|
قصيده فرحه مقلوبه بقلمى http://banatmisr.com/up3/uploads/1365012944661.gif وبعد سكوت وترنيمه مراسي الموت لقيت الوقت بياخدني في قلب الذكري ويجبني لقتني بخاف عشان حزني دا مبيهداش عشان قلبي صبح مكسور عشان انت بعيد عني وعن عيني بخاف بعدك يكونلي حبيب علي الدنيا يقويني اخاف من بكره لو بكره هيجي عشان يصحيني بخبي قلبي في الضلمه وبهرب بيه من الزحمه وباخدوا بعيد عن الايام حقيقي بجد اني بخاف تغمض عيني وقت منام فشوفك فيا مداري وتخطف روحي في الاحلام يجوز اني ببالغ ليك في وصف الروح واحوالها يجوز ان المرار بعنيك في موتك كان بصرختها صحيح ان الحياه بتفوت فليه بيك الحياه وقفت وليه في لحظه غدر الموت . وليه الدنيا دي صغرت مكنتش روح في اضلاعك انا الكسره الاكات بعنيك فخرجت تبكي مقسومه بتنزف ويا اوجعاك واخر دمعه محبوسه بتبكيها في جوف لياليك انا النبره الا صوتها حزين في عز ماكنت تندهني وعز ماكنت بنده ليك انا القوه الا بدراعك وراحت لما سبت ايديك طلوع روحك مكنش قليل ماتفرق روحي عن روحك انا بالفعل ليك حنيت وليك اشتقتلك فبكيت لاحضن بعد حضنك ساع . يجوز انو انتهي زمنك يجوز الكل خاني وباع وصعب ان القدر يسمع انفاسي في توب كفنك فيسمحلي ويسمح لك بأخر لمسه لايدينا نطيب خاطر الاوجاع ليالى تمر .. سنين عمرى أهى بتجرى ولا فيها حاجات بتسر أميرى وبدلته بيضه وفرحى كان نهاية العمر وكوشه من الهموم سوده وصاله حزن وكراسى مر ومعازيم غاليه من ريحتك بيشربو موتى فى الشربات بيقفولى دقيقه حداد على الطرحه يباركولى صحيح الفرحه مقلوبه ولبست أنا البدله السوده وكفنك كان بفستانى مكانك هو دا مكانى صحيح الخطوه مقسومه ومكتوبه علينا فراق حقيقى بجد مصدومه حقيقى بجد أنا بشتاق بقيت بعدك بغربه ونار ونور باهت من الانوار ياريتو كان بأيدى أختار لأكون رمله على قبرك برغم الفرقه حاسه هواك وأيدك ماشيه على خدى تطيب دمع داب فى لؤاك بحس أنك هنا وهناك بحس بلون دفا جسمك وبسمع اسمى من صوتك فبلقانى بقول أسمك بتاخد من تراب روحك فتزرعنى فى مداك أزهار فبطرح ورده على قبرك تكون شمسك تكون قمرك فسامحنى لو الورده بقت صبار وسامحنى لو ليلك مالهوش نهار دا عهد على قلبى أخدته دى تبقى نهايه المشوار حداد ع الدنيا وما فيها أساساً وأنت مش فيها ماليش فيها دروب ولا دار فالعادى أكون كا سراب بيوهب طيفه متكسر فيتكتر ويزرع جمب قبرك فرح ومن دمعى هيطرح طرح هكون مسكك هكون عنبر وحتى لو حصيرى تراب هخلى البيت دا متعمر بقلم :آيه يوسف تاريخ:19/7/2017 |
ايه ده بجد انا عشت كل تفصيله فى كلامك من زمان ماقرأتش حاجه عاميه بالاحساس ده ابدعتى بمعنى الكلمه رغم كل الحزن اللى مالى الكلمات نجومى وتقيمى اقل تقدير لروعه قلمك |
جميلة جدا يا فنا كنتى مخبية المواهب دى كلها فين تسلم ايدك حبيبتى |
حلوه اوى بجد تسلم ايدك |
بدانا طريق طويل لما كنا صغيرين ماشينا كتيروتعبنا مستنين نهايه الطريق قونا نمشي كمان وفيه نحقق الاحلام اتاري الحلم كابوس وانا نايم بحس بشي بيقولي اصحي وبلاش تكتر عليا الهموم اتاري حبيبي ماشي وسيبني وسط الطريق ولا عارف ارجع لوحدي ولا قادر اكمل الطريق فضلت واقف حزين والدموع من عيني تسيل وقلبي بيدق من كتر الخوف وانا واقف واحدي في وسط الطريق وصحيت فاجئه لقتني ببكي وبقول خير كلمات جميله منك رغم الحزن اللي فيها تسلم يدك علي كل ما كتب قلمك |
رائعة سلمت يداكي |
الله عليكي يا يويو تسلمي بجد كلمات واقعيه وع حال الكثير |
حلوه اوى بجد تسلم ايدك |
أبنتي آية الله الله الله بسم الله ما شاء الله عليكِ يا بتي ذكرتيني بأخي وصديقي أيمن جاهين الرحال له نفس أسلوبك المتفرد وذائقتك القيمة وإحساسك الرقيق رغم الألم أقبلي تقييمي البسيط + ***** 5 مع التثبيت + وسام الإبداع لحين عودتي والرد علىَ رائعتك بهذيان قلمي المجنون تحياتي لشخصك وأسرتك الكريمة أبو عصام |
اقتباس:
|
| الساعة الآن 09:05 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب