الحلقه الثانيه من " جواب اعتقال " مع ايمان طلعت
 

السلام عليكم ^^
النهارده معايا ضيفه غنيه عن التعريف .. صاحبه عطاء كبير وليها بصمه تقريبا فى كل مكان فى المنتدى
ايمان طلعت
اهلا بيكى فى برنامجى " جواب اعتقال "
تخيلى نفسك ف اوضه ضلمه فيها لمبه واحده فوق وكده بقا :m28::m28:
استني كدة لما اتخيل واندمج
خلاص اتخيلت :a_005:

http://banatmisr.com/up3/uploads/153660507239331.gif


• الاول عرفينا مين هى " ايمان طلعت "
ايمان طلعت انسانة بسيطة جدا جدا
معلومات شخصية ( متجوزة- ٣٨ سنه- عندى تلات عيال- معايا معهد تجاري) وكفاية كدة

• سبب اختيارك للاسم " ايمان طلعت "
الحقيقة ماما وبابا اللي اختاروة
هو اسمي الحقيقي ايمان طلعت:08:

• بتغيبى ساعات عننا و فجاه ترجعى بقوة .. ايه السر ؟

مشاغل الحياه مش هقولك مسؤلية بيت وتلاته منهم اتنين في سن المراهقة :87:
دة غير ان اليوم مبقاش فيه بركة

ايه الفرق بين ايمان فى المنتدى وخارج المنتدى

مفيش فرق انا هنا بتعامل بشخصيتي زي برة

اكتر صفه بشريه بتحبيها واكتر صفه بتكرهيها ؟
اكتر صفة بشرية بحبها هي الرحمة
اكتر صفة بكرهها ابو وشين

بتتعاملى مع " حزنك " ازاى ؟
بعيط :69:
بعدين بكبر دماغي من اي حاجه لان مفيش حاجه تستاهل
بعدين انا اصلا محبش النكد

قيمى نسبه ذكاءك من 10
غباء مني او غرور لو قيمت ذكائي اللي يقيمني اللي حواليا

موقف حصلك غير تفكيرك ومجرى حياتك ؟
الجواز:20:
كفيل يغير مجرى حياة اي حد
مفيش مواقف قوية في حياتي غيرتها

مقوله او جمله قرأتيها والوقت اثبتها ليك ؟
البستان الجميل لا يخلو من الأفاعي :149:

" الغموض " بيمثلك ايه ، وهل انتى شخص غامض ؟
بكون غامضة بس مع اللي معرفوش او اللي مش مرتحالة

امتى حسيتى بالاستغلال فى حياتك ؟
موقف خاص مينفعش احكية
بس من بعدها اتعلمت اني مجيش على نفسي او صحتي عشان حد

"فى عالم موازى "تتخيلى حياتك ممكن تكون ازاى ؟
ممن اكون براسين و رجل واحدة وامشي اتنطط زي الكنغر واشوف قدام و ورا ويمين وشمال فنفس الوقت :hahah:

موهبه كنتى تتمنى تكون عندك ؟
مفيش حاجة معينة

راضيه عن حياتك بنسبه كام ؟
٧٥٪ والحمد لله

هل انتى انسانه طموحه ؟
زمن الطموح والاحلام خلص بالنسبالي خلاص
كل احلامي دلوقتي ان ولادي يبقوا حاجه كويسة في حياتهم

ايه الفرق بين الحب والاعجاب من وجهه نظرك ؟
الاعجاب ان الشخص تعجبة صفة في شخص فلو راحت الصفه دي راح الاعجاب
الحب ان الشخص يحب شخص ويتقبله بكل ما فيه ولو راحت صفه منه او زادت مش هتفرق حاجه

احكيلنا شويه عن طفولتك
طفولة هادية اوي لاني من صغري وانا خجولة ومنطوية وماليش صحاب

لو بدون مقدمات اتهمك شخص قريب منك بالكذب والخيانه هتتعاملى مع الموقف ازاى ؟
هحاول اوضحله واثبت برائتي
بعدين هزعل واعاتب لان المفروض شخص قريب يعني عارفني

" خط احمر " الجمله دى تمثل ايه فى حياتك
خط احمر يعني الخصوصة يعني الممنوع
ولازم نحترم الخطوط الحمرا لكل شخص

لو عندك " سوبر باور " تتمنى تكون ايه وهتستخدميها ازاى ؟
اتمنى السوبر باور بتاعتي تكون قوة سمع خارقة عشان اسمع اي صرخة طفل بيتخطف او اي انسان والحقه

لو واجهتك مشكله ممكن تلجأى لحد يساعدك فى حلها ولا بتفضلى تعتمدى على نفسك
بعتمد على نفسي لو قفلت معايا الجأ لحد قريب اوي لو هيقدر يساعد

هل سبق وفقدتى شخص بسبب نقاش سياسى ؟
لا

ايه اكبر مشاكل العصر من وجهه نظرك ؟
العصر كله مشاكل:m90:
سياسة بلد - تدني التعليم- كثرة البطالة- قلة الوعي الديني- قلة تربية- قلة هدوم
وكتيييير

بما اننا فى مصر بنعتبر الحياه الخاصه ملكيه عامه ، هل اتعرضتى لموقف قابلتى فيه شخصيه فضوليه للدرجه ؟
ههههههههههههههههه
عايشة في نفس البيت وحياتك

☆▪☆▪☆▪☆▪☆

http://banatmisr.com/up3/uploads/153660507239331.gif


لو رجعنا بالزمن للوقت اللى سجلتى فيه ايه السبب اللى شجعك تسجلى فى المنتدى ؟
كنت بدور على منتدى كويس ومصري طلعلي في البحث سجلت

مين من الاعضاء اللى عرفتيهم من المنتدى ولسه صداقتكم مستمره لحد دلوقتى
مش هقولك خط احمر :tgrttt:
هههههه كل اللي هنا اخواتي سواء بنات او شباب وزي ما اتعودنا من الدنيا تفرق شوية وتجمع شويه لكن بينا العشرة الطيبة

من وجهه نظرك ايه الفرق بين المنتدى زمان ودلوقتى ولو فى اختلاف ( وده اكيد ) ايه سبب الاختلاف ؟
اكيد الفرق كبير
زمان كان فيه ناس كتير و بتفكر وتبدع ومنافسة حلوة دلوقتي مفيش
بسبب غياب الادارة والمشرفين اوقات كتير وهما الوقود اللي بيحرك المكان سواء بتشجيع او تقدير ولما العضو ميلاقيش تقدير وتشجيع بيحبط وميدخلش
دة غير اللي يعمل مشكله مع حد يسيب المكان طب ليه تسيب المكان كله بسبب شخص ممكن تتجاهله اساسا ومش يسيبه لوحده لا وياخد شلته معاه
وفي الاخر المكان يقل واللي موجود وينشر ميلاقيش اللي يتفاعل معاه فميدخلش والمكان يفضى

مين اكتر حد كان بيقدم برامج فى اليوميات وكنت بتحبى تتابعيه ؟
مورشو

افتكرى موقف او موضوع او فكره هنا ف المنتدى وكلمينا عنها ؟
كان فيه كتير منها مسابقات دكتور طارق ومسابقة حوراء جوت تالينت المنتدى
كانوا بيعملوا شغل جامد ونشاط كبير في المكان
يارب يكونوا بخير


مين من الاعضاء اللى شايفاهم مميزين دلوقتى وليهم حضور ؟
الاعضاء الجدد
غدي- ضحى- يزن

لو بقيتى اداريه من تانى ايه اول قرار هتاخديه " ربنا يستر " :a_019:
مش هبقى ادارية تاني الفري احلى:m37:
هفك حظر الاعضاء اللي كانوا ليهم علامه في المكان واديهم فرصة تانية

مين من الاعضاء الغايبين تقوليلهم ارجعو " وحشتونا " ؟
كتيييييير اوي مش عايزة اقول اسامي انسى حد
بس منه بقى بتقوم بالواجب وتنادي عليهم في برنامجها

ايه رايك فى البرنامج؟ حلو طبعا عارفه شكرا :m94:
العفو اي خدمة:1q1:

نورتينى جدا ي ايمى شكرا لقبولك الدعوة

نورك غاليتي
وانا اتبسطت معاكي في برنامجك الحلو زيك
واتمنى اكون ضيفة خفيفة :319:
تحياتي

حوار شيق جدا جدا :)))

ربنا يباركلك ف اولاردك ويديكي طول العمر يارب
تسلمي يايويا :)

ايمان شخصيه طيبة ومسالمه
طول عمرها فى منتدى عمرها مادايقت حد منها
وفى منتهى النشاط او الابداع
ربما يحفظك ويخليلك اولادك
تسلمى ايوش على الحلقه

من الناس اللى ليا علاقه بيهم قوية اوى
جميله فى كل حلاتها ايمان
عجبنى الحوار 👍👍

امووون الشخصية الرائعة
بالبداية ربي يخليلك ولادك وتشوفيهم باعلى المراتب
امون كانت ومازالت تكن الحب والاخلاص للمنتدى بوقت الاغلبية مابين ابدا
ربي ما يحرمنا منك ايمى

ايوش يعطيك الف عافية ياصديقتي

منوره ايمي ربنا يوفقك ويبارك في أولادك