منتديات بنات مصر

منتديات بنات مصر (https://forums.banatmasr.net/)
-   إستراحة آدم الثقافية (https://forums.banatmasr.net/f267/)
-   -   برنامج همسات رجل (الحلقه16)(Muhammad_Ade) (https://forums.banatmasr.net/msryat582299/)

ايمان طلعت 09-18-2018 12:24 PM

برنامج همسات رجل (الحلقه16)(Muhammad_Ade)
 
http://banatmisr.com/up3/uploads/153726521552841.jpg







السلام عليكم ورحمة الله وبركاته

عالم الرجل
عالم كبير غامض
و اسرار قلبيه قل ان تخرج من القلب


http://www.banatmisr.com/up3/uploads/1446812178342.gif

نعود مرة اخرى
ونستكمل حلقات برنامج
همسات رجل


معانا النهاردة
عضو خلوق
وجودة هادي جدا
على وشك دخول الجيش
ضيفنا النهاردة

Muhammad_Adel


http://www.banatmisr.com/up3/uploads/1446812178342.gif

عرفنا عن نفسك سريعاً؟

اسمي ( محمد عادل ) وسني 24 سنه وكسور مهندس مدني ’’ أزهر ’’

.. داخل الجيش في شهر عشره ان شاء الله :514: , دعواتكم


ما هي مواصفات شريك حياتك ؟

إنسانه ذات دين وخُلُق وصلاح, تقتدر تحتويني من كل الجوانب
تراضيني وقت ضيقي وغضبي , خجوله ومع ذلك مبتخفش في الله لومةَ لائم
قوية بما يكفي انها تتحمل معايا أشد ظروف حياتي علي الحلوه والمُره معايا يعني ^_^ fixed support زي ما بنقول في الهندسه اللي البيت بيقوم عليه

وعندها من الحنان والحب اللي يقدر يخلي علاقتنا تدوم للأبد حتي نجتمع في الآخرة إن شاء الله , قادره علي تربية أبناء صالحين
متبسمه دايماً وروحها حلوه ودمها خفيف مش نكديه يعني وضاربه بوز :018: , بتعرف تقول نعم وحاضر ووشها بيحمر من مجرد الصوت العالي أو نظرة غضب أصل انا مش عايز اتزوج اشرف ابن عمي ونمسك لبعض أنا وهي ملل السرير :67::a_017::192: !

طموحه .. حلوين دول علشان الناس متتعقدش وتمل مني :)
’’ مُعقد انا شويه معلش ^!^
لكن هكونلها المثل وأكتر إن شاء الله , أصلها بالنسبالي مش بطيخه علشان لو طلعت قرعه هروح أشتري غيرها :eh_s6: , دي زوجه للأبد :45eu9:


http://www.banatmisr.com/up3/uploads/1446812178342.gif


من يعشق قبل الاخر من وجهة نظرك القلب ولا العين؟ ولماذا؟

برأيي هو مش عشق هو إعجاب وارتياح ليس إلا
و الاتنين بتربطهم علاقة قويه ببعض
لأن في حالة ما اذا كانت العلاقه علي أرض الواقع
فـ العين بتشوف فَـ بتُعجب فترسل رساله حسيه للقلب مُحمله بأنها آلفت ما رأت فبدوره بيحس ويدُق ويألف هو الآخر :83:
ومن هنا يبدأ طريق العشق , أما في حالة عدم الرؤيه زي التعامل عبر الشاشات أو كان شخص كفيف مثلاً فالعشق بيكون عن طريق القلب
وعموماً أنا مؤمن بأن مفيش حاجه اسمها حب أو عشق من أول نظره !
^ـــــ^
لأن العشق والحب بيجوا من المعامله الحسنه الكتير , والعِشره , المواقف



متى تشعر بالوحدة ؟

لما المقربين ليا يغيبوا
- لما أحتاج لحد منهم في شده وميكونش موجود .



متى تكره المرآة ؟

ما اقدرش اكره المرأه نفسها , عايزه تسجنينا ولا إيه :116:
سؤالك دا فيه حقوق المرأه , ومنظمات حقوق الإنسان وليله كبيره سعادتك :69:
لكن انا بكره تصرف أو فعل منها زي الخيانه , خلاف بـ وعد , وهكذا ^^



من هي المرآة المسؤله برأيك ؟

المرأه القادره علي تَحمُل القياده , اممممم زي الأُم مثلاً .. نقدر نقول عليها مسئولة , لأن فيها صفات القائد ^^


http://www.banatmisr.com/up3/uploads/1446812178342.gif

يقال أن الطريق لقلب أدم معدته هل هذه المقوله صحيحة ؟

بكل ثقه وبصوت القائد الركن الطبيب الفريق المشير قاهر الأعداء عبدالفتاح السيسي ’’ لا والله , لا والله ’’ :m28:
احم ربنا يستر علينا :rolleyes:من رأيي الطريق لقلب آدم هو إحتوائُه , مُعاملته بالحُسني , الوقوف جنبه في وقت شدته , ومن هنا أوجه رساله للبنات اللي عامله نفسها الشيف حسن ^^
يا بنتي ميصحش كده , بصوت الركن الطبيب برضه :14:
احتويه قبل ما تعلفيه قصدي تأكليه :187: ’’ .. خلصانه ^^



ماهي الصفة التي لاتتنازل عنها في المرآة ؟


حلو قوي السؤال ده بجد , بس هي أكتر من صفه ^^
الحفظ والصلاح والطاعه ’’ففي الحديث الشريف قول النبي صلي الله عليه وسلم : ( ما استفاد المؤمن بعد تقوي الله تعالي خيراً من زوجة صالحة , إن أمرها أطاعته , وإن نظر إليها سرّته , وإن أقسم عليها أبرّته , وإن غاب عنها نصحته أو حفظته في نفسها وماله )
أحد المُقربين قال لي مقوله مازلت أحفظُها : ’’ يا محمد أنا عايز واحده تكون ست ليا أنا وبس :dp40lu4: وراجل مع باقي الناس :154: ’’ ودا اللي انا عايزه :o


ماهي أجمل هديه تتمناها من المرآة ولماذا ؟


مجانيش هدايا قبل كده , علشان كده ما اقدرش اقول أجمل وأفضل ^^
بس عموماً بحب اللبس , والبرفانات , والروايات :82:
لو حد ناوي يجيب حاجه أو لو حضرتك هتديني حاجه بعد الإستضافه:51::86:
أما لو قصدك عن الزوجه المُستقبليه فـأكيد انها تاخد بإيدي للجنه دي أفضل هديه والله , وساعتها هعرف ان وجودها كمان في حياتي كان أفضل هديه


دمعة المرآة ماذا تعني لك ؟

مجروحه .. مكسوره .. جواها ألم كبير .. وقد تكون فرحه ^^ ودي شوفتها من والدتي في حفلة التخرج بعد ما حضنتني ^^
وبطبعي مبقدرش أتحمل دموع الست بحس بضعف بجد في الوقت دا
لما بشوفها من حد غريب ببقي عايز اروح اجبر بخاطرها ولو بالكلام واواسيها لحد ما تبتسم لكني بخاف من رد الفعل المعاكس أو من اني اتفهم بشكل مش كويس




http://www.banatmisr.com/up3/uploads/1446812178342.gif

هل يهتز قلبك لدموع المرآة ؟ ومتى ؟

الإجابه اللي فوق وضحت كل حاجه :30: :o
أما متي ؟ .. لما اعرف انها مظلومه


هل المال يحقق لك السعادة؟

مش سعاده هو بيفرحني ^^
عن طريق اني أشتري بيه حاجه بتفرحني .. أو أساعد بيه حد بحس ساعتها بفرحه , وعموماً سعادة ناس كتير بتتوقف علي وجوده , ربنا ما يجعلنا منهم



http://www.banatmisr.com/up3/uploads/1446812178342.gif

هل من الممكن ان تبوح اسرارك لصديق ام صديقه ولماذا؟

الاتنين من نفس الجنس s1
أنا كتوم شويه بس أبوح للي شايف انه ثقه فيهم وحابب اني أخد رأيه


ما هو السبب لخيانه الزوجة ؟

قد يكون إهمال فيُحركها الشوق وميكونش عندها عفه فتخون
قد تكون مُجبره علي الزواجه من البدايه
ممكن يكون دا طبع فيها :q1:
وفي كل الحالات دي طبعاً سببها نقص في الدين




متى تشعر بالضعف ولماذا ؟

فيه فئه في حياتي منهم ( أهلي , وأصحاب مقربين ليا زي أخواتي بالظبط )
لما احس اني ممكن اخسر حد منهم , وسر ليكي أول مره ابوح بيه:513: لو شوفت دموع حد من الناس دي بضعف بس ضعف عاطفي ^_^
لأنهم بلا إستثناء سند وضهر ودرع قوي ليا , ساعدوني , فرحوني كتير
وجودهم في حياتي نعمه بشكر ربنا عليها



http://www.banatmisr.com/up3/uploads/1446812178342.gif



الى أين يصل مفهوم الحرية بعالمك ؟

الحرية بالنسبالي هي حُرية الفكر بالمقام الأول مع عدم مُخالفة الثوابت ( قُرآن , سنه ) يعني الإنسان ميكونش مُساق زي اللي بحاول يعمله شبه الإعلاميين المصريين الموجودين حالياً ’’ مع الناس

الحُرية ان الأنسان رأيه وإرادته تكون بيده هو
والقاعده بتقول أنت حُر ما لم تَضُر






ماهو المفهوم الحقيقي للحب لديك ؟

أنا ممكن أفضل أكتب في السؤال دا بالذات صفحات ^_^
بس باختصار هو ’’ الوفاء ’’ هلخص بمقولة من قصة هي الأحب إلي قلبي
لما جاء أبو العاص زوج السيده زينب بنت النبي وابن خالتها وقال إني لا أطيق العيش بدون زينب يا رسول الله
كانوا متزوجين قبل البعثه ولما بُعث النبي ونزل أمر إليه بالتفرقه بين مُسلمه وكافر ففعل وبدأ الخُطّاب يتقدمون لخطبتها على مدى 6 سنوات ، وكانت ترفض على أمل أنْ يعود إليها زوجها , بعد ذلك يُسلم أبو العاص ويراجع السيده زينب , الغريب ان السيده زينب تموت بعدها بسنه فبكاها بكاءً شديدًا حتى رأى الناس رسول الله يمسح عليه ويهون عليه
فيقول له : والله يا رسول الله ما عدت أطيق الدنيا بغير زينب .
ومات بعد سنه من موت زينب , قرأت لعلماء النفس والإجتماع قبل كده انهم قالوا لما يموت أحد الزوجين ويلحق بيه الآخر بعد مُده مش كبيره فـدا دليل علي قوة الترابط والحُب والتناغم اللي كانت ما بينهم , وشوفت دا ما بين أزواج كتير .. الوفاء حتي موجود ما بين الحيوان والإنسان وأخص بدا قصة الكلب الياباني ’’ هاتشيكو ’’ اللي فضل منتظر صاحبه ’’ بروفيسور الجامعه ’’ عشر سنين أمام المحطه حتي مات ! علي أمل انه يرجع لكن الأخير كان ميت من عشر سنين بنزيف حاد داخلي حصله في الجامعه .




ماهو اول و اهم شيء يجذب نظرك للمرآة و يجعلك تهتم بها ?

ممكن الحاجه اللي تجذبني متخلينيش اهتم ^!^
علشان اللي بيجذب النظر إما شكلها أو لبسها ^_^
أما لو ههتم فهيكون أخلاقها أو خجولها:315: :153:




http://www.banatmisr.com/up3/uploads/1446812178342.gif

هل تعترف بشيء اسمه الصداقه بين الرجل والمرأة ؟

الصداقه أعتقد هي أصل لكل العلاقات منها بيتحول الإعجاب والصداقه لـ حُب
ومنها بتتوطد العلاقه ما بين الأسره أكتر ومنها بيرتقي الصديق لمرتبة الصاحب وحافظ السر
فمعترف بدا طبعاً وهو شيء موجود بالفعل قد يكون في الشغل أو علي النت أو غيره وبيكون جميل لما الصداقه دي يكون فيها ثقه وترتقي لمرتبة الأخوه


نصيحه منك لكل ادم ؟

استوصوا بالنساء خيراً
وعاشروهن بالمعروف
رِفقاً بالقوارير
عاملوهن بعدل ورفق وعطف
خلي أولوياتك لما تيجي تختار زوجتك بعيده عن الحاجات الزائفه وركز في المواصفات اللي قال عليها القُرآن والنبي , وحثونا عليها
متلعبش ببنات الناس ومتديش وعود انت مش قدها ولا هتوفي بيها
وافتكر انك كما تُدين تُدان وإلي ديان يوم الدين نمضي وعند الله ستجتمع الخصوم
والسلام عليكم ورحمة الله وبركاته:103:

استمتعت جداً بالإستضافه وجات في وقت أنا حابب أتكلم فيه , يمكن علشان كدا رغيت كتير معلش ^^ , شرف ليا إني كنت مع حضرتك يا ا.إيمان
وسعيد بإختياري إني أكون ضيف في برنامج مميز زي دا ومع شخصية مُميزه
:604:
أتمني نكون خفاف علي قلب الناس , وأتمني كمان دعوه بظهر الغيب , شكراً







http://www.banatmisr.com/up3/uploads/1446812178342.gif



العفو محمد
ربنا يوفقك في حياتك ويديك ما تتمنى
سعدت بوجودك معايا بجد حلقة رائعة
نورت البرنامج


استنونا وحلقه جديدة
وهمسات رجل جديدة

تحياتي
ايمان طلعت






.Lamar 09-18-2018 01:32 PM

استضافة و حوار مثير للاهتمام
و الاجابات جميلة و عقلانية
يمكن اتعرفت على ضيفك اكتر يا ايمى
بس يمكن قصة الازواج ووفاة واحد بعد التانى بفترة وجيزة
غريبة بالنسبة لى
اعرف ناس ازواجها ماتت و عاشت وفية لهم
سنين كتير رافضة حد يشاركها ايامها
فهى اعمار و ميعاد مكتوب

قصة الصداقة بين الجنسين
مفتكرش فيه حاجة تدعمها فى القرآن و السنة
و مفتكرش لو اتجوزت هتتقبل ان زوجتك
يكون لها اصحاب شباب

جميل مواصفاتك للزوجة المثالية و انك هتكون لها بالمثل
ربنا يوفقك و يكرمك بيها

منور الاستضافة اخى
تسلمى ايمى على المجهود المميز
تحياتى للجميع

Muhammad_Adel 09-18-2018 01:33 PM

اللهم آمين يارب
معلش رغيت كتير والحلقه أخدت منك وقت للتنسيق ^^
وسعيد بتواجدي معاكي أكيد .. فكرة البرنامج عجبتني
ينفع يتحول لبرنامج زي برنامج ’’ The Ellen Show ’’

(طائر الشرق) 09-18-2018 01:55 PM


حلقة جميلة بجد يا حاجه ايمان

وضيفك النهارد راقى ورائع فى حوارة

دعواتى

فداااااااااااء 09-18-2018 02:15 PM

استضافة قيمة منكِ عزيزتى
شخصية محترمة تعرفنا عليها عبر حوارك الراقي
تسلمى ايمان

countess doha 09-18-2018 02:20 PM

ياسلام ع العقل والدقه ف الكلام
ربنا ينولك اللي ف بالك
كلام جميل جدا جدا جدا
تسلمي يا ايمي :)

Muhammad_Adel 09-18-2018 02:20 PM

اقتباس:

المشاركة الأصلية كتبت بواسطة .lamar (Post 5191210)
استضافة و حوار مثير للاهتمام
و الاجابات جميلة و عقلانية
يمكن اتعرفت على ضيفك اكتر يا ايمى
بس يمكن قصة الازواج ووفاة واحد بعد التانى بفترة وجيزة
غريبة بالنسبة لى
اعرف ناس ازواجها ماتت و عاشت وفية لهم
سنين كتير رافضة حد يشاركها ايامها
فهى اعمار و ميعاد مكتوب

قصة الصداقة بين الجنسين
مفتكرش فيه حاجة تدعمها فى القرآن و السنة
و مفتكرش لو اتجوزت هتتقبل ان زوجتك
يكون لها اصحاب شباب

جميل مواصفاتك للزوجة المثالية و انك هتكون لها بالمثل
ربنا يوفقك و يكرمك بيها

منور الاستضافة اخى
تسلمى ايمى على المجهود المميز
تحياتى للجميع


الأجمل هو وجود حضرتك ومرورك واطراءك ^^
...
بالنسبة لتعجبك علي ’’ الوفاء ’’ وقصة الأزواج
يمكن موصلتش اجابتي لحضرتك بشكل كويس
مُتفق أكيد انها أعمار وأقدار ( بغض النظر ان الدُعاء بيغير القدر )
لكن الكلام اللي استشهدت بيه مش كلامي ولا قُرآن وسنه
دا لعلماء النفس والإجتماع , واما قصة بن العاص والسيده زينب ( وفاتهم )
فدي حقيقيه و تقدري تراجعيها وتراجعي غيرها كتير زي
( حليمه خاتون & أرتُغرُل ) والدا مؤسس الدوله العُثمانيه ( عثمان بن ارتُغرُل )
وغيرهم كتيييير قوي قصص موثقه وموثوقه بمتن وإسناد
ودا مش شرط .. يعني سيدنا النبي عليه الصلاة والسلام كانت السيده عائشه
أحب الناس الي قلبه مُطلقاً ومع ذلك توفيت بعده بفتره كبيره قوي ..
لكني كنت بخص واقصد قصص معينه , وكون ان احد الطرفين ميتزوجش
بعد وفاة الآخر دا في حد ذاته ’’ وفاء بالنسبالي وهو أصل الحُب ’’
...
أما عن الصداقه بين الجنسين ^^ , انا ما استدليتش لا بقرآن ولا سنه
كنت بقول وجهة نظري بناءاً علي العصر اللي بقينا فيه
واعرفي ان فيه فرق كبير قوي ما بين علاقه مبنيه من البدايه علي
’’ الأخوه ’’ أو زمالة سواء شغل أو غيره ومعالمها واضحه من البدايه وظاهره
’’ ومحدوده ’’ وبين علاقه تانيه ...

..
وأخيراً الإستاضافه نورت بمرورك الجميل ^^
متشكر جداً لدُعاءك , ربنا يصلح حالك وحالنا جميعاً
ويرزقك ما تتمني , اللهم آمين .

ايمان طلعت 09-18-2018 02:27 PM

يا جماعة اللي يدخل يعلق يدخل بهدية:241:
عشان هو داخل على طمع ومحدش جابلة هدايا قبل كدة:doh:
نورت محمد الحلقة:103:

Muhammad_Adel 09-18-2018 02:38 PM

اقتباس:

المشاركة الأصلية كتبت بواسطة (طائر الشرق) (Post 5191224)

حلقة جميلة بجد يا حاجه ايمان

وضيفك النهارد راقى ورائع فى حوارة

دعواتى


مش أرقي من أشعارك ولا كلماتك :83:
وجودك شيء أعتذ بيه جداً ..
خالص ودي وتقديري لشاعرنا الكبير :16:


Muhammad_Adel 09-18-2018 02:41 PM

اقتباس:

المشاركة الأصلية كتبت بواسطة فداااااااااااء (Post 5191234)
استضافة قيمة منكِ عزيزتى
شخصية محترمة تعرفنا عليها عبر حوارك الراقي
تسلمى ايمان


دا من زوقك اختي فداء
سعدت جداً بمرورك الطيب
حتي اني متابع تصميماتك
( الرمزيات والتواقيع ) الخاصه بيكي راقيه جداً ^^


الساعة الآن 08:04 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w