منتديات بنات مصر - (تجربتي فـ يوم)

http://forum.tawwat.com/images-topic...s/bas/0013.gif

ازيكوا بقا
معاد التصويت بتاع توبيك تجربتي انهاردة
ده لينك الفكرة علشان اللي هيحط صوت
يعرف هو ع اساس ايه :116:

http://forums.banatmasr.net/msryat569638/

دلوقتي بقا هنلكوا تجارب المشتركين ..

http://investigate-islam.com/fwasel/21.gif

تجربة 1

القصة يا بشمهندسة إسراء
هحكيلك موقف جاحد اوي وانا في الروضة كان في بنت صغيرة
جنبي في التخته الروضة طبعا اختلاط فكان معانا بنات البنت اللي
كانت جنبي كل شوية تقرصني طول السنه واهرب منها تقرصني مش
عارف ليه في فخدي كل حصة طول السنه بهرب منها بس كنت ناوي
اضربها بس قلت حرام دي بنت وانا ولد وفي الوقت نفسه مش فاهم
اشمعنى انا اللي شغالة قرص فيا وفي اخر السنه جت باستني من
خدي اخر يوم في السنه قالت لي كنت بتدوس على جزمتي وانت
مش واخد بالك ضحكت وسامحتها وقالت لي حتوحشني وبس قصة
خنيقة بس انا شايف ان الفائدة والهدف منها ان الواحد ميبقاش دفش
وياخد باله وكمان يطول باله لو حد غلس عليه وكمان بيبقى فيه عشرة
دي حاجه كده على جنب

http://investigate-islam.com/fwasel/21.gif

تجربة 2

كالعادة كنا قاعدين جلسة " غيبة ونميمة " الي أنا بقيت بكرها واستحاله
أفكر ولو لحظه أقعد فيها تاني مع صديقات مقربات وأخذنا الكلام إلى
صديقة مقربة جداً لي وحكيت موقف حصل معها واستنجدت بي ع سبيل
التبرير لها في جملة غلط قيلت عنها والموقف انفهم بطريقه غلط جداً وإن
البنت دي مش كويسه ..
حقيقي أنا مكنشي في نيتي أي حاجه مش كويسة ناحيتها وبحبها جداً
وبعتبرها أكتر من أختي بس يمكن كانت ساعه شيطان أو شئ آخر !
المهم إن الموقف والحمد لله لم ينتشر وقدرت ألم الموضوع قبل
ما يكبر ع الآخر وكل واحد يحط التاتش بتاعه ..
فضلت بعدها أيام ليلي كله أرق ونهاري تفكير وصداع هيموتني
وكل الي بفكر فيه يا ترا هتسامحني لو عرفت ؟
بدأت أشتريلها ورد وحلويات ودباديب وحاجات بتحبها
محاوله مني إني أكفر عن الي عملته .. بس برضو الموضوع
منفعشي ومقدرتش أسامح نفسي !
بعدت بعدها عنها وعن كل أصحابي ومريت يفتره اكتئاب تخطت
الأسبوع قررت خلالها إني أروح أكلمها وأحكيلها وأطلب منها السماح

- أسماء بصي حصل كذا كذا كذا ..
= ....
- أنا آسفه أقسم بالله مكنشي قصدي ولا كان في نيتي أأذيكي
= ....
- بصي أنا عارفه إني غلطانه وأنا لو مكانك أقطع معايا ومكلمنيش
ولا أبص في وشي حتى بس أنا حرفياً مش قادرة ولا عارفه أنام وأنا
حاسه إن الظلم الي ظلمتهولك طابق ع نفسي
= .....
- صدقيني أنا بحبك وهفضل أحبك أياً كان تصرفك معايا بس اتكلمي متسبينيش كدا
= خلاص يا بنتي اهدي أنا أصلاً عرفت الموضوع وسامحتك لإني عارفه
قد إيه إنتي طيبه ومتأكده إنك مش هتكرريها وأي حد هيقول عليا كلمه
بعد كدا هتقفيله ومش زعلانه منك متعمليش في نفسك كدا وكفايه
عياط خلاص الموضوع خلص وقفلناه وأنا مش زعلانه
حقيقي ردها صدمني وحسيت إني صغرت أوي في عين نفسي !
فضلت مكلمهاش وهيا تتصل تطمن وتقولي تعالي وتتحايل عليا وأنا
فعلياً مكنتش قادره أحط عيني في عينها من الي أنا عملته !!
والحمد لله بعدها رجعت علاقتنا أحسن وأقوى من الأول ♡
ممكن تكونو شايفين إن الموقف تافه جداً ومش مستاهل كل الي أنا عملته
دا بس أنا ساعتها بس فهمت معنى " يا بخت من بات مظلوم ولا بات ظالم "!

http://investigate-islam.com/fwasel/21.gif

تجربة 3

لاختيار الغير الصائب
لما واحد يجي يختار شريكة حياته
ويكون عرفها وعارف أهلها
بس فيه مشكله
عدم كفايتها في تعليم
وده مش حاجه يعيبها
خالص
لأن زمان كانو بيتجوزو عادي
ولأهلي طبعا همهم لأول والأخير مصلحة لابن
وغير نصايح بس أصر عليها
ولما بقي عنده اولاد حس بفارق الكبير
في كل حاجه
ف فندمان انه مسمعشي النصائح

http://investigate-islam.com/fwasel/21.gif

تجربة 4

مرة سمعت داعيه بيقول لازم كل انسان مننا يكون
ليه عمل تطوعى بدون مقابل !
وان العمل ده هيهذب نفس الانسان و هيخليه يستحق
انه يكون انسان فعلا ♡ من وقتها و انا قررت ان " جبر الخواطر واسعاد الناس "
يكون هو العمل التطوعى بتاعى ، من ضمن التجارب الممتعه
جدا اللى حبيتها انى مثلا اجيب حلويات و اوزعها على الاطفال
الصغيرين وقت صلاه التراويح فى رمضان ، الفرحه اللى بتكون فى عيونهم
رغم الحاجه البسيطه اللى قدمتها ليهم تساوى الدنيا كلها

http://investigate-islam.com/fwasel/21.gif

وقت التصويت هيكون لحد يكرة بليل ان شاء الله
موفقين
:604: