منتديات بنات مصر

منتديات بنات مصر (https://forums.banatmasr.net/)
-   إستراحة آدم الثقافية (https://forums.banatmasr.net/f267/)
-   -   آدم وحواء ومعانا " الفيلسوف " خاص بالمسابقة (https://forums.banatmasr.net/msryat569397/)

gold rose 07-29-2017 07:40 PM

آدم وحواء ومعانا " الفيلسوف " خاص بالمسابقة
 

http://banatmisr.com/up3/uploads/1501342910081.gif

http://banatmisr.com/up3/uploads/1501349869971.png

أخباركو إيه يا حلوين

النهارده معانا حلقة جميلة جداً ومواجهه لطيفة بين آد وحواء

معانا ومعاكو النهارده الإداره والدكتاتوريه
" الفيلسوف "

http://banatmisr.com/up3/uploads/1501349179051.png

اتكلم عن نفسك " كآدم كذكر "

مش فاهم بصراحه يعنى ايه اتكلم عن نفسى كآدم عادى بنى ادم
بتمنى ارضى ربنا ع اكمل وجه وما اعصيه
لانى السبب الاول اللى خلق الانسان ليه العباده


http://banatmisr.com/up3/uploads/1501349179051.png

قبل ما ندخل في الخطوبة والجواز وكل دا
إيه رأيك في موضوع الإرتباط ويا ترا ليه الولد يقولك :
" لا أنا متجوزشي وحده مشيت معاها " ؟


بصى انا ليه وجهه مختلفه لو حنقول كلمه مااتجوز
واحده مشيت معاها يبقى انت بتمشى ليه معاها من الاول يبقى لو هى غلط يبقى
انا زيها ماانا انقى الشبهات من الاول وابقى ف النور المقوله غلط تمام من
وجهه نظرى النور والحلال شى اجمل بكتير من الظلمه والحرام داين تدان
يادوك اللى هيعمله هيتعمل في اهله افعل ماشئت كما تدين تدان


http://banatmisr.com/up3/uploads/1501349179051.png

لما الشاب ييجي يخطب مامته بترشحله بنت
" المفروض ع حد قولها بنت ناس ومحترمه وأنا بحها "
بعد الخطوبة والفاس وقعت في الراس تبدأ الوالده تتحول
لـ " حماه " يا ترا ليه ؟


انا شايف ده بيبقى من الراجل لازم ف فتره الخطوبه
يقربهم من بعض
الست تقدر تعمل اى شى لو شعرت لحظه انى حوزها بيطيب خاطرها بكلمه
باانصاف نعم ولكن يادوك امى انتى عندك ولكن انتى عارفه هى عايز
تقيم منك بالحب ام لبنتها وهى بقى من وراه دى زى مامتك لو الرجل
عرف يعمل ده خلاص انتهى


http://banatmisr.com/up3/uploads/1501349179051.png

كلنا طبعاً عارفين إن الراجل الشرقي بياخد بس
بمعنى إنك لوحده " ست " لازم تستحملي وتضحي وتتطاطي عشان
المركب تمشي وعشان الأولاد ... ألخ .. عمرك شفت راجل بيعمل كدا ؟


ههههه اه شفت ليه دايما الست مظلومه انا كنت استشارى ف مستشفى
يعنى كانت بتجينى حالات فيه كتير رجال مظلومه مش شرط يادوك
فيه ستات مفتريه برده


لسا مشوفناهومشي دول


http://banatmisr.com/up3/uploads/1501349179051.png

. " إنتي طالق " " عليا الطلاق "
أسهل جملتين ع لسان كل راجل ..
هل شايف دي رجوله أصلاً ؟


دا يدل ع ضعف الشخصيه وقله الرحوله مرفوض تماما بكل المقاييس


http://banatmisr.com/up3/uploads/1501349179051.png

لما هيا تغلط أو تحب تعمل حاجة وإنت رافض يبقى لأ يعني لأ ..
بينما لو عكسنا يبقى نتناقش .. إيه المغزى ؟


المغزى انى مش مقنع وعندى وراى غلط ماانا
لو راى صح اقنع واقنعها ونقتنع


http://banatmisr.com/up3/uploads/1501349179051.png

إيه رأيك في الراجل الي مبيقدرشي أهل مراته ؟

التقدير شى مطلوب ولازم يحصل علشان دى دايره
وانا بكبرها انا بطلب شى منها يبقى اعمل زيه


http://banatmisr.com/up3/uploads/1501349179051.png

أكتر صفحة قاتله في الراجل ممكن تنهي العلاقة ؟

الخيانه
وان الست تقلل من رجولته وعدم التزامها بوعود اتفقوا عليها وبنود كانت مابينهم ع ميثاق
الزواج اصل الزواج مش ورقه وشهورد ده عمر كامل بامن نفسى وكل مافيه
ليها وهى كذلك ده لو انكسر مات كل شى


http://banatmisr.com/up3/uploads/1501349179051.png

موضوع " التحرش "
الناس اتكلمت عليه كتير وملوش دعوه نتكلم فيه تاني ..
بس لبس البنت هوا السبب ؟


ههههههه اهو ده شماعه الغلط نفسها يعنى انا اقول اللبس
وانسى غض البصر ماهى الجنه مش ببلاش وديان تدان
والنظره سهم يدرك المعاصى اتقى الله افضل لان ده مش مبرر انى
اقعد ابص وابحلق


http://banatmisr.com/up3/uploads/1501349179051.png

" إنتي بنت "
دا أسهل مبرر من الأهل عشان يمنعو البنت من حاجه هيا عاوزاها ..
معا ولا لأ وليه ؟


بالعكس كل واحد وليه طموح واحلام وطول ماهى ماتغضب الله
يبقى اسمع لانى ده غلط وبيخلى الينت تلجأ الى حاجات ممكن يكون الاهل
هو بدايه غلطها


http://banatmisr.com/up3/uploads/1501349179051.png


الولد تقريباً 24 ساعة في الشارع
وبيكلم بنات وممكن يكون بيشرب غير شله السوء الي مصاحبهم ..
بس لما يرجع البيت يبدأ يعامل أخته بمبدأ " أنا راجل " ..
رأيك فيه إيه ؟


ع العكس تمام انا كولد كان اخرى 12 مش توقيت من اهلى
انا متعود مااتاخر وبالعكس بالرغم انى كنت صغير انا واختى الكبيره كنا اصحاب
وكنت بسمعها الرجوله انى اكون سند ليه صاحب امان افضل ماتعمل شى من ورايا


http://banatmisr.com/up3/uploads/1501349179051.png

أغلب الستات ممكن يعيشو تحت
القهر والضرب والسب بس عشان ميتقالشي عليها مطلقه ..
يا ترا كان ممكن تعمل إيه عشا متوصلشي للمرحله دي من الذل ؟


لا بقى انا بقولك اطلقى واحفظى كرامتك
وايه ذنب ظلمه مطلقه يعنى الطلاق مش ف ده نصيب لانى حرام ادوس عليها
ف وقت كل الناس ضدها فيه


http://banatmisr.com/up3/uploads/1501349179051.png

طبعاً إنت شايف إني متحامله جداً ع الرجاله دلوقتي ..
هل يا ترى وجهه نظري دي هيا وجهه نظر بنات كتير ؟ وليه !


لست متحامله بالعكس انتي بتعبريعن وجهه نظرك
بس صدقاً ف رجاله محترمه كتير ومتفاهمه
وطبعا لا اعتراض ع وجهات مختلفه تمام يادوك الاختلاف لايفسد للود قضيه


http://banatmisr.com/up3/uploads/1501349179051.png

أتمنى تكونوا انبسطو باللقاء بتاعنا واستفدتو

ويا ريت برضو كل واحد يحاول يجاوب ع الأسئلة من وجهه نظره

نورتونا


http://banatmisr.com/up3/uploads/1501349555971.gif



^^khL oUD 07-30-2017 12:40 AM

استضاافه جميله اوي واسئله جريئه واجابات جريئه برده
تسلم ايدك بجد توبيك لذيذ ^^

محمود الصاروخ 07-30-2017 12:49 AM


استضافه جميله بصراحه بس شدني السؤال ده
وحابب ارد عليه بسؤال برضه ..

موضوع " التحرش "
الناس اتكلمت عليه كتير وملوش دعوه نتكلم فيه تاني ..
بس لبس البنت هوا السبب ؟

انتي تقصدي بجملة لبس البنت هو السبب
يعني اللبس الضيق وكدة ؟ طيب خلينا مع بعض ونقول
ان لبس البنت هو السبب والسؤال هنا ما المنتقبه مثلا
بيكون لبسها طبيعي جدا فـ ليه بتتعرض للتحرش ؟

وعموما السبب
بعيد عن البنات تماما
لعدة اسباب مش لازم تتقال

بالتوفيق
ومنور يامحمود


عهود~ 07-30-2017 12:53 AM


حوار اكثر من رائع

أسلوب طرح الأسئلة شيق وجميل

و مضمون الإجابات مفيد جدا

سلمت دياتكم

Magic Dreams 07-30-2017 01:03 AM

ايوه بقا رجعنا لايام زمان والنشاط طيب كملي اليوم احتفال واشتغلي من بكره :d
استضافه جميله واسئله ف موضعها كنا عاوزين نعرف شويه حاجات وعرفناها عنه
ضيف جيمل وخلوق
بالتوفيق





Fatma eissa 07-30-2017 01:23 AM

البرنامج اكتر من رائع
واسئلتك جامدة
وأجوبة الفيلسوف
ماشاء الله عليه
منطقيه جدا
مفيش كلامك
واحسنتي في اختيار
تسلم ايدك

.Lamar 07-30-2017 02:12 AM

ما شاء الله عليكى يا رنا
الموضوع تحفة من تنسيق لاسئلة
لادارتك للحوار باسلوب بسيط و عفوى

واجابات اخى فيلسوف جميلة و متزنة
ربي يوفقه

موفقة فى المسابقة رنوش
تحياتى يا قمراية

Eng Esraa 07-30-2017 07:23 AM

التوبيك جميل من تنسيق لاعداد
لحوار لحد النهاية يعني ههههههه
و محمود اجاباته جميلة
استضافة حلوة منك
تسلمي حبيبتي
موفقة

واد حبيب 07-30-2017 07:26 AM

ماشاء الله عليكي يا رنا
اسئله جميله واجابه جميله
اسلوبك في الاسئله يدل علي ذكائك العالي
بتوفيق ان شاء الله

حـيـــــآة ❤ 07-30-2017 08:50 AM

سيبك انتي التنسيق خيال :08:

عجبتني اوي الاسئله جديده من نوعها
ومنور اخي الفيلسوف
تسلمي ياقمر


الساعة الآن 09:48 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w