|
خلاص ودعته (مسابقة عشاق القلم) http://banatmisr.com/up3/uploads/151767964971991.jpg الحزن خلاص ودعته مش هاكتب عنه وسيرته والحيرة دى كات وخدانى من ناسى ومن خلانى هاشطبها دى من حساباتى والفرح فى قلبى يوماتى هاينور كل حياتى وهاعلم قلبى الرايق يضحك لو كان مدايق ويسامح كل الناس ويعيش بس بإحساس الجاى هيبقى جميل وينسى ده كان ومستحيل وعيونى دى هاعودها ممنوع تنزل دمعتها وتشوف فى السما ألوان الطيف هايعدى الفرح سحابه خفيف ينزل مطر الخير على طول وكل الحزن خلاص هايزول مش هاسجن نفسى فى ماضى وأضيع أيامى على الفاضى ده الحزن خلاص ودعته مش هاكتب عنه وسيرته mena_hassan 3-2-2018 |
جميل والله جميل جدا اننا نعرف سبب وجعنا والامنا والاجمل بقه هو اننا نقدر بالفعل نزيله من حياتنا ويكون عندنا العزيمه والتفاؤل ننتصر عليه كلمات كلها تفاؤل وصوره ببسمه كلها حياه ادام الله عليكى وعلى الجميع السعاده |
جميل نعرف المعني فآلام تودعنا ونرتي قلبنا حباوايام ترجعنا فعاش فؤادك دفئ ليسمعنا |
خلبيتوا دا عقل يا ناس وخلبيت دا احساس خلاويص وفنيتوا خلاص وهو الحزن اعلن افلاس ودموعي سافرت بعيد مع الاااااه والتنهيد ويلا جديد فى جديد والعمري من تانى اعيد بيتنطط كده وسعيد وبالشكر اكيد هيزيد والوردي الون بيه جدران قلبي وايه فين الحب دلونى عليه انا هسجن نفسي ليه خلبتكم يا ولاد الايه ان كنتم مش هتصلوا عليه... اللهم صل وسلم وبارك على الحبيب المصطفي محمد.... شمسنا الجميله دمتى بكل الخير https://scontent-cai1-1.xx.fbcdn.net...13&oe=5B1DE112 |
اقتباس:
دائما قلمك ينبض بالحرف الجميل .. دوم يارب الفرح في حياتك تسلم انفاسك |
الله يهدي قلبك الهدوء والسكينة وراحة البال طيلة حياتك ويسعد أيامك ويفرحك بأبنتك ويجعلها قرة عين لكِ اللهم تقبل اللهم آمين بحاول أن أفعل يا مِنَة بالفعل أمتلك مفتاح سعادَتي سابقاً لم أستطع استخدامه أما الأن بفكر جدياً في استخدامه والله المُستعان ما أجمل وأرق مشاعرك المنثورة علىَ الورق يا منة بالتوفيق إن شاء الله تحياتي لفكرك القيم ومشاعرك الرقيقة العذبة أبو عصام |
جميل الامل وجميل التفاؤل والاجمل الوصف والشرح يارب يسعدك |
تسلم ايديكى منه حبيبتى |
من اجمل الكلمات اللي بترسم البسمة والتفاؤل ابدعتي منة بالتوفيق ليكي ان شاء الله الله يوفقك ويسعدك |
اقتباس:
|
| الساعة الآن 01:45 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب