|
حلوه الحياة حلوه الحياة من غير هموم بضحكة حلوه على الشفايف تدوم مع شخص عارف ربنا ماشى مستقيم لا الشمس هتغيب عنه يوم ولا تحجبها الغيوم مالى ومال الناس ده حرامى وده محروم كلنا بشر وفينا عيوب والكل له رب كريم تقدر تساعد ساعد من غير تكفير وتحريم أعمل اللى عليك صدقنى دا المعروف بيدوم أزرع فى كل مكان ورده يمكن تقطفها فـ يوم وكفايه علينا ذنوب يوم ما نلقى رب عظيم هتقول ملعون أبوها دنيا سيقها شيطان رجيم خلانى أكره أهلى حتى نفسى محتاجه ترميم أقنعنى أن كل الناس وحشة الا انا بينهم سليم خلى حياتى سجن كبير والهم فيها مستديم ده كتير من الناس فى دنيتنا شايف نفسه حكيم خالص دعواتى عصام مرزوق |
والله فعلا شايفين نفسهم ع البشر لولا ستر ربنا بس لو الناس تسيب بعض ف حالها هنرتاح تسلم النصايح الجميله ربى يسعدك |
كلام معبر و تسلم أيديك . |
مالى ومال الناس ده حرامى وده محروم ابدعت شاعرنا الكبير ^^ يدوم الإبداع . |
رأى راقى عبرت عن بطلاقة وأدب دمت مبدع اخى تحياتى وودى |
كلمات جميلة دام نبض قلبك |
حلوة الحياة من غير هموم خليك ماشى فى الطريق القويم حتحس بطعم الفرحة من غير هموم أحسنت صاحب القلم الجميل عصام الغالى يدوم التوفيق |
مش مقتنعه بكلامك الهموم مش بايد حد ومش هنفق واخدع نفسى واقول ان الحياه حلوه والشيطان هو اللى مصورى كده وانا الدنيا حلوه والحياه ورده الكلام ده بقا بنعمله لما نكون وسط ناس ونضحك ونهزر واحنا جونا بيبكى فى كل لحظه كفايه بنمثل اغلب الوقت على اللى حولينا اننا بخير وتمام صعب بقا نضحك على نفسنا بالنسبه ليا كلها ايام وشبه بعض والله انا سعات مش بعرف احنا يوم ايه او شهر كام حتى عادى ايام بنقضيها يوم حلو ويوم مر هتعدى |
ومااكثرهم ياصديقي ..من يدعون الحكمة وهم من الداخل فارغين .. برغم الهموم ..انظر لنصف الكوب الملآن ..لتشرق شمس الأمل في داخلك .. ولمن يحاولون ان يثبطوا من عزيمتك .. دعهم وأقرأ علي أرواحهم السلام .. واصرخ بصوت عااال ... سلاااااام لايعقبه التفات |
أعمل اللى عليك صدقنى دا المعروف بيدوم أزرع فى كل مكان ورده يمكن تقطفها فـ يوم فيه مقولة كانت بتقول اعمل المعروف فى اهله لكن لو عملنا المعروف مع اللى يستاهل و اللى ميستاهلش هيجى يوم و هنحصد دة فعلا و اوقات المعاملة الطيبة بتغير النفوس مهما كانت وحشة هيجى يوم و تلين افتقدنا قلمك و تواجدك القيم اخى نورت مكانك تحياتى و تقديرى |
| الساعة الآن 06:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب