|
هنعلم ولادنا ايه(نجوم الحصريات) السلام عليكم ورحمة الله وبركاته زمان اتربينا على اسس الدين و تقاليدنا المعروفه كانت الام او الاب يعلم ولاده لو حد احتاج مساعدتك ساعده متبخلش على حد محتاج قول دايما الصدق وبكل جرأه خليك دايما متمسك بدينك وقريب لربنا التزمي بحاجبك ولبسك الاسلامي وحاجات كتير دلوقتي مالكوش دعوه بحد ولو حد طلب مساعده او قالك عايز حاجه اوعي ترد عليه حتى وامشي بسرعة (طبعا عشان بقت دي طريقة لخطف الاطفال انا شخصيا بنصح ولادي بكدة على طول ) بس المصيبة اننا بننصحهم بعدم مساعده حد ودة ضد تعاليم الدين لكن للاسف مضطرين لكده دلوقتي لو حد قال الصدق بجرأه يروح ورا الشمس وميرجعش فطبعا الام تنصح مالكش دعوه يابني او يابنتي بحاجه وخليك جنب الحيط واللي متمسك بدينه دلوقتي يبقى متطرف يستحق القتل واللي لابسة عالموضة تبقى دي متحضرة الدنيا بقت ماشية بالعكس فهل احنا مضطرين نمشي معاها؟ وهنعلم ولادنا ايه؟ |
المؤمن لايخاف في الله لومة لائم ..هذا بإختصار والظلم ظلمات ... والله لايغفل ولاينام |
هنعلم اولادنا ايه .. تعالي نسال المرجع الصالحلكل العصور من قيام الساعةالي ان يرث الله الارض ومن عليها. تعالوا نسال الهادي البشير.. ترك لنا ارث لوتمسكنا به لن نضل ابدا لا نحن ولا اولادنا .. القران والسنة .. فيما الكفايه والوقاية والهداية والفلاح .. هقول لاولادي ..ربنا قال ونبينا قال.. اعلمهم اذكار الصباح والمساء ليحفظوا بها اعلمهم قصص الانبياء وكيف كان الصبر علي الاذي. ولا يفتر لساني عن الدعاء والرجاء ان يحفظهم ربي وسائر اولاد المسلمين .. ووصية اوصيها لكل من يقرا سطوري المتواضعة لا يخرج اولادك ولا زوجك ولا احد تحبيه الا وقلتي ..استودعك اللهالذي لا تضيع عنده الودائع .. اذا خفت علي اي شيء استودعيه ربك فهو خير حافظ وهو ارحم الراحمين .. الفطنة امر في اغاية الاهمية ..علموها اولادكم لا كل شيء نسالمهولا كل شيء نهابه . البيت هو المحضن الاول والاهم علي الاطلاف في بناء شخصية الاولاد ... موضوع قيم ايمان حببتي ربي يحفظ علينا اخلاقنا وقيمنا ومن قبلهما ديننا .. تحياتي ومحبتي واحترامي غاليتي |
اقتباس:
حتي لو اشخاص اصحابنا طلبوا مننا مساعدات بتبقي لغرض المصلحه وبعدين بتلاقي ردود افعال غير مرغوبه المره , ف احنا نفسنا بنجنب ده وبنربي اولادنا ع اللي بنخاف منه علينا وربنا يسترها علينا وع اولادنا سلمتِ |
تسلم ايديك ايمى |
لا احنا مش مضطرين نعلمهم كده نقدر نعلمهم الصح ..الكدب حرام وقول الصدق ولو على نفسك اللبس ده حرام تخرجي بيه...البرفيوم حرام تحطيه وانتي خارجة لو حد طلب مساعدة حاول تساعده بس بحرص ومتديش الامان الكامل لحد نقدر نعلمهم يعيشو حياتهم العصرية من غير ما يعملو الغلط نقدر والله...بس الناس بقت بتخاف من الناس أكتر ما بيخافو من ربنا بقينا عايشين وكأننا مخلدين ف الدنيا ..مش عايزين نفوت منها أي حاجة وتربية الأبناء أكبر أمانة ممكن نتسأل عليها |
اصبحنا نعيش فى زمن صعب ما بين تعليم اولادنا المبادىء الصحيحة للدين او التربية الاخلاقية كالشهامة والمروءه وبين خوفنا الشديد مما يحدث حولنا من متغيرات جديدة على مجتمعنا وبين إتباع الاصول وممارسة حياتنا بطريقة طبيعية نقف فى منتصف الطرق نطلب الستر من الله والخوف يملأ نفوسنا .. ربنا يسترها يا رب ويحفظ بلادنا وأولادنا والناس ترجع تخاف ربنا .. موضوع مهم جدا إيمان سلمتى من اى شر .. |
بصراحه هتكون صعبه على اى ام او اب بس ممكن تقولى ليهم الصح وتعرفيهم ان خوفك عليهم بس اللى بيجبرك تقولى ليهم ملهمش دعوه بحد او امممم معرفش بصراحه هو الصح هيفضل صح بس فى زمن غلط جميل موضوعك امونه يارب منوره ديما |
الماسك على دينه كـ الماسك على جمر من النار هذا هو الحال فى زمننا هذا ولا يمنع أن نفعل كل ما يرضى الله دون النظر لصعاب إِنَّ اللَّهَ يُدَافِعُ عَنِ الَّذِينَ آمَنُوا ۗ إِنَّ اللَّهَ لَا يُحِبُّ كُلَّ خَوَّانٍ كَفُورٍ طرح جميل وراقى ايمان خالص دعواتى |
| الساعة الآن 07:19 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب