طريقة عمل كحك العيد ( من مطبخي)
 

السلام عليكم و رحمة الله و بركاتة
كل عام وانتم جميعا بخير
بقالي فترة كبيرة اوي ما نشرتش حاجة فقولت اجيب الكحك و اجي
نبتدي بسم الله

اولا المقادير

المقادير لعمل 2 كيلو ويمكن مضاعفه او قسمة المقادير

2 كيلو دقيق
ربع كيلو نشا
مابين كيلو و كيلو وربع سمنه و يفضل تكون بلدي
تمن كيلو سمسم ـ ريحة الكحك ـ رشه ملح
خميرة ـ رشة سكر ـ 2 كوب ماء دافئ قليلا

طريقة العمل
نضع السمن علي النار للغلي
نقوم بنخل الدقيق في طبق كبير لا يكون بلاستيك
و نضع معه النشا و رشه الملح و نقلبهم
ثم نقوم بعمل فراغ في الوسط و نضع فيه السمسم و ريحة الكحك

نقوم بتسخين كوبين الماء لثواني فقط تكون دافئه قليلا نستطيع وضع الاصبع بها
ثم نقوم بوضع رشه السكر والخميرة لتتفاعل

نضع السمن المغلي علي الدقيق في الوسط علي السمسم ونقوم بتقليبه بمعلقة خشب جيدا الي ان يبرد قليلا ثم نقوم بعجنه باليد جيدا جدا جدا هي دي عمليه البس

بعد البس نقوم بوضع الخميرة و نقلب جيدا

يشكل الكحك فورا لا نترك العجينه
انا شكلت بطباعه الكحك سهله ونتيجتها حلوة
و يمكن حشوها باي ما تفضلينه
يترك الكحك ليخمر مده ساعه ثم يسوى علي درجة متوسطه و يرش بالسكر البودر

ملحوظة

لا يضاف لبن او زبادي لعجينة الكحك حتي لا ينشف
لا يتم زيادة الماء بكثرة لان زيادتها تجعله ينشف

اي استفسار انا موجودة

و دي صور الكحك

http://banatmisr.com/up3/uploads/1498938720061.jpg



بالسكر

http://banatmisr.com/up3/uploads/1498938720182.jpg


الكحك من جوة هش و ناعم

http://banatmisr.com/up3/uploads/149893872023.jpg

جميل اوي يا حبيبتي
تسلم ايدك

تسلم ايديكي حبيبتي
طريقه سهلة
وكل سنه وانتي طيبه

ايه الحاجات الحلوة دي
ولا الشيف حسن
كنتِ فين قبل العيد بئاا

..

تسلم ايدك ايمي
انا اخدت الطبق الي بالسكر ده وهربت
ههههههه
كل سنه وانتي طيبه

ممممم مع اني محبوش خاالص بس حبيته من ايدك امووش
ايمان الشربيني :150:
تسلم ايدك قلبي

و انا فين نصيبي يا ايمى
احنا بنشترى جاهز
بس ان شاء الله اجربه
و قوليلى لو تعرفى ايه الفرق
بين دة و اللى مش بيتغلى له السمن
و معاه بيكنج بودر تقريبا

كل سنة و انتى طيبة
وتسلم ايدك يا بطة

انتي اجمل بمرورك
تسلمي حبيبتي