ايوة مصري
 

انسان وليا حقوق
وعليا برضو حاجات
بلدنا عايشة في صورة
تشوفها بس في اعلانات
احسن عيشة واحسن خدمات

عكس الحقيقة ده مش مهم
والجنرلات دايما اهم
لو حتي شيلت الف هم
ولو 100 حلم مات
كل دي شائعات

لما اتكلم ومحدش يسمعلي
والاحلام لفة وترجعلي
ويبقي اللي مصبرني اني مصري
و يارب ده يشفعلي

تقريبا هنخش جنة
كده ومن غير حساب
ماهو مش معقول
يبقي دنيا واخرة عذاب
ايوة مصري وشوفت كل المعجزات
الاحباط سببه الرئيسي
هو واحد واسمه....

1-8-2019
Ahmed adel

جميلة وبتعكس واقع مرير
أبدعت يا ابو عادل بإحساس من القلب
الله يوفقك ويسعدك يارب

واحد و اسمه اللى ميتسماش :(
حقيقى بتمنى جنسيتنا تخفف عنا
يوم الحساب
ربنا يهون علينا اللى عايشينه
سلمت يمينك اخى
تحياتى

الاعلانات مجرد صورة خيال و وهم
الحقيقة ورا الكاميرا في الناس اللي ملاها اليأس والهم

لنا الله

الله المستعان ربي يصلح الأحوال
عشت بكل سلام
احترامي والسلام