توست اسمر صحي جدا من مطبخي السلام عليكم و رحمة الله وبركاته طريقة عمل توست بالدقيق الاسمر اللي هو دقيق القمح الكامل اولا المقادير 350 جرام دقيق او على حسب حجم القالب معلقتين طعام عسل اسود و ممكن عسل نحل معلقتين طعام زيت ويفضل زيت زتون خميرة رشه ملح ماء دافي للعجن http://banatmisr.com/up3/uploads/151920193316571.jpg الطريقه هنضيف رشه الملح على الدقيق و نقلب نضيف الزيت و نقلب كويس نضيف الخميرة نحط شويه من الماء الدافي على العسل الاسود عشان يدوب ونضيفه نضيف الماء تدريجاً حتى تتماسك العجينه بس تكون لينه مش ناشفه http://banatmisr.com/up3/uploads/151920193334542.jpg هنغطيها ونسيبها ساعه تخمر بعد ساعه تقريباً هتكون كدة http://banatmisr.com/up3/uploads/151920193340383.jpg الخطوة دي اختياريه هنفرد العجينه تاني ونضيف ليها البذور اللي عايزنها انا ضفت بزور الكتان و حبة البركه http://banatmisr.com/up3/uploads/15192019334574.jpg بعدين هنقفل عليها كدة http://banatmisr.com/up3/uploads/151920193351975.jpg والناحيه التانيه كمان ندهن قالب التوست بزيت او نحط ورق زبدة و نحط العجين في القالب و نظبطها كويس فيه و نضيف على الوش بردو بذور و نضغط عليها بالراحة عشان تلزق في العجينه http://banatmisr.com/up3/uploads/151920193357536.jpg نغطيها تاني ونسيبها تخمر ساعه هتعلى تاني http://banatmisr.com/up3/uploads/15192019336017.jpg http://banatmisr.com/up3/uploads/151920193363858.jpg ندخلها الفرن و يكون شغال قبلها بربع ساعه على درجة حرارة عاليه مدة نص ساعه تقريباً الى ساعة الى ربع دة بعد ما استوى http://banatmisr.com/up3/uploads/1519201933669.jpg http://banatmisr.com/up3/uploads/1519201933674710.jpg اول ما يطلع نرش عليه رشه ماء خفيفة جداً و نغطيه بفوطة نضيفة لحد ما يبرد خالص بعدين نقطعه بيكون مقرمش من برة و هش من جوة http://banatmisr.com/up3/uploads/1519201933687411.jpg http://banatmisr.com/up3/uploads/1519201933706512.jpg ممكن يقعد يومين برة التلاجة و خمس ايام في التلاجة و ممكن يتحط في الفريزة و بالهنا والشفا |
الطريقه سهله و تسلم ايديك |
وصفه جميلة ولذيذ ه تسلم ايدك |
تسلم ايك ياايمى شكلك بتعملى دايت الايام دى |
جميل يا ايمى سهلة و الخطوات واضحة تسلم ايديكى |
تسلم الجميلة وعمايل ايديها. ودي وتحياتى واحترامي ايمي |
وصفه طيبة وشكلها يشهى وطريقتها سهلة وكلها فى متناول ايدنا تسلم ايدك اختى |
وصفه سهله وبسيطه تسلم ايدك |
يجااااازيك الله كل الخير والفرح علي هذة الوصفة :73: |
شكرا جزيلا احسنتوا منتدى رائع جدا تحياتي لكم |
الساعة الآن 08:30 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب