منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   توبت عن الحب (https://forums.banatmasr.net/msryat577297/)

دمعه حائره 04-21-2018 04:23 PM

توبت عن الحب
 

http://banatmisr.com/up3/uploads/15243204566721.jpg

وخلاص توبت عن الحب
ومفيش دقات ف القلب
هتنادى بإسمك تانى
أصل إنت طلعت أناني
بتغيب ولا يوم بتفكر
هستنى ليالى وبسهر
وإن إنت اللى مخلينى
عيشالك أحلى سنينى
بس ده كان غيرك أشطر
هنساك ولا حتى هافكر
خليك على طبعك قاسي
ومكبر عقلك ناسي
مش هرجع أحبك تاني
وأعيش ف حياتى بعاني
ماخلاص توبت عن الحب
وملكش مكان ف القلب
21_4_2018
mena_hassan

.Lamar 04-21-2018 05:17 PM

ايه الثورة دى يا منون هههه
يا ريت نقدر نتحكم فى قلوبنا و دقاتها
كنا ارتحنا كتير اوى
القلب مالناش عليه سلطان
بيحب و يدق زى ما هو عايز

تسلم ايدك منون

شاعر الإحساس 04-21-2018 05:59 PM

وهتوب ع الحب انا زيك
................وهعلم قلبي يتوب

وهبطل اغني بحرفي
...............وهبطل رسم قلوب

اصل اللي يحب دا شمسه
.............ملهاش ولا ليله غروب

وياك دايما بيعدي
........وبيمشي معاك في دروب

ميقولش كلام مش فعلا
...............والفعل كلام مضروب




دمعه حائره....

حروفك تستدعي القلم ليكتب
جميل كعادته حرفك العامي الانيق
وتعبيراتك السلسه بدون تعقيد
وسجعك الموسيقي الرقيق
كذلك وفكرتك بمحتوى النص


راقيه سيدتي ولا جديد في ذلك
غير اننا نستمتع دوما بحرفك
وهذرا على خربشتي ها هنا
دام نبض قلمك وحرفك الراقي

تحياااتي وتقديري واحترامي
دُمت بخير



شاعر الإحساس

إيلاانا 04-21-2018 11:53 PM

ومن قال أن القلوب نستطيع أن تحكم بها نحن مسيرين خلف قلوبنا
من قال أننا نستطيع ان ننسى من أحبه القلب اليوم اقسم بمن خلق السماء بغير عمدا لن يستطيع قلبا ان ينسى
من أحب او مجرد ان ينزعه من تفكيره لو للحظة واحده بل يرافقه في حله وترحاله ويطرق أبوابنا كلما حل الليل
نقول كلمات مخالفة عما يجول بقلوبنا وكأننا نهرب من حقيقة يعرفها القلب
غاليتي ان كان هناك من يستطيع ان ينسى من احب يوما فهنيئا له تلك القوة وذلك القلب
ياليت نستطيع ان نكمل باقي حياتنا وعمرنا التي أقسمنا يوما لا غيرهم وأصبحت رهينة لهم
حتى بعد ان أقفلت كل ابواب العودة سنظل خلف الأبواب المرصدة ندعوا لهم اللهم أسعدهم وحقق لهم ما تمنيناه
لنا معهم
أختي الغالية اجدتي وكنت رائعة في حروفك
سلم نبض القلم وصاحبته
دعواتي لك بالسعادة الدائمة

إيلانا

*فجر الاسلام* 04-22-2018 10:57 AM

احسن برضوا 😁
ربنا يسعدك جميله اوى

Doaa Hammam 04-26-2018 07:31 PM

اسعد الناس من احب من يستحق الحب

هولاء يعيشون في جنة عاليه لانهم يجدون من يخلص لهم

ويعيش معهم ويضحي من اجلهم ويتحمل اخطائهم

ويعطيهم بلا حد ولا عد .. ولا يتخلى عنهم مهما كانت الظروف

ربنا يرزقك غاليتي بمن يستحق حبك ويسعد قلبك

مبدعة ومتألقة كعادتك

fanky girl 04-27-2018 02:33 AM

التفكير في نفسنا وفي مستقبلنا ازاي نخلي حياتنا افضل
بنسبة ليا افضل مليون مره من التعلق بحبال الحب الدايبه
ودايما امر ربنا في حياتنا خير.
تسلمي ع مجهودك. ☺

big bốss 04-28-2018 10:43 PM

بيقولولى توبي ازاى بس ازاى تتوبي يا عينى ازاى عاشقه و مسكينه و نبي 😂

حلو يا منه

نجاة حسام 04-30-2018 04:45 AM

اممممم منونه ياثكر انتى قد كلامك ده
ولا ده من ورى قلبك 😊
ربنا يسعدك ياحبيبتى

يحيى الفضلي السودان 05-06-2018 06:47 AM

القلب الحب مابنكر موضوع حساب رباني
والحب مابيعة وشروة ولا فيه حتى اناني
الحب مغروس بداخل وكيان يسكن وجداني
يا غالية ابدعت حسا وبيكي معلي مكاني


الساعة الآن 01:45 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w