|
عتاب فاكر ؟ لا مانسيتش بس مرابط جوا الترس مهما تهد في قلبي مساكن مابتقتلش .. دايما تمسك فيا وقاعدة مهما بطول مابتزهقش .. عارفة قانون اللعبة كويس مابتقلقش .. دايما تزهد في التفاصيل عارفة بعتبي بكون تفصيل دايما أفند في الأحداث واشكي واقول للدنيا بلاش ومابقساش .. عارفة اني مواطن أصلي تملي و مش تقليد .. عايش ؟ جايز بس بعدت بقلبي كتير دايما أفكر في التغيير ووقت ما اهادن تصحي تعاير فيا الدار ناقص تطالبني بنفقة وعليهم كام فرقة ذار تطرد عفاريتها بسقارة اللي زمانها ثبت بحجارة راقدالنا عالأرض وفارشة وحاجزة ليها كام دور في الرمل حجزت ؟ لا .. بس فاصلت في سعر الدار ^_^ ووقت تجادل فيا الورث القي في ذمتي كام ذكري وكام معلش .. فاتورتها فيها كام مسمار علي صورة علم الأغراب زي فاتورة الاستعمار ضريبتها بقا نصه قمار دايما رهن الضحكة دراما مابتخلصش بس في وقت الحوجة تملي بعاند وما بسرقش.. اصلي مواطن دمي شريف فكري عفيف فاخترت الغربة بأطلالها فطالبتني بتمنها رغيف ^ عاتبت ؟ بس تعبت .. اصل في صيغة القلب محب سبحانه قد طال العيب كيمياتنا معادلتها الغيب يمكن بعد بكانا سنين ترجع تاني تقول معلش واحنا جفانا عنها يخف ولقانا يكون عين مش دين |
هي مالها قلبت فيس كدا ههههه لو حد عنده تحفظ من اللي اكتفي بلايك علي المكتوب ومتحرج مثلا يقوله يا ريت يقوله بحيث استفاد.. |
ماهو مهما يحصل هتفضل بلدنا الي نتمني انها تتغير للافضل حتي ولو تعبنا منها سلمت اخي |
الله يسلمك نورتي |
وضعنا اللايك ثم هممنا بالتعليق ..فأشغلتنا الحياة رغما عنا . أما عن كلماتك فحواها عميق ..وصيغة المعنى راقني ... دمت ودام عزك ودام نبض قلبك وقلمك |
كلمات فى الصميم تحكى واقع أليم تسلم اخى |
تعاتب او تقول ايه بالظبط كدا بايظه وكدا بايظه كلمات روعه وواقعيه تسلم |
معانا عايزه تكوش او لو حتى ممعناش مش سايبانا هى ف حالنا حتى الموت مابقاش ببلاش كل إللى ف جيبك طلعه كله ما انتا اساسا مبتسواش تسلم ويسلم حروفك تحياتى |
| الساعة الآن 04:48 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب