الكيس مخروم (صورة فى رباعيه) بسم الله الرحمن الرحيم http://www.waraqat.net/2008/01/carecater10.jpg اليوم قافل مكتوم وبدأته انا مشؤوم مشوار اخر الشهر منه بعيش مصدوم راجع تايه محتاس ومعبى الراتب فى اكياس بخبيه من عيون الناس بس الكيس طلع مخروم دفعت الكهربا والمايه والبقال اخدله شويه والجمعيه كانت منسيه ومعاد الدفع اليوم والواد بيطلب فلوس قال ايه رايح درووس هو مرتب بقا منحوس ومالوش اى لزوم غير انبوبة البوتجاز والبت على وش جواز وامها عوزه الجهاز وانا بقيت خلاص معدوم اجيب ده كلو منين انتو فاكرينهم بقو ملايين ده انا غرقت فى الدين ويارتنى بعرف اعومhttp://forums.banatmasr.net/images/s...miles2/m63.gif *فجر* 26/9/2018 |
هههههههههه يخربيت كدا مخروم ايه دا منه للشارع تسلمي يا فجر والله لخصتي تحياتي وصباح الخير |
هههه لا ما احنا بنحطه فى الكيس شويه بيبقى عندنا امل نخبيه ^___^ تحياتى ليك صباح الفل نورتنى والله |
الحل اننا نخرم كيس الحكومة علشان يعوض ما نفقده احنا :145: جميلة الكلمات عزيزتى بالتوفيق لكِ |
اقتباس:
انتى اجمل ربى يسعدك |
ههههه والله هم يضحك وهم يبكى بجد تحفه تسلمى فجر |
مش هنلاحق على الشعب عوامات و كله بيغرق و محدش حاسس بيهم جميلة يا فجر تسلمى |
ربنا معاه دة كلة فى أول الشهر آمال بقى حيعمل اية بعد كدة أحسنتى فجر |
اصلا اللي بيقع من الكيس بيروح الحصالة البلد بتحوشلنا :a_006: نص جميل ومميز تسلم ايدك فجر .. |
المشكله انه مسلسل طويل كل شهر نفس الحكايه يعين الله سلمت الانامل |
الساعة الآن 11:58 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب