|
أهو جه ياولاد أفرحو يا ولاد( صورة فى رباعية) أهو جه يا ولاد أفرحو يا ولاد ***** أخر الشهر يا أخــر الشهر منتظرين بقالنا دهـر ***** راتب جاى ومعاه الفرح بعد تفكير عصرنى عصر ***** أخماس ف أسداس يارب متفضحنا وجملها بالستر ***** العيشه بقت صعبة والناس بتقـول يا شر اشتر ***** فيه عــيال بتقــول هـــم عــيازه تلبس وتتغندر ***** ومحصل كهــربا واقف على الـباب بيشخط وينتر ***** وبقال عمال بينده ياعــم احمد بقينا اخر الشهر ***** ولا المــدام ايوه المــدام طلباتها تكسر الضهــر ***** دروس ومكياج وأنــتر نـت وزيت وكـــريم لشعــر ***** ليلاتى سهران أجيبها يمن شمال لوش الفجــر ***** اقــول هــانت هتتعدل يارب لك ألف حمد وشكر ***** دفعنا الميه ومقاضى البيت يادوب باقــى الجـزار ***** تليفون بيرن الو أبعت ياعـم باقــى فلـوس النجار ***** والله أنت بقيت محتار ديون كتير فـ طابور الأنتظار ***** والـراتب يوم واحــد فى الشهر بلغنى قرار الفرار ***** ودمتم ***** عصام مرزوق |
ودى معاناة كل موظف الاسرة بقت تحتاج الى راتب راتبين ثلاثة علشان تقدر تعيش بشكل كويس جميلة الكلمات سلمت اخى وبالتوفيق لك |
كل ده الله يكون فى العون تسلم ايدك بالتوفيق |
الله يعين الناس على اللى هم فيه معاناه بجد تسلم اخى كلمات معبره |
الحال بقى صعب على كل الناس حتى اللى كانوا عايشين مرتاحين ربنا يهون جميلة اخى سلمت يمينك |
كلمات واقعية جسدت حياة اغلب الناس تسلم اخى عصام ربنا يوفقك |
الموظف المصرى الكحيان مش هيفوق ابدا الله يعينه كلمات واقيعه وحلوه يدووم التميز |
اقتباس:
أصبحت تفوق الأحتمال ومفيش حد راضى مهما كان الدخل كل ما يكتر المال كل ما تتفتح ابواب أكتر شرفتينى فداء |
فكرتنى بشهر رمضان أحسنت عصام فى جمال وحسن التعبير منك موفق اخى |
جميلة كلماتك وصعبة المعاناة بالتوفيق |
| الساعة الآن 08:42 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب