|
شخصيات كرتون اللي حاضن .. واللي داب اللي فارق .. واللي غاب شخصيات كرتون في حياة اصبح قانونها الغياب اللي قرر انه يمشي .. وفجاءة ساب كده ومن غير اسباب اللي سايب.. حتي المتساب كل دول قلوب في دايرة واهو كله في الاخر عذاب تختلف شكل العلاقة.. وتبقي جنة تشوفها جايز وتعيش تفاصيل كتير جواها بس حكم البعد نافذ ازاي وامتي مش هتفرق خليك للفرقة جاهز دي الحياه عمرها مابتمشي زي ماحد عايز الحياة عنوانها مش دايما فرحة وسعادة قصص المجروحين كلها واحدة لكن متعادة بتختلف تفاصيل.. موهبته في التمثيل والكدب بزيادة والكل بيسال في النهاية نفس السؤال ومفيش اجابة للي سابت لاقية راحة. ولا المتسابة Ahmed Adel 7-9-2018 مابين كل تاريخ وتاريخ من رفع اي كلمات ليا هنا هي المدة اللي بمسك فيها التليفون وانوي الكتابة ومابخرجش الا لما اخلصها هنا فبعتذر لاني مش بعدل في مواضيعي وبضيفها زي ماهي مبقاش عندي صبر تحياتي |
اقتباس:
ربنا يسعد قلبك :) دمت بخير ودام نبض قلمك |
يمكن غريب وصفهم بشخصيات كارتون لانهم حتى لو غابوا بارادتهم او غصب عنهم كانوا فى يوم لينا الحياة هيقل الالم مع الايام لكن هتفضل الذكريات حاضرة دايما لاننا كنا جزء منها جميل ما جاد به قلمك اخى تحياتى |
الخلاصه كله بيقرب وناوى يسيب خلاص سيب اللى يسيبك يمشى تسلم كلمات رائعه |
بيتهيألى ان الشخصيات الكرتونيه بترجع تانى فى النهايه انما احنا البشر عندنا كبرياء كلمات جميله سلمت يمناك |
بس حكم البعد نافذ عندك حق مهما اتمسكنا بيهم كله بيسبنا فى الاخر مش فارقه الاسباب تسلم ايدك ربى يسعدك |
انت لخصت الحكايه هنا دي الحياه عمرها مابتمشي زي ماحد عايز افضل شئ انك تكتب اللي جواك من غير ما ترتب كلمات ولا توزن بقافيات تحياتي |
| الساعة الآن 04:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب