|
يا طبيب القلب يا طبيب القلب لو تسمح قوللي إيه هي الحكاية ساكت ليه وعمال بتسرح بتدور ومش لاقي دوايا انا يا طبيب اللي نفسي أفرح مداري دموع الدنيا جوايا دلني من فضلك على أي مطرح أرمي فيه همومي وقسايا حياتي يا طبيب بقت زي مسرح لوحدي فيه مفيش حد معايا أنا الضحية لكل قلب قاسي بيجرح أنا اللي خدني الحزن من البداية كل التعب جوايا ومفيش حاجة بتريح تعب الصبر مني وقال صبرت كفاية يارب بقالي كتير صابر وبدعي وانتا الوحيد اللي شايف دمعي مقدرش أبكي قدام حبايبي ولا قدام اللي جرحوا قلبي معرفش دي عزة نفس ولا ده طبعي ولإيمتا بس أداري عنهم ألمي ووجعي مليش دوا عند الأطبة مفيش حاجة اسمها أحبة إحساسي بيموت حبة حبة انتا اللي ليا يارب برحمتك بس طمعي أملي فيك لسه موجود حتى لو انتهيت من الوجود هيفضل أملي فيك باقي بسقيه من صبري ودمعي دوايا عندك يارب رحمتك ورضاك هما راحتي ونفعي ش . ح |
ربنا يسعدك ويكتب الخير ويبعد عنك الشر |
كلمات في منتهي الروعه أبدعت |
كلمات حلوة وربنا يوفقك ي رب |
تعرف لما تسمع اغنيه تحسها ليك بتوصفك بتقول اللى جواك من غير متقوله بتوجعك اوى بس هى بتكون الحقيقه وبتبقى بتسمعها وانت مش فاهم هو انت اللى كتبتها ولا فى حد كمان عايش زيك ويمكن موجوع اكتر وتفضل تسمع الاغنيه اكتر من مره هو ده بقى نفس احساسى حاليا انت عديت مرحله انى ادخل واكتبلك برافو او ممتاز كده بس انت اكتر من اى وصف واحلى حاجه كتبتها فى الاخرهيفضل أملي فيك باقي بسقيه من صبري ودمعي دوايا عندك يارب رحمتك ورضاك هما راحتي ونفعي وبجد ربنا عالم بكل واحد فينا تحياتى |
جميله وموزنه وسهله ربنا يوفقك ويكرمك |
ربنا يسعد قلبك ويريح بالك كلمات فى منتهى الجمال تسلم خالد |
الافضل ان تغلق صفحة حياتك القديمة بكل ما فيها وافتح صفحة جديدة عسي ان تجد فى الجديد ما يسعدك وتذكر ان العمر مرة واحدة فاسعد نفسك بما لا يغضب الله حتى لا تندم كلمات أليمة اخى شاعر اسعدك ربي |
اقتباس:
الله يوفقك ويسعدك يارب اسعدتيني بحضورك الطيب |
اقتباس:
اسعدتيني بحضورك الرقيق الله يوفقك ويسعدك يارب |
| الساعة الآن 03:33 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب