|
يوم عن يوم يوم عن يوم بيزيد إعجابي فيكي مش شايف منك حاجة تكرهني فيكي انتي جمعتي بين حاجات وحاجات صعب تتوفر في حد غيرك من البنات بقيت بشتاقلك وانتي جنبي وبتشد ليكي قلبك جميل اسمك جميل وأجمل وأجمل عنيكي يوم عن يوم بنسى ناس وبفتكرك ساحراني بجمالك ومش بيتفك سحرك قلبك آسرني يكونش فاكرني بتسلى وبكدب عليكي صدقيني حبيتك من لما لقيتك قلت انتي اللي بدور عليكي يوم عن يوم بيزيد جمالك اكتر يوم عن يوم حبك في قلبي بيكبر لو يومنا يبقى سوا تحلا ليالي الهوا وانا جنبك وبين ايديكي هو انتي مين يوصفك مفيش وصف ينصفك هتجنن عليكي الحلوة ضحكتك مفيش منها رزانة عقليتك كل الدنيا توزنها أخلاقك برائتك رقة تعاملك عسولة بجد ومش بجاملك انتي وبس ف حضرة تواجدك بنسى الدنيا وبقول الله الغني عنها وانتي جنبي هبقى عايز ايه تاني منها يوم عن يوم بحبك اكتر كل يوم بعيشلك قصة حب ما عاشها حد ف يوم ش. ح. ح |
اسلوب كتابتك و الكلام يجذب اي حد انه يقرا للاخر و يكون عاوز يقرا اكتر من كده كمان ! بجد حلوة جدا تسلم تدوم كتابتك بقا |
كلامك جميل اووي اخي تسلم ايدك بس الجملتين دول انا من الناس اللي بتخاف منهم قلبك آسرني يكونش فاكرني بتسلى وبكدب عليكي صدقيني حبيتك من لما لقيتك قلت انتي اللي بدور عليكي عشان كتير بيقولوا كده بعدين مش بنلاقي غير كلام بس وبعتزر لو اخر كلامي هيدايق حضرتك |
تسلم ايديك ياشاعرنا الجميل دائما راقى بوصفك |
الكلمات يها نبرة سعادة منك احساس جميل يعانق حرفك راقي دوما اخى شاعر اسعدك ربي بما تحب واكرمك بكل خير دام نبضك الجميل اخى |
يا واد يا جامد فنان يا نجم اشجيني قسم وسمعني اطربني |
فى ناس كتير بتفكر ان مجرد ان واحد بيكتب بيبقى عايش قصه حب وسعيد او بمعنى بيكتب اللى عايشه والغريبه كل مره بدخل على حاجه انت كتبها بيكون احساسى انك متميز فى انتقاء حروفك واحساسك ووصفك وبجد كاتب جيدا جدا |
الله تحفه كلماتك في منتهي الروعه ولاجملهم واصف حببتي واكتفي بيها تسلم ايدك ياشاعرنا |
ابداع جميل كما تعودنا منك يا ملك الحروف والإبداع العالي احساس راقي ومبدع في اختيارك للكلمات تسلم يدك علي ابداعك |
جروفك دايما مميزه مهما اختلفت فكره الموضوع تسلم ايدك شاعرنا ربى يسعدك تحياتى |
| الساعة الآن 01:08 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب