|
الحكاية باختصار الحكاية باختصار انه كان في القلب دار تنتسب ليها الوعود وقت نكسة كل عود ينضوي ليها الغريب وينزوي فيها الحقود حضن يجمع كل صوت الحقيقة مش وطن محتاج صمود الخديعة في اللي كان صوت يعدد في اللي خان أنه قاتل .. مين فلان هل ده كافر ولا دقاق الصليب علي كفه بان ولا أنه في طي جلده يبان في عمره كفاح جبان الوقار كذبة بدايته وآخرته سلطة ديدان للدياثة قاموس جديد اتفصل سعره بصوان تلقي فيه الميت يهلل واللي حي يبيع كمان واللي سوق كان ملين اتكتب علي ضهره زان من فصيلته صاغ بدايته والمزاد عالعمر كان فاللي عمره كان قليل في أخرته مالقاش ميزان واللي عاش ده طوله ميل في الطابور واقف ينام الحكاية مش كلام ده اتباع بيضل حق وسط حق في ظل سام والكرامة مقاسها واسع عاللي راسه ما بين كمام واللي عقله في تحت دايما مهنته بيبيع حمام طيره وسط الحكاية واستلم منه الزمام في القفص بدل حكايته واتعزل ما بين بيبان |
الله الله رووعه جدا تسلم ايديك يافنان |
كلمات تصف واقع مرير نعيشه خالي من الانسان تحياتي |
لخصت الحكايه المؤلمه للاسف المعايير والقيم اختل توازنها تسلم |
ملخص وطن والله ربنا يباركلك :) |
وما بين حانا ومانا ضااااااعت لحااااانا .... !!!!! الله المستعان |
مالهاش اختصار لو نحكى لبكره مش هيكفى يسلم اسلوبك دايما رائع |
موفق يا نجم طرح جميل ومميز دوام الابداع دعواتى |
اتقنت وابدعت في سرد الحكاية وعن المقطع الاخير كل سطر فيه حكاية قليلة فيك كلمة مبدع تستحق التقييم علي كل ما تعانقه اعيننا من روائعك وعلي كل ما يلمس القلب من كلماتك دمت اخي بخير وسعادة http://a.up-00.com/2018/07/153088192320541.png |
| الساعة الآن 04:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب