|
يوميات موظف كادح ( رباعيات ) 1 أنا اللي وقت ما اجوع بداوي معدتي بالنوم ولما بتغفي جفوني يهزني ميت كوع ام العيال قارفاني بالدرس والمصروف يا ولية غوري كدا نامي فاضل كمان اسبوع 2 صبرت والدنيا فصلت شحن وانا عمري قلبي ما شاف غير نحت كشف المرتب وصل الله ده بقا يوم عيد كشف الديون اتحط نصي اللي تحت اتلط .. 3 أنا اللي راتبه من ورق وقالولي قيمته فلوس زهرة شبابي أنسرق في الدرج بكالوريوس 4 ليه يا دنيا كل اللي بينا ابواب كل ما اعافر فيكي مالقاش لرجلي ركاب صوت الخطاوي اقترب زرع في ابني الخوف مديون في وسط الفزع مستني قبض اليوم .. |
رووعة بجد ابو حميد عجبنى التسلسل جدا وتعبيراتك كانت متوافقة والصورة موفق يا رب تحياتى |
دى كده يوميات موظف مصرى 🤗 احسنت الوصف تحياتى |
جميل اسلوبك ربنا يصلح الحال تسلم ايدك بالتوفيق |
جميل يا راقي ما جودت به والله المستعان على المسئولية ويرحمنا كل التحية لك أخي الغالي والتقدير |
الموظف زمان كان الكل يحسده دلوقتي يحتاج للعطف سلمت اخى وبالتوفيق لك |
ماشاء الله رباعيات جميله رائعه تسلم وموفق يارب |
اللي راتبه من ورق وقالولي قيمته فلوس زهرة شبابي أنسرق في الدرج بكالوريوس عجبنى الجزء دة اوى الفلوس بقيت ملهاش اى قيمة و الشهادات مركونة محدش بيشتغل بيها بلد كل حاجة فيها ماشية بالمقلوب وواخدانا فى سكتها جميل تعبيرك عن الصورة تسلم اخى |
ربنا معاة يعينة ويصبرة أحسنت يا أحمد |
واقع مرير ومافيش اى تغير كلمات جميله ومعبره جدا |
| الساعة الآن 04:10 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب