زي الجبل
 

‎لو بتحلم ميت حلم وطموحك يجري ف الدم لوبتقوي بإرادتك
لسه الحزن زي السم
بيقتل كل فرحه فيك وكل نبض حلو بيناديك
ممكن تلاقيه ف ثانيه فجأه بيقضي عليك
‏.
لو شايف دايما الامل وشايل حملك زي الجبل
لو سايب كله ع الله ومايهمكش ايه العمل
لسه الضعف جوه منك بيحاول يداري عنك
بس باين عشان انت عايش سن مش سنك
لو وجعك مهما كان انت قادر ع الكتمان
مافيش زيك ف ابتسامتك قدام اي انسان
بس دموعك مداريه وروحك من الهم مش هيه
عشت لوحدك وبرضو لسه محاوطاك الأذيه
‏.
زي الجبل من بعيد بس وراه قلب وحيد
مكسور من الوجع بس يبان انه حديد
بيمشي ودايما يتألم من غير حتي مايتكلم
بكره هيجي ويتغير بكره يكبر ويتعلم
واللي راح هينساه وهيتعلم من الحياه
انه لازم يكمل ولو ماكنش حد معاه
‏.
فجر
‏‎‎

الله الله يا فجر من أجمل ما قرأت
إحساسك جميل وقدرتي تعبري عن الحالة
بإتقان وصدق ورؤية جميلة ما شاء الله ابدعتي بجد
الله يوفقك ويسعدك يارب

الله عليكي ياصاحبه الابداع
علي الرغم من الالم والفراق في الكلمات لكن جميله جدااا
بس عمر الحب ما بيموت ولا الفراق بيدمر القلوب
خالي عندك امل في الحياه في ساعه الايام بتتغير ممكن تلاقي نفسك مع اللي نفسك فيه
تقبلي تحياتي

طرح جميل وراقى

الله يسعدكم يارب
متشكره جدا نورتونى

كلام رائع و مميز جدا
تسلم أيديك .

تسلم عبد الله
الاروع تواجدك نورت