الناس السخيفة ..~
 

يعني انا مش فاهمة ايه الرجولةدي
والشهامة والجدعنة
في ناس فعلاً محترمة
وفي ناس عايزة الدبح
لما اكون سايقة العربية في امان الله
ويجي سواق تاكسي سخيف ومعاه واحد
يزنق عليك بعربيته
وانا لسه جديدة في حوار السواقة ده
ويعني بيحصلي رعب شوية من عربيات النقل
ومن الكباري خاصاً عندنا في بني سويف الكباري طويلة جداً
وانا خلاص قربت اطلع الكبري
والسخيف ابن السخيفة يقولي
العجلة اللي ورا نايمة يا ابلة
وانا بكل سذاجة اهدي العربية واخد يميني واركن
وانزل وكلي خوف ليكون كلامه صحيح
وقتها انا هعمل ايه والساعة العاشرة مساءاً
والحمد لله طلعت العجلة سليمة
طلع هو اللي سخيف وبيرخم عليا
وطبعاً انا مش متعودة على السخافة من النوع ده
رغم تحذير زوجي لمثل هذا السخافات
ولكن دي كانت من نوع جديدة
حد يقول للناس السخيفة
مش ناقصة والله

مساءكم سعادة

هههههه عمل فيكى مقلب
لاء السخافه والناس الظريفه بقت كتير
ربنا يعافيكى ويكفيكى شرهم وشر الطريق
♥

هتشوفى من دا كتير
ربنا يعينك

ههه دي حاجة بسيطة
ربنا يسترها معاكي بقى من اللي بيزنقوا واللي بيرخموا
المهم لحقتي تطلعي الكوبري ولا وقفتي ف الاشارة ولا خبطتي مشوار عشان تلفي
ربنا يسترها معاكي ومع كل الستات اللي بيسوقوا ....ومنهم برضو هههه

متعرفيش ايه بيداقيهم ان الست تسوق عربية
هو فعلا تصرف سخيف بس انتى خليكى واثقة
ومع الوقت هتعرفى تتجاهلى الحجات دى

سخيف فعلا .
بس والدته ذنبها ايه .
ربنا يهدي هو ده ال نقدر نقووله
فعلا بنشوف العجب العجاب
والله المستعان ..

سلمتي حببتي من السخافات
ومن كل مكروه

لكل من مر من هنا
تسلم ايدك جميعاً
وفعلا لحقت اتصرف وطلعت الكوبري
والحمد لله

طيب والله دا ينفع ينضرب بالرصاص

بنصحك يا لميس ماتسوقيش في الليل

والله الحافظ