كريب دايت (اكله من مطبخك)
 

السلام عليكم

انا بعمل رجيم من كام شهر
بس مش حارمه نفسي من حاجه ومدلعاها على الاخر:m46:
فعملت كريب دايت طبعا وكان روووووعه

هقولكم على الطريقه وخصوصا لسهر :m41:

عيش الكريب نفسه عملته من الدقيق الاسمر اللي هو دقيق القمح الكامل
50 جرام دقيق
رشه ملح
بيضه
نص كوب لبن
نص كوب ماء
هنضرب البيضه مع رشه الملح ونحط الدقيق ونضيف اللبن و نقلب
بعدين نضيف الميا بالتدريج
هيتقلب لحد ما يبقى القوام سائل لكن تقيل شويه زي كدة

http://banatmisr.com/up3/uploads/151137864858441.jpg

هنجيب طاسه او صينيه مدهونه زيت قليل اوي ونسخنها
هناخد نص الكميه او لو الكميه كبيرة هناخد مقدار كبشه المطبخ ونحطها في الطاسه و نفردها براحه لحد ما تشكل قرص جوة الطاسه وبيكون رقيق
يدوب نلاقي العجين لونه غير نقلبيه الناحيه التانيه

دة شكله

http://banatmisr.com/up3/uploads/151137864863012.jpg

و دة سمكه

http://banatmisr.com/up3/uploads/151137864868163.jpg

و دة بعد ما عملت الكريب بالحشوة

دة شاورما فراخ و طبعا دايت
قطع الشاورما متبله بتتبيله الشاورما
تتشوح في طاسه من غير اي دهون ونحط عليها فلفل اخضر وبصل و طماطم لحد ما تستوي وبس كدة
نحطها في الكريب و شويه موزريلا و زتون و نلفه

http://banatmisr.com/up3/uploads/15113786487695.jpg

و دة بسطرمه و موزريلا

http://banatmisr.com/up3/uploads/151137864873364.jpg


بس كدة وبالهنا والشفا عليا :m87:

يا سلام يا ايمى
جوعتينى ههههه
كنت متاكدة انك هتعملى اكلة حلوة
تسلم ايدك يا رب
بالتوفيق يا عسلية

برافو ايمى تسلم ايدك

انا جعت 😂😂😂
لا حقيقي انا جعت
ليه كدا طيب 😂😂
تسلم ايدك

الله جميله اوي
ويحبها اوي
وفيه ممكن
بمربا ولمحه المفروم
تسلم ايدك

تسلمو كلكم يا جماعه
نورتوني والله
واللي جاع يروح يعمل زيه و ياكل
ويبقي يدعيلي بقي ههههه