ارضوا بالنصيب السلام عليكم ورحمة الله وبركاته - #بنت_بتحكي : حبيت ضُرتي اكتر من جوزي نفسه، رغم انه اتجوزها عليا، و كسر خاطري بيها، الا انها طوال عِشرة السنين كانت اخت و صديقة، غلطت فيها كتير، اذيتها كتير، بس هي كانت بتغفر وتسامح عشان عايزة تعيش. ،، - فالنهاية رضيت، قلت يا بت ده امر ربنا و خلاص مفيش مفر، و بقينا اصحاب، بس ملحقتش اعمل معاها حاجة حلوة و جالي سرطان .. وزني قل قوي، شعري سقط كله .. جوزي بقى يقرف مني ويعاملني اسوء معاملة لحد ما قرر يطلقني ويرميني فالشارع .. و كانت المفاجأة لما قالتله : "هتطلقها تطلقني قبلها انا معرفش اعيش من غيرها". ،، - لمدة ٤ سنين بتعالج وعاجزة عن كل حاجة، كانت شيلاني من ع الارض شيل، عمرها ما كشرت ف وشي، تطبخ وتغسل و تنضف .. كانت بتبديني ع نفسها ف الاكل والشرب و تقولي هتخفي و تقويني. لحد ما خفيت و ربنا شفاني. ،، - و فجأة يبجي امر الله ليها و هي اللي تموت. كان اسود خبر سمعته ف حياتي، حزنت عليها اكتر ما حزنت ع موت امي، و بكيت عليها شهور طويلة، و لما اخدت ورث ابويا عملتلها صدقات جارية ف كذا مكان ولحد ما اموت مش هنسى انها كانت احن عليا من اهلي و بنتي و جوزي. ،، - #الخلاصة : كل انسان بيدخل حياتنا له دور .. لو ربنا كتب عليك طريق متستصعبوش، ارضى، انت متعرفش قضاء ربنا هياخدك ع فين .. لو الست دي جوزها متجوزش عليها كان ممكن تموت بالسرطان ،، كان ممكن متلاقيش اللي يخدمها .. ربنا بيسخر جنوده لتأدية مهام سبحانه محددها ليهم .. #ارضوا_بالنصيب. منقول :40:تحياااااااااااتى:40: |
الحمدلله علي كل حال جزاك الله خيرا |
حكاية غريبة يا فجر بس فعلا رب العالمين له فى كل امر حكمة لا يعلمها الا هو سبحانه تسلمى حبيبتى |
الحمد لله راضيين جميله فجر تسلم ايدك |
الساعة الآن 02:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب