حكايه قلب مات هي حبتك عشان تكون سند وتكون ليها اب اما ان كان عليك فكلك عيوب ومفيكش حاجه تتحب دا انت غرقان في بير ذنوب ولا نافعلك اي توبه ووقعتك ملهاش قومه وداخل علي كومه عذاب ينفع يا غشيم ناس تقربلك وانت تكتبلهم جواب م الغياب طب كنت تبين الحلو اللي فيك ان شالله حتي يا دوب ع الوش مكنتش طالباك تداوي جرحها ولا عايزاك تشيل همها دا يا دوب كفايه عليها تقولها معلش قتلتها ب سكوتك. وجبروتك زود في حزنها علي روحها اللي ماتت في عز الشباب معقول يا ناس لسه في ناس بتقتل يا اخي كان كفايه عليها انك عليها تسأل او حتي جيب سيرتها اديها راحت ولا تعرف حاجه عنها ومفكر انها بتعيش في وحدتها غلبان وغشيم ملعون البخل في المشاعر ما انت لو شاعر كنت عرفت ان في الحب لازم تكون كريم احنا كدا بنعرف قيمه الحاجه اما تروح مننا وغصب عننا بنحزن اما نتساب مع اننا برضه سايبين بندور علي الحزن يقتل اجمل ما فينا وان كان علينا في بعدهم عننا لسانا تايهين فيا متعشمين في الهوي قلت ليكم قبل كدا الهوي موش للبني أدمين #حكايه متلخبطه حبتين |
عتاب ولوم للنفس قاسى بكلمات فاقت حدود الجمال باحساسها تسلم اخى |
هو ينفع الهوي يكون لغير البني آدمين احنا فعلاً اوقات مش بنقدر النعمة ومش بنعرف قيمتها الا لما تروح من بين ايدينا وقتها بنجرح نفسنا بأيدينا ولما ببنجرح بنبتدي نحس بالمشاعر وقيمتها بس بيكون فات الآوان كلمات كلها شجن ولوم وعتاب تسلم اسلام ومبارك على العودة القوية نورت المنتدى من تاني |
جميلة كلماتك اخى جنون بس بتعاتب نفوس بتحب تاخد وما تدى يعنى نفوس انانية من الاخر ما تعرف قيمة الشيء الا عندما يفوت الاوان سلمت اخى |
عتاب شديد وقلم فريد تحياتى لهذا الفيض العذب |
رائعه اخى تسلم ربى يسعدك |
الساعة الآن 11:08 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب