الله يهدينا ويهديكم ويهديهم لما يحبه ويرضاه آمين تحياتي لشخصك وأسرتك الكريمة أبو عصام |
المصيبة الكبرى يا هاجر إن ده بقى فكر مترسخ في عقول الشباب خصوصا الشباب الصغير اللي ف اعدادي وثانوي بقي عندهم الشتيمة اللي بتعتبر من الكبائر (قذف المحصنات) بقت حاجة عادية جدا بل بقت حاجة تدعو للفخر والمباهاة والمصيبة الاكبر كمان ان الكلام ده بقى امر عادي بالنسبة لبقية الناس اللي بيسمعوه يعني هتلاقي اتنين شباب بيشتمو بعض بأقذر الشتايم من باب الهزار ...وهما قاعدين مثلا ف ميكروباص او اتوبيس وغالبا مش هتلاقي حد ينكر عليهم الكلام ده. الناس اتعودت انها تسمع الشتايم دي. احنا ف مرحلة انحطاط اخلاقي رهيبة خصوصا مع الشباب الصغير اللي ف يوم من الايام هيمسكو مناصب قيادية ف البلد يعني لسه هنشوف سواد اكتر من اللي احنا فيه |
رساله قويه في صميم تسلم ايدك ياحببتي |
تسلمي يا هاجر موضوع رائع ربنا يهدي الجميع |
هي فعلا بقت موضه بينهم الي هم أشباه الرجال ، و شايف نفسه انه بطل ب أي قذف بيقولو لبنت ، فهنشوف بطولته دي ازاي هتشفع له عند ربنا في الآخره ، أحسنتي يا هاجر ، |
| الساعة الآن 05:46 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب