البنت ف مصر..
 

مفروض كل م نكبر يعاملونا بشكل احسن
يثقو فينا اننا نقدر نختار صح ونقدر نحافظ ع نفسنا
بندرس وناخد شهادات ولسا بنتعامل زى الاطفال
البنت خصوصا ف مصر ي متسابه اوى تعمل الل يعجبها
ي متقفل عليها بشكل يخنق والسبب بنخاف عليكى
مفيش خروج لوحدك مفيش شغل مفيش سفر كلو ممنوع
عارفين فية حوادث وكدة بس بردو احنا موش صغيرين
ليه اهلنا موش فاهمينا كفاية وبيدخلو ف كل حاجة
نوع دراستك ولبسك حتا لو هتجوزى
من حقنا نعيش بشكل الل يعجبنا
دام بنحافظ ع الادب والل ربونا عليه
من حقنا يثقو فينا وف اختيارنا افعال موش بس كلام

انا من حقى أعيش بحرية فعلا اذا كنت محترم
مش بس عشان بحافظ على الأدب اللى اتربينا عليه
بصراحة من سنين كثير لم نرى أب و أم بيربوا أبنائهم صح
فبلاش نكدب و نقول اننا اتربينا لانه محصلش بجد
يعنى احنا ناقصنا مبادئ كتير قوى لم نعرفها و لم نتعود عليها
حكيلك موقف غريب شوية فتاتين واحدة منقبة و الأخرى متبرجة
فى المترو و داخل راجل مريض ، همت المتبرجة و ساعدته و قعد مكانها
و المنقبة و لا فدمغها لان دخلت أمرأة عجوز و لا اتحركت من مكانها خالص
فحتى اللى بنقول عليه محترم ناقصه حاجات زى أحترام الغير بشكل عام .
و احنا عارفين ان الحياة سلف و دين
و مادامت مش هساعد حد ، مفيش حد هيساعدنى
فأحنا لو هنتكلم عن تربية أهلينا فبجد احنا لم نتربى أصلا .

علينا اننا نبحث و نعرف كيف تكون الأخلاق حتى نكسب الثقة بأنفسنا .

تقريبا عشان هما اتربوا كدا
فجيل بيسلم لجيل تاني
يمكن الزمن ده مش امان
زي ايامهم
مش عارفه
بس فاهمه قصدك عشان بعامي نفس المعاناه دي

عارفه احساسك وكنت بعاني منه بردو
بس لما بقيت ام اتغيرت وجهه نظري
لازم هيخافوا عليكي
لازم هيقفلوا عليكي بقدر الامكان خصوصا في الزمن العجيب ده
مش لانهم مش بيثقوا فيكي
لا حبيبتي لانهم بيحبوكي و بيخافوا عليكي من الهوا
لانك غاليه جدااااا عندهم
ومش هتعرفي معني كلامي غير لما تبقي ام

الخوف مطلوب ودا احساس طبيعى مش حاجه تزعل

كل البنات ليها نفس الشكوى
و هى عادات و تقاليد
و دة اكيد سببه حب و حرص عليكى
زى ما قالت ايمان
هتفهمى دة اما يكون عندك اطفال
و نفسك تشوفيهم كويسين
و بتخافى عليهم من الهوا
تسلمى سمسمة

الاولاد بيفضلو صغيرين فى نظر اهلهم مهما كبروا
والخوف عليهم مابيقلش بالعكس بيزيد وملوش علاقه بالثقه
بس محتاجين نقطه تفاهم بين الجيلين
تسلمى على الفضفضه