منتديات بنات مصر

منتديات بنات مصر (https://forums.banatmasr.net/)
-   قــــاعه صفحات مكشوفة (https://forums.banatmasr.net/f251/)
-   -   مدونتى المفضله (6)....مع احساسى صحيح (https://forums.banatmasr.net/msryat569824/)

*فجر الاسلام* 08-07-2017 05:57 AM

مدونتى المفضله (6)....مع احساسى صحيح
 
http://www.fbimages.net/image/img_1420025393_416.gif
اعضاء بنات مصر يسعد ربى كل اوقاتكم واهلا بيكم فى حلقه جديده
من مدونتى المفضله
معانا النهارده صاحب الحرف المميز والاحساس العالى
الاخ احساسى صحيح تعالو نشوف اختياره كان ايه

https://upload.3dlat.net/uploads/3dl...4029177377.gif

ما هى المدونه المفضله بالنسبالك؟

فى مدونات كتير بتابعها وبتشدنى
بس انا حابب اتكلم عن مدونة معينة
لأن فيها اشياء أنا بحبها ونفسى بترتاح لها
وبحسها متوافقة معايا فى أشياء كتير
وهى مدونة سهر / ميلاد جديد

https://upload.3dlat.net/uploads/3dl...4029177377.gif
ايه رايك فى اسم المدونه

متهيئلى هى غيرت اسم المدونة اكتر من مرة
والاسم الحالى تقريبا زى ما انا حسيت إنها حبت تبدأ بداية جديدة لها
وانا حبيت الاسم جداَ
لأنه بيشعرنى بالتفاؤل
اى حد فينا فى بعض الاوقات بيحصله بعض الصدمات فى حياته وبيكون جواه نفسه ينسى
ويبدأ من جديد ..

https://upload.3dlat.net/uploads/3dl...4029177377.gif
ايه المميز فى المدونه

المميز هو الخصوصية التى تختص بها سهر
لما تحكى عن نفسها ويومياتها وتقربنا منها ومن حياتها
وتشعرنا فعلا إننا إخواتها بجد

https://upload.3dlat.net/uploads/3dl...4029177377.gif
من خلال متابعتك ايه تقييمك ليها

  1. مدونة إجتماعية أو اقرب للعائلية
  2. وده سر خصوصياتها

https://upload.3dlat.net/uploads/3dl...4029177377.gif
تصنيف المدونه من بين المدونات

زى ما قولت هى اقرب انها تكون عائلية
ولها نمط مجدد وغير متفرعة فى اشياء لا تهم القارىء

https://upload.3dlat.net/uploads/3dl...4029177377.gif
اكتر مشاركه عجبتك فيها؟

هى كانت كاتبة من فترة مش فاكر بالظبط امتى
مشاركة كانت واقعية جدا
وعبرت فيها فعلا عن جيل إتظلم جدا وهو جيلل التسعينيات ..
انا بحثت عن المشاركة وجبتها أهى :
..
..

بجد احنا جيل غلبان
الجيل اللي هو من اول التسعينات ده لحد 97
شايفين ايام سوده واحنا لسا في عز شبابنا
بنتمنى الموت واحنا اصلا لسا ملحقناش نعيش
نسب انتحار كبيره جدا لشباب في العشرينات
ممكن قله ايمان بربنا
وممكن يكون تعب نفسي وعدم قدره على التحمل
انا بستغرب حالنا
بنصبر نفسنا بالحمدلله احنا احسن من غيرنا كتير
بس ده مجرد تصبير للنفس
احنا مش مقتنعين من جوانا
نفسنا نلاقي الاحسن بس محدش مدينا فرصه
ولا حد بيسمع لينا على فكره
كل اللي بيتعامل معانا بيحسسك انه بيمن عليك
وان ده مش حقك في الحياه
..
..

https://upload.3dlat.net/uploads/3dl...4029177377.gif
ومشاركه ماعجبتك؟

مشاركة كتبتها مؤخراََ
حسيت إنها كانت مدايقة جدا
وذكرت أشيااء أنا زعلت جدا إنها ذكرتها
ومش حابب إنى أكرر كلامها
لأنى حاسس إنها ذكرته نتيجة ضغوط واقعه عليها ..

https://upload.3dlat.net/uploads/3dl...4029177377.gif
ومشاركه غامضه مافيهمتهاش؟

معتقدش قابلنى اى حاجة غامضة
لأنها بتتكلم ببساطة ووضوح

https://upload.3dlat.net/uploads/3dl...4029177377.gif

لو طلبت منك نقد بناء تقول ايه عليها ؟

الصراحة انا مشوفتش منها حاجة اقدر أنى أنقدها
ولكن ممكن إنى انصحها كأخ اكبر لها
وأقولها بلاش تشاؤم يا سهر وخليها على الله
( قل لن يصيبنا إلا ما كتب الله لنا
هو مولانا وعلى الله فليتوكل المؤمنون )

https://upload.3dlat.net/uploads/3dl...4029177377.gif
لو المدونه اتفتحت ممكن تكتب فيها ايه؟

  1. إنتى شخص مميز جداََ
  2. وأنا سعيد إنى عرفتك وإتعاملت معاكى
  3. انتى الشخص الوحيد إللى محسسنيش بالحرج وانا بتعامل معاه
  4. يعنى حسيت إنك أختى فعلا بحق وحقيقى :)

https://upload.3dlat.net/uploads/3dl...4029177377.gif
اطلب طلب من صاحبتها؟

تنزل ف المدونة طريقة عمل البيتزا http://forums.banatmasr.net/images/s...Smiles/107.gif
علشان البنات الخايبين هنا تتعلم :)

https://upload.3dlat.net/uploads/3dl...4029177377.gif
وجه كلمه لصاحبة المدونه؟

خليكى على طبيعتك وزى ما دايما عرفتك
تعاملى بطبيعتك ولا تعيرى إهتمام لأى حد يدايقك

https://upload.3dlat.net/uploads/3dl...4029177377.gif
وشكرا ليك :)

العفو فجر
وشكرا على أختيارى وربنا يوفقك انتى وسهر ..

تسلم نورتنى ربى يسعدك


واد حبيب 08-07-2017 06:11 AM

حلقه جميله منك يا فجر
واختيار احساسي متميز جدااا
مدونه سهر فعلا جميله وتلقائيه
متميزه جدااا بكلمها اللي بيكون من القلب
تسلمي يا فجر علي الحلقه
نورت يا ياسر باختيارك الجميل

❤ ملكة حساسه ❤ 08-07-2017 08:52 AM

حلقة ممتعة وجميلة جدا يا فجر
وكمان احساس صحيح اجباتة روعة

تسملى فجر

حـيـــــآة ❤ 08-07-2017 09:18 AM

منور اخي، ياسر
مدونه سهر جميله فعلا
تسلمي فجرو

Eng Esraa 08-07-2017 09:36 AM

بحب جدا اجابات ياسر ف اي برنامج
و اختياره كان حلو جدا
حلقة مميزة
تسلمي فجر
منورين بقا

Muhammad_Adel 08-07-2017 11:01 AM

حلقة في غاية الجمال
إجابات وضيف رائعين بكل ما تحمل الكلمة من معني
مدونة سهر .. كانت أول مدونة أعرفها في الصفحات ( هي اللي عرفتني الصفحات ) شخصيا تابعتها فترة كبيرة جدا ولكن مؤخرا بس انقطعت المتابعة !
بكل أمانه مدونة فعلا تستحق المتابعة .
فكرة جميلة جدا منك يا فجر ،
متابع .

سهـــر 08-07-2017 01:18 PM

موضوع جميل وضيف ممير تسلمي يا فجر
ياسر ^_^
كلامك فرحني جدا
انت من الناس اللي بفرح لما الاقيهم متابعيني
وبيبعتولوا اراؤهم
انت عارفني من زمان وعارف اني فرفوشه جدا
بس الحلو ما بيكملش بقا
الضغوط زي مانت قولت هيا الي سودت الدنيا في وشي شويه
بس هحاول اشوف الدنيا بمبي تاني
تسلم ياسر ربنا يفرح قلبك
وحاضر هنزل الطريقه ههههههههه :a_022:

ايمان طلعت 08-07-2017 02:50 PM

حلوه فكرة البرنامج
واختيارك للضيف موفق

فجر
ياسر
تحياتي لكما

بقايا عشق 08-07-2017 04:26 PM

حلقه جميله ياقمر

والاسئله والاجابات كانت مميزه

وسهر فعلا مدونتها رائعه

وطريقتها فالكتابه راقيه

تسلمي فجر عالحلقه

يدوم النشاط

احساسى صحيح 08-10-2017 05:14 AM


الف شكر لكى فجر على اختيارى
واتمنى ان اكون وفقت ف الاجابات
وعبرت عما تمثله فعلا مدونة سهر من قيمة كبيرة
وتحياتى لكى ولها
ربنا يوفقكم


الساعة الآن 08:45 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w