|
ليالي زمان في ليالي زمان كان السهر ليه معنى كانوا الحبايب جنبنا كان الحب يجمعنا دلوقتي حزينة الليالي نسهرها تملي بدموعنا لا حبايب لا قرايب ولا حد نحكيله ويسمعنا مع نفسنا احنا وجرحنا حاضنين آلامنا واوجاعنا ليالي زمان كان الحنان والحب غير تبص في وشوش الناس تحس الدنيا بخير دلوقتي بنبكي على أيامنا وعلى الحب اللي ودعنا لو نبص قدامنا نلاقي واحد معانا وكتير ناس تخدعنا نفس الليالي نفس الوقت اللي كان زمان بس اللي اختلف فيها التفاصيل غابوا الأحبة وكل واحد منا بقى ف مكان واللي فضلوا شاطرين في التمثيل كانت حلوة ليالينا قبل ما تبقى الغربة عنوان كان عندنا حكايات و أمنيات وحلم جميل الحلم تبخر الفرح تأخر العشرة هانت والود هان العمر فات مش فاضل ل نهايته غير وقت قليل عودي يا ليالي ارجعوا يا حبايبي بإيدينا نرجع أيام زمان مكانكم في القلب باقي ملناش عنكم غنى ولا بديل خلونا نلم الشمل حبايب واخوات وأهل قبل ما يفوت الأوان ترجع ليالينا الحلوة لو نرجع سوا يرجع كل شيء جميل ش . ح |
ليه الحزن دا كل سنه وانت طيب الله يسعدك شاعرنا |
وعجبي ههههههههاي انا ماليش في جو الحزن دا ربنا يسعدك ويملى ايامك سعاده |
كلمات حزينه وجميله تقبل مرورى اخي |
حزينة الكلمات و سيظل يتردد السؤال هل ستعود تلك الايام يوما ام سنحيا يمزقنا الحنين كارهين حاضرنا نركض وراء سراب ماضى لن يعود جميلة خاطرتك اخى تحياتى و تقديرى |
كانت حلوة ليالينا قبل ما تبقى الغربة عنوان كانت حلوه بس هو الزمان بيرجع اللى بيروح مابيرجعش واللحظه الحلوه مابتتعوضش وطبع الدنيا تفرق حلوه اوى شاعرنا تسلم ايدك تحياتى ليك ربى يسعدك |
.. وياعالم الايام الحلوه هترجع ولو يوم ولا هنفضل عايشين على الذكرى تسلم ايدك شاعرنا ودي .. |
قول للزمان ارجع يا زمان لا الزمان هيرجع ولا اللي راح هيعود مش هنلاقي غير اطلال ذكريات لكن يبقي الله موجود دائما وابدا تحياتي |
ثم يبقى الحنين للماضى.. ولا يبقى سوا لحظات مضيت بالحنين كلمات اثرت في دام سحر قلمك .. |
زى ما قالت ام كلثوم قول للزمان أرجع يا زمان الدنيا بتتغير والنفوس كمان لكن ساعات احنا بنفضل عايشين على ليالى زمان فبنتألم لأن ما كان فى الزمان انتهى وما بقى سوى القليل منه والحنين للماضى مؤلم ويضيع الحاضر سلمت اخى شاعر ودام نبضك |
| الساعة الآن 10:12 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب