منتديات بنات مصر - آخـــر مــره

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - آخـــر مــره (https://forums.banatmasr.net/msryat569611/)

آخـــر مــره

السلام عليكم ورحمة الله وبركاته

كل مره نحط نقطه ونقول دي خلاص اخرها
ولبعض ناخد لقطه عشان يبقي العقل فاكرها

كل مره نقول خلاص انتهت كل الحكايه
بس يرجع الاحساس يجيب تانى البدايه

كل مره بننهي فيها كل لحظه من المحبه
ونقول بكره نداويها بس الفرقه والله صعبه

كل مره نقول مشينا ولمينا فعلا ذكرياتنا
وف شنطتنا دي حطينا كل موقف من حياتنا

ولما نبقي خلاص هنرسي علي شط البعاد
نلاقي قلبنا مايقسي ويرجع تاني المعاد

امتا مره بس نقدر نمشي ومانرجعش تانى
وقلبنا مره يصبر ويبطل يبقي اناني

ويفكر مره ف حالنا وياخد بجد القرار
يخلص خلاص سؤالنا وينتهي بنا المشوار

وتبقي فعلا اخر مره وندوس ع اللي فات
حتي لو هتبقي مٌره حتي لو قلبنا مات

بس تبقي اخر مره
http://forums.banatmasr.net/images/s...0Smiles/64.gif فجـــر http://forums.banatmasr.net/images/s...0Smiles/64.gif
3/8/2017

كل مره نقول خلاص انتهت كل الحكايه
بس يرجع الاحساس يجيب تانى البدايه

حلوة اوي كتابتك
تسلمي

مش هتبقي اخر مرة عشان قلوبنا ضعيفه
بس هيجي يوم وهتقسي ومش هنرجع تاني زي الاول

كلمات غايه الروعه والجمال
بحب كتاتبتك اوووي
واحساسك بيوصل للقلب
دمتي بود

Eng Esraa
مرورك الاحلى حبيبتى
نورتى

عاشقه الورد
عندك حق
للصبر حدود برضو
يشرفنى طبعا حبيبتى انتى الاجمل وتواجدك اجمل
نورتينى الله يسعدك

هذا شعور طبيعي بيمر به القلوب الطيبة التقية الصافية
كلمات رائعه معبرة
سلم نبض إحساسك
لك خالص التقدير والاحترام أسعدك الله
إيلانا

مشاعر صعبة
حسيتها ولامستنى جدا
اجمل حاجة انك بتعرفى تعبرى عن نفسك
وبدون ما تخرجى عن القالب الادبى
دام تميزك فجر
احترامى وتقديرى

اللى فات مستحيل يفوت ويبقى ماضى
حتى لو حاولتى بيفضل حاجة تفكرك بيه
كلمات رائعه فجر تسلمى

إيلاانا
وجودك الاروع غاليتى
تسلمى من كل شر
نورتينى

احساسى صحيح
يسلم وجودك
الله يسعدك بيشرفى ويسعدنى رايك
تسلم نورتنى