شطرنج
 

وحد صف الجند عشان
بس جلالته يكون في امان
وضحي بكام عيل غلبان
وافتح جبهة والف قضية

شطرنج وكله له وقت ودور
عساكر
واقفين في طابور
ده اساس وقانون اللعبة
يعيش الملك بس الملك
لو كله يغور

العساكر

دول جبهة نار
اول صفقة
في اي دمار
والموت لو مش جاي برصاص
ممكن جدا يبقي حصار

بس انت اكيد معرفتش
انا عساكرك هما حماك
لو ماتو بجد هتتعري
وهتبقي الصف الاول
والكل هيبقي وراك
وفي وش المدفع هتعيش
بتحارب كل الجبهات
ونهاية اللعبة دي حتمية
مبروك الملك مات


سلامي للجميع
وعذرا لاني ارتجلت لا رتبت ولا غيره ولا بكتب من فترة كبيرة
بس حبيت افكركم بيا
الف تحية

صراحة اختلط الحابل بالنابل
واصبحت امور كثيره مبهمه
ومش لاقيين لها تفسير
ربنا ييسر الامور ويزيل الغمه
ويهدينا جميعا الى ما يحب ويرضى
سلم نبضك
حضرتك نورت المنتدى وعودا حميدا

صحيح العساكر اكثر من يدفعون الثمن

بعد مشيئة الله
من كان شعبه درعه ما انهزم ولكن ان كان ضده ما فاز
سلمت اخى
واصلح الله الحال

فعلا ماشيين بمبدأ. يغور ويعيش الملك

تسلم ايدك رائع

يموت الشجاع ليحيا الجبان
..
هكذا هو الحال
حتى اذا فنى الجنود
فحتما سينكشف الغطاء عن الملك
و فى الختام يموت الملك
فكرتك جميلة
و كلماتك رائعة كروعتك
تحياتى لسموك المبدع

والله صدقت
اللى بيدفع التمن ناس ملهمش ذنب
وحامي الحما بيحميه عساكرنا وزهرة شبابنا اللى بيموتو غدر كل يوم
ارتجال معبر جدا
يسلمو احمد