|
أيام 4g أيام 4g في سرعتها ملهاش زي بتاخد معاها العمر وتعدي إيه اللي عدى منها وإيه اللي جاي ودي طايرة مش راضية تهدي ضلامها صبح للناس النور والضي نورها ضعيف مش باين عندي أيام تهلك كل حزين قال آه وأي بس تسلك للي يحب التحدي اللي هرب من حرها يتدارى تحت الفي واللي قالك هرتاح لو فضلت لوحدي أيام سرعتها ولا طلقة طلعت من فرد حي قتلت فينا كل جميل وخلته متردي عملت لاخلاقنا سوفت وير وديليت فينا لكل فعل خير غرتنا مع انها طايرة طير غيرتنا خلت قلوبنا جوانا غير خدتنا مشتنا سكة بعكس السير بقينا نغلط ونقول لسه الدنيا بخير أيام بسرعة 4g واخدة كل واحد منا ليوم يوم مش بيستناه طول ما هو عايش بينساه يوم عليك من الحياة هو كوم وكل عمرك كوم أيامك محسوبة عليك مصيرك فيها بين ايديك خد منها اللي ليك ده مفيش حاجة فيها تدوم اوعى ينام قلبك علم قلبك ان الحق مش عاوز نوم لو عدت أيامك لسه بكرا قدامك بيندهك من سكرتك تقوم ش . ح |
صدقت والله اخي تسلم ايدك |
خاطرة بنكهة تكنولوجيا العصر الحديث :( الايام فعلا بتجرى منا و بننسى انها معدودة مهما طالت و الاهم فعلا اللى بعدها كل الشكر اخى تحياتى |
صدقت والله اخي يعطيك الف عافية |
عبرت فعلا عن وضعنا الحالى بكل صدق يدوم ابداع قلمك |
صدقت اخى شاعر الايام زى الطلقة فى سرعتها كما نقول بالعامية سلم النبض ورقي المضمون دوما راقيا اخى شاعر يدوم ابداعك اخى |
.. صدقت استاذ خالد عندك حق ابدعت واحسنت الوصف والتصوير دمت بخير ودي .. |
انت الجمال كله وانت الجميل افتخر انك حبيبى |
انا مش فاهمه حاجه .بس كلامك صح |
احنا في عصر السرعة بس السرعة زادت اوي وعملت حادثة والله الخاطرة جميلة ومعبرة اوي تسلم خالد |
| الساعة الآن 10:28 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب