دايرة شرود كونك مهووس بسور مهدود وبيت مهجور بباب مكسور دواك معزول عن المادة فجنونك خيار معقول .. لأنه مش هيتعدي في المه جناح مكسور لطير ثابت في وسط الضلمة مستني بصيص من نور يناجي فيه قلبه وكسرته في صوته .. يسمع نداء روحه يوجهه لضوئه .. والأبيض بلونه الخافت بيتخفي وأنت في صبا روحك بتتلوي وعقلك من جوابه لغيرك استكفي .. في كونك الحياة تقاطيع شارد جوا كل قطيع تعادي في السما طيفها بألوانها ووقت ما يقسي عليك غيمها بأمطارها تغني وترثي سواد عينها كأنك بيها وعليها ما شوفتش فيها من ليها صورتك حافرها جواها فشايف نفسك التايهة فدايما حكمك البطال هيأذيها ولو صارت سما صافية وفي حكايتك الخالية من الألوان متعتك في الدنيا حبكتها..... بتتونس لما تشوف غيرك بيسندها.. دراما اللون لما يتعمق ويتحول من الأسود إلي الفاتح بيفتح فيها جروح بتنزف فيك كرامتها .. فتقفل دايما الصفحة وتفتح بابك المكسور فتلقي الصفح والسلوان من زوايا بيتك المهجور عزاك في كونك المقبور أنك بين جدار عايش وغيرك في التراب مغمور وتلقي نفسك الأمارة بتبرر خطاوي عمرك المهدور فتسعي برضه وتقرر أنك في يوم هتتغير وناسي سورك المهدود فتلقي في يومك اللعنة بقت دايرة والهوس بيثور .. |
ياريت نفوق قبل فوات الأوان راقى دايما ومبدع تحياتى |
أوصاف ومفردات قوية وجهتها على حسب رؤيتك الشخصية كل شخص فينا بيبدع بإللى مؤمن بيه وأكيد مش كل إنسان هنتفق أو كلنا هنختلف عليه ولكن بالعموم عبرت عن وجهة نظرك بطلاقة ممزوجة بإثارة داخلية كبيرة يعنى كنت كـ الثائر فى سردك للنص وأكيد دا إحساسك إنتا وعبرت عنه من منظورك لذلك كان صادق لدرجة كبيرة أحيك والنص الثائر تقيمى وخمس نجوم مع التثبيت لصدق محتواه .. |
طرقات متباعدة ومساكن مهجورة واحبة يرحلون ومواقف تمر أمامنا وماض لا ينسى من يمر أمام أعيننا أحسنت أحمد تحياتى لك ولجميل قلمك |
عزاك في كونك المقبور أنك بين جدار عايش وغيرك في التراب مغمور و مادام لسة فيه نفس لازم نحاول يمكن يكون بكرة احلى من كل اللى فات يمكن ربنا مخبي فرحة تعوض التعب جميل ما جاد به قلمك اخى تحية عطرة يسبقها تقديرى |
ياسر وأمجد مسابوليش حاجه اقولها ^^ عبرت فابدعت , وكلمات قويه منك يدوم الإبداع . |
الساعة الآن 03:19 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب