تواصل والمتأمل لحال البلاد والعباد يري بعينه حسب فصاحته ما آلت اليه الامور من تدنٍ واضح في طريقة التواصل البشرية بيننا علي سبيل المثال وليس الحصر : الرسائل الجاهزة سواء للتهنئة او التعزية او دخول رمضان او هلال العيد وغيره من المناسبات , لا تندهش اذا وجدت تطبيق الرسائل او الايميل او الواتس قد امتلئ برسالة واحدة , نفس الكلمات ونفس الترتيب ونفس المعني ولكن مع اختلاف المرسل رسالة واحدة تنتشر كأنها وباء , لم يكلف المرسل نفسه مشقة التعبير عما يريد ارساله من قلبه لم نعد نكلف انفسنا حتي مشقة الاتصال فما بالك بالزيارة لوصل صلة الرحم او مودة لصديق اصبحت الحياة الاجتماعية مع سرعة الحركة فيها , بطيئة المشاعر , معدومة الاحاسيس كارثة .. والله انها كارثة همسة لكل من يقرأ : لا تكتفي بارسال رسالة جاهزة معدومة النبض طالما انك سترسل رسالة لشخص ما , لمناسبة ما رجاء اخلطها ببعض من مشاعرك واحساسك فتخرج كلماتك صادقة معبرة لا ترسل كلمات ماتت من كثرة تداولها ولن يكون الرد خيرا منها هذا اضعف الايمان والله اعلم http://a.up-00.com/2018/07/153088192320541.png |
تصدق اخى والله عمرى ما عملتها وكمان بضايق من إللى بيعمل كدا بحس إن جواه فاضى وخالى من المشاعر هى وسائل التواصل زيها زى غيرها لها اضرار زى ما لها مكاسب هى ممكن تكون قربت المسافات ف التعارف والتواصل بيم الناس بس بعدت اغلبنا عن التواصل الآخر وهو التواصل الاسرى بعد ما اصبح الاب والاخ يتواصلون من خلات أدوات إلكترونية حتى وهما فى منزل واحد زمن عجيب ربنا يتعينا .. تحياتى لك |
رسائل فقدت دفىء مشاعرها فجائت باردة خالية من اى إحساس بصدق كلماتها للأسف ذلك ما اخدناة من عصر السرعة والتطور وتبعها تباعد المسافات بين الأقرباء والاحباء أحسنت اخى بجميل موضوعك |
معك حق الموضوع ليكون ممل جدا وبنفقد الامور الطيبة بينا وأيضاً بنخبأ مشاعرنا موضوع طيب اخي اكرمكم الله |
التواصل ده خلى الناس تفقد حجات كتيره اوى مش بس ده فى ناس بتفقد اخلاقها لمجرد ان محدش شايفها من ورا الشاشه نسيت رب البريه الله يهدينا تسلم اخى |
فقدنا تواصلنا الحقيقي ببعض ..عندما استأجرنا مشاعر غير مشاعرنا .. عندما سيطر زخم التواصل على اجتماعياتنا وصرنا نستسهل الطريقة ..وغفلنا عن أواصر المحبة والتواصل الحقيقي .. أصبحت علاقاتنا ببعض كالورقة التي تطير من أول هبت ريح ..لا أسس ولاروابط صادقة تتخللها .. ياسيدي انهكتنا البروتوكولات الخداعة والبهرجة الموبوءة. .أصبحنا طينا يلفظ آخر أنفاس التراب ...... |
بقينا كائنات الكترونية بنعتمد على التكنولوجيا اعتماد تام و أخطأنا فى استخدامها فاثرت كتير علينا فى كل بيت دلوقتى ضعف التواصل بين افراده بسبب النت و الموبايل و دى حقيقة بقى فيه ضعف فى الترابط الانسانى و بردت المشاعر بين الناس اصبت جرح نازف اخى بموضوعك سلمت يمينك تحياتى |
صدقت اخى اسوأ ظاهره تدوال مثل هذه الرسائل بدون احساس ولاتفرقه بين مكانه كل شخص وسائل التواصل افسدت الكثير من العادات والمشاعر تسلم بالتوفيق |
فعلا تلاقي في مناسبه الكل باعتلك صور تهنئه مكررة اللي باعتها ميعرفش باعتها لمين بيحدد ارسال للكل وخلاص بقى تواصلنا وصلاتنا اليكترونية عديمه الاحاسيس موضوع قيم تحياتي |
والله يا بشمهندس فكرتني بموضوع الرسايل اول ما شركات الموبايل كانت بتنزل 1500 رسالة مجانية و3000 رسالة وحوارات كدا كانوا عاملينها .. تقريبا كنا في ثانوي او جامعة مش فاكر ... كنت الاقي العيال زمايلي في المدرسة قاعدين يبعتوا رسايل ليا ولغيري من اللي بتقول عليها دي ليل ونهار عبارة عن شوية نكت او ايا كانت .. بيقولك بنفرق حاجات ببلاش.. كانوا بيستخسروا الشهر يعدي من غير ما يخلصوا الرسايل المجانية دي كنت تيجي اخر النهار تلاقي بتاع 20 رسالة مبعوتالك كانت فترة ماتفهمش غريبة شوية انا فاكر انه بعد اسبوع لاقيت عالفون بتاع 180 رسالة قمت حاذفهم كلهم والله اول ما العروض دي خلصت والله ما حد عبر التاني بميسد كول حتي .. دي يبينلك ايه بقا انه يمكن عشان التكنولوجيا بقت رخيصة فخلت مشاعرنا ارخص يعني .. |
الساعة الآن 03:05 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب