منتديات بنات مصر

منتديات بنات مصر (https://forums.banatmasr.net/)
-   متحف هوايات الاعضاء (https://forums.banatmasr.net/f204/)
-   -   ذكريات لا تموت الا مع موت البشر (https://forums.banatmasr.net/msryat569878/)

واد حبيب 08-08-2017 06:34 AM

ذكريات لا تموت الا مع موت البشر
 
السلام عليكم ورحمه الله وبركاته
كلنا موجدين هنا ولكن لا نعلم اننا هنكون دايما موجدين ولا هنكون ذكره تموت مع مرور الايام
لذالك لزم يكون لنا ذكره تدوم لنا هنا حتي لو الايام بعدتنا عن هنا
كل موضوع ليا سواء قديم او جديد هيكون موجود هنا
لتكون ذكره ليا بعد ما تموت
لعلو الموت ياتي قريب
تابع في صمت وادعلي ان الله يجمعنا علي خير دايما
ذكره حلوه احسن من مليون معاد ليس له لزم

كان هنا
واد حبيب

محمد رمضان

واد حبيب 08-08-2017 01:20 PM

صعبان عليا حالي

هنفضل لحد امتي كده

هنزعل ونجرح قلبنا
ودموعنا علي خدنا
واليأس في حياتنا
والموت اقرب لينا
بتمر ايام وليالي
والحزن في قلبي مالي
كأنو اتولد معايا
ومش عوز يفرقنا
صعبان عليا حالي
ولا شي بيجي علي بالي
الا حبيبي الغالي
ابو قلب راقي
امتي يرجع تاني
ويشيل الحزن واهاتي
من قلبي اللي مات
من غير ما يقول اه


واد حبيب
٢٠١٧/٨/٣



واد حبيب 08-08-2017 01:21 PM

حبيبي ملاك
اول مره اشوف ملاك
موجود علي الارض
وبياكل من اكلنا
وله قلب زينا
ايوه يا ناس
حبيبي ملاك
عايش وسطنا
قلبه طيب
مليانه حنان
وله عيون
تسحر قلوب
وله رموش
ملهاش مثيل
ولا خدوده
يا قلبي عليها
من كتر الجمال
فيها حنان
يملي القلوب
ولا الشفايف
مرسومه رسم
ومش اي رسم
جمال طبيعي
ما شوفتش زيها
مش عارف اقول
ولا اوصف العيون
من اول نظره
دوبت فيها
حبيبي يا ناس
احسن ملاك
بموت فيه
من زمان

واد حبيب
٢٠١٧/٧/٣١


واد حبيب 08-08-2017 01:22 PM

الحلم كابوس

بدأنا طريق طويل
لما كنا صغيرين
مشينا كتيروتعبنا
ونهاية الطريق مستنيين
قولنا نمشي كمان
وفيه نحقق الاحلام
اتاري الحلم كابوس
وانا نايم بحس بشئ
بيقولي اصحي وبلاش
تكتر عليا الهموم
اتاري حبيبي ماشي
وسيبني وسط الطريق
ولا عارف ارجع لوحدي
ولا قادر اكمل الطريق
فضلت واقف حزين
والدموع تسيل من العين
وقلبي بيدق من كتر الخوف
وانا واقف لوحدي في وسط الطريق
وصحيت فجأه لقتني
ببكي وبقول خير

واد حبيب
٢٠١٧/٧/٣٠



واد حبيب 08-08-2017 01:23 PM

فضلت سنين ادور

فضلت سنين ادور
علي شي ناقصني
مش عارف ايه هوه
فضلت حائر بين البشر
وادور في كل مكان
علشان قلبي يرتاح
لحد ما شوفتك انتي
والشوق شدني ليكي
ساعتها بس قلبي دق
والضحكه ملت المكان
وعرفت اللي ناقصني
والشي اللي تايه مني
مش لقيه عند الناس
الحب والحنان والجمال
معاكي انتي يا اعز الناس
عرفت معني والاحساس
والحب اللي بين الناس
اول ما عيوني شافتك
قولت اقرب منك
لقيتك اجمل انسانه في الكون
قولت اقرب كمان
علشان احس بامان
لقيت قلبك كبير
ومليان حب وحنان
من ساعتها وانا معاكي
وعمري مااسيبك في يوم
علشان لقيت معاكي
كل شي يحسسني بامان

واد حبيب
٢٠١٧/٧/٢٨



واد حبيب 08-08-2017 01:24 PM

انت حبيب عمري

حب عمري يا ناس بعيد
مش عارف اقرب من سنين
كل ما اقرب يبعدني تاني
ويقطع عليا كل الاماني
حد يقولو ان بحبه
ومن غيري معرفش اعيش
ده هوه الروح في جسدي
سبني اقرب منك
خليني اعرف اعيش
ليه عوز تموتني
قبل ما اكون ليك
انت حبيب عمري
والحلم اللي بحلم بيه
قرب مني وتعالي
نحلم ببيت جديد
كله حب واماني
حبيب قلبي تعالي
وبلاش بعد وعناد
لحد امته هتفضل
هتحب ومش قادر تقول



واد حبيب
٦/٥/٢٠١٧



واد حبيب 08-08-2017 01:25 PM

لما البعد عذاب بتبعد ليه

لما البعد عذاب بتبعد ليه
بتعذب نفسك وتعذبني معاك
ارجع تاني وانسا العذاب
القلب مش مستحمل جراح
بلاش تعود نفسك علي البعاد
ده اخرو دمار وجرح وهلاك
ارجع لحضني من تاني
ونسيني الالم وايامو
انا اتعوت اكون معاك
اصحي الصبح علي صوتك
وقبل ما انام بتمني رضاك
يا اجمل حب في عمري
ضمني وخليك معايا
وانسي البعد وعذابو
وقرب مني وتعالي في حضني
خالي السعاده ترجع لينا
ويبعد الحزن عن ايامنا وليالينا
واد حبيب
٢٠١٧/٦/٣٠



واد حبيب 08-08-2017 01:40 PM

ضمني .....

مهما اوصف فيك
فانت احلي من الجمال
عيونك تسهر قلوب
وخدودك احلي من اللوز
وشافيفك مالهاش مثيل
وقلبك اطيب من الحنين
وشعرك يا عيني عليك
ناعم واجمل من الحرير
تعالي في حضني وضمني
وجوه عيونك خطني
وبرموش عنيكي غطيني
من نسمه الهوي الطائر
ده انا حبيتك حب جنان
من يوم ما عرفتك وانا
قلبي ليك ميال
وحبك هوه الحياه


واد حييب
٢١/٥/٢٠١٧



واد حبيب 08-08-2017 01:41 PM

وانت معايا

بتوحشني وانت معايا
يا مالك قلبي وهوايا
يا ساكن قلبي وعيوني
معاك انت سعيد علطول
وعنيه دايما بتشوف النور
طول ما انت جنبي حبيبي
وايدي دايما في ايدك
هيتغير كل شي بينا
ونزرع الفرح والسعاده حولينا
انت اجمل شي في الكون
وحبي ليك كل يوم بيزيد
عمري ما اسيبك في يوم
تحلم والحلم يكون بعيد
كل حلم ليك لزم يكون سعيد
الحزن هيبعد عننا
طول ما احنا مع بعضنا


واد حبيب
٨/٥/٢٠١٧



واد حبيب 08-08-2017 01:42 PM

ابعد لو البعد هيريحك

تعبت خلاص ومش قادر
استحمل وانجرح تاني
كلامك قاسي بيجرحني
وبينزل الدمعه من عيوني
علشان قلبي حبك واختارك
كل شويه تعذبني بقرارك
وتقولي ابعد عنك واسيبك
البعد عندك كلمه بتنقال
البعد عذاب والالم وجراح
وعيون تبكي ليل ونهار
وقلبي انتهي ومات خلاص
ابعد علي الله قلبك يرتاح
وتنسي حبي اللي ماليك جراح
بس اوعي تنسا اني حبيتك
وحبك في قلبي طول الزمان


واد حبيب
٢٢/٤/٢٠١٧




الساعة الآن 12:35 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w