ومين فى الدنيا باقى http://banatmisr.com/up3/uploads/1365012944661.gif سلم حواسه للسما لجل أنه يلقى النور فى عيونه بنوته انما تشبه صبايا الحور شاف الخطاوى معلمه فى قلب السحاب مهو فيها غاب كل الاكان بيحبهم ماسابوا ليه غير العذاب ضحكت عيونه لما شاف لمسه أيديها مابين ايديه وقف الزمن لحظه وطاف وعينيها ليه كانت مطاف غرقان فى زمزم دمعها مشتاق وعاجز ع الطواف كانت خطاوى فى رحلته كانت دليله فى سكته كانتله ضى... وسط عتمات الحياه بنوته حلوه من القمر اخدت تفاصيل البشر لكن ملاك سابت سماه وقت السفر فغيمت عنه البصر ضل فى طريقه ورحلته كانت هلاك... ردد كلام مفهمتهوش وكأنه كان غايب تمام عن وعى دى الدنيا وأراضيها ... سرحان ونام فى دنيا تانيه جنتها عينيها... وطى على حواف ركبته وقال بكل محبته يلا على كتفى أسندى وأياكى تانى تبعدى هو انتى مش عارفه ان انا شوفت المراره فى دمعتى ليه سبتى ايدى فى الطريق دأنا كنت ليكى كل شيء يا كل شيء فى دنيتى فرت عنيه بالدمع وعيونى معاه عماله ابص فى المدا شاف ايه ولقاه وبكل حزن يكلمه وع الارض محنيه سماه وفجأه علا بضحكته يحضن كتافه بضمته يبكى وتصرخ دمعته مشتاق لضمة طفلته تبكى عليه روحى معاه وناح الغروب زعلان عليه كانت حياته ودنيته وكل حاجه فاضله ليه كان يشبه الجسم الاقام مستنى روحها تفوت عليه وأنا من وراه ببكى على حاله وحالى دأنا فاتنى كل حبايبى وكل عزيز وغالى كان ليا اب ... كان زادى وملاذى وكانت له بنت... ومين فى الدنيا باقى aya yousef |
غرقان فى زمزم دمعها مشتاق وعاجز ع الطواف تشبيهاتك حلوة اوى يا اية و القصيدة تحفة دمتى و دام نبض احساسك تسلمى |
رائعة ايه هكذا تعودنا منك رقي في الإبداع تحيتي وتقديري قلم |
وغرقت في بحر كلماتك واستحال الملاذ .... اخذتني المعاني لدنيا بعيييييدة جدا ... سلم الله قلبك من كل شر غاليتي |
الله عليكي يا أ/ آية رائعه واكثر وفعلا ومين في الدنيا باقى كل المحبه والتقدير لهذا القلم والتبجيل لصاحبته ودي وباقة ورد بعبق الياسمين |
كانتله ضى... وسط عتمات الحياه بنوته حلوه من القمر اخدت تفاصيل البشر لكن ملاك سابت سماه وقت السفر فغيمت عنه البصر ضل فى طريقه ورحلته الروح الجميله لا تشع إلا جمال يشرح الصدور ويجليها باقه ورد لروحك العطرة ايوشى |
ومين في الدنيا باقي لكن لازم نكمل الطريق وحدنا عامية جميله تحياتي |
ايه ده ^_^ لو قريت لبكره مش هزهق من جمال كلامك ربنا يسعدك يارب |
كلماتك وأدائك شغل محترف يا اية ليكي تعبيرات خاصة بيكي بستمتع بقراءة مواضيعك استمري يا فنانة |
رائعه ومبدعه شبه غنوة تسلمى آيه |
الساعة الآن 12:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب