مطلوب محررين للاقسام السلام عليكم ورحمه الله وبركاته فكره المحررين اتعملت قبل كده بس حبينا نكررها مع شويه تعديلات بهدف اتاحه فرصه الاشراف لكل الاعضاء اى (عضو) حابب انه يشرف على قسم معين دى فترة تجربه مدتها 3 شهور وبعدها الجدير بالاشراف هيكمل و اللى مش هيلتزم ويتابع مهام قسمه هيرجع زى ماكان نيجى للنقاط المهمه : *الاقسام المتاحه ( اى قسم مش عليه مشرف حاليا ) *محرر واحد على كل قسم ( بشرط: لو العضو(س) اختار قسم الازياء و عضو تانى اختاره الاول ليه الحق ، لكن بعد انتهاء فترة ال3 شهور او بعد ما القسم يكون فاضى ممكن تبديل المكان اللى اى محرر يكون حابه ) *المحرر هيكون معاه صلاحيات يتعامل بيها داخل القسم ومطلوب منه مهام المشرف *المحرر ملزم شهريا بتقرير نشاط لكل عمل هيقوم بيه من تكريم ، مواضيع ، مسابقات شهريه وتفاعليه (داخل قسمه ) *هيتم بشكل شهرى تكريم افضل وانشط المحررين و ازاله المحرر الغير نشط اى عضو حابب ينضم لفريق المحررين يكتب فى رده القسم اللى حابب يختاره بشرط القسم يكون مش عليه مشرف او مشرف غائب من فترة ( زى اقسام حواء كلها ) على حسب التفاعل هنكمل الفكرة |
فكرة حلوة بتمنى نلاقى معها تفاعل تسلمى يوشا |
الفكرة جميلة ان شاء الله يكون ف تفاعل موفقين |
فكره ممتازه وان شاء الله. هيكون فيها اقبال كبير عشان المنتدي يرجع زي زمان واكتر تسلم ايدك |
يلا ان شاء الله الاصدقاء بيكونوا قد التحدي الكبير دا وينكم يا اصدقاء |
جميله الفكره ان شاء الله يكون في تفاعل |
كان نفسي أكون معاكم المنتدى محتاج شغل كتير وقتي ضيق جداً أكيد حفشل وانا مش بحب الفشل أدخل في الحاجة اللي متأكد من نجاحي فيها بكل الأحوال المنتدى ما شاء الله مليان كفاءات ربنا يوفق الجميع إن شاء الله .. |
مبادرة رائعة لعلها ترجع الروح لبعض الأقسام الساكنة او الميتة ونجاح الفكرة يحتاج الى وضع الشخص المناسب في المكان المناسب حتى تتحرك الاقسام بالتوفيق لكم |
جميله الفكره وان شاء الله يكون عليها إقبال ومتابعه تسلموا للمجهود بالتوفيق دايما |
كله داخل يقول يارب نلاقي تفاعل :) فكرة حلوة جدا يا ايه وتسلمي على مجهودك وان شاء الله نلاقي تفاعل انا كمان حقول كده :) |
الساعة الآن 05:03 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب