ازاى تخلى مراتك تشد في شعرها تعلم معانا خطوه بخطوه ازاى تخنق مراتك و تخليها تشد في شعرها 😀 * الخطوات سهله و سلسله المهم عقد النيه الاول لان الاعمال بالنيات 😄 و جمد قلبك مش تخاف الشبشب يرزع في دماغك و لا صحن طائر يخبط في دماغك دى كلها خساير ممكن تحصل لو انت متجوز ست ابوها . * استرجل و اشرب بيرل و جمد قلبك اوعى رجلك تخبط في بعضها زى ما انا صوابعي بتترعش و انا بكتب 😀 علشانكم شوف الضحيه يا اخى . * اول حاجه الصبح خليك سبع اول ما تصحى من النوم و الهانم طبعا مش بتصحى بدرى تروح زاغدها بصوابع ايدك في جنبها و اشخط كدا فيها قولها قومى يا هانم حضرى الفطار طبعا هى هتغدلك بعنيها اوعى تخاف او تكش اجمد امال 😀 لو هى وليه مفتريه و انت مش زى الفرخه مكسورة الجناح هتخبكك بالقلم على قفاك و تقولك قوم يا بقف حضره لنفسك هو انا الفلبنيه الى اشتراها لك ابوك 😯 اما لو انت مسيطر يا سبع هتقوم من سكات . * اول ما تحضر الفطار و تيجى تاكل اوعى تعجب بالاكل لا اكسر نفسها مع اننا عارفين انها مش طابخه حاجه كلها حاجات معلبات جيبهالك على الصبح . انت بقا تشخط و تنتر دا فطار يا هانم انتى ايه مفيش عندك احساس و لا دم يوم اسود يوم ما اتجوزتك كدا يا معلم خبط في الحلل و هى مش هتسكتلك لو بنت ناس و طيبه هتقعد تعيد و دموعها تزرف على خدودها اما لو وليه مفتريه فربنا معاك هتلقيها ماسك الطاسه الى بتقلى فيها بيض فى وشك طررخ :m34: و تحس عنيك مزغوله و راسك بتلف احساس صعب انا عارف بس هنعمل ايه مفيش قدامك الا تعيط و تقلها بصوت منكسر 😀 كل قوى فيه اقوى منه لكل ايه بدايه و لكل ظالم نهايه هتزغدلك بعنيها تانى و هتزعق فيك و تقولك بتقول ايه سمعنى انت بقا تسحب كلامك بسرعه و تقلها كنت بكح يا حبيب قلبي 😀 يلا كفايه كدا الوليه بتنادم عليا .... لبيك يا حبي من خاف سلم يا عم الحج 😀 |
احلى حاجة ان كل الاحتمالات واردة :) يعنى يحاول و هو نصيبه نصايح جميلة بس ممكن تجيب مصايب ومن خاف سلم :) و الطيب احسن عشان اكيد اكيد هى لو خلاها تشد فى شعرها مش هتسمى عليه لا دة هيوفر فلوس الحلاق خلاص عشان مش هيبقى عنده ولا شعرة :) حلوة الخزعبلاية اخى تحياتى |
مين دى اصلا على اساس انكوا بتخافوا ربنا فعلا علىا الظالم والمفترى اللى بيفترى علينا :) تسلم ع الخزعبلايه |
اقتباس:
نحن معشر الرجال لا نخشي شىء :o3e: و بنعرف نسيطر اوى 😀 نورتى الخزعبلايه لمار |
اقتباس:
دا انتوا تولعوها بلاد نورتى فجر الاسلام |
ليه بس كده .. ما الطيب أحسن والله انا شايفة انكم رجاله عايزين القوية المفترية الست الغلبانة المكسورة دي ماتنفعش معاكم حلوة الخزعبلاية بس نصيحة بلاش تجربها مع مراتك فضفض هنا معانا وبس هههههه |
اقتباس:
دا لو شافت التوبيك دا يبقى عليه العوض و منه العوض :a_039: |
نصيحه تمام مبروك الجواز والله يرحمك بقي بعد التوبيك دة |
اقتباس:
|
ههههههههههه شكلك مجرب يا معلم هو الواحد متجوز ست ولا مافيا روسيه هههههههههههه |
الساعة الآن 09:10 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب