رباعيات إنت مصرى(صورة فى رباعيه) http://banatmisr.com/up3/uploads/153790894202051.jpg رباعيات إنت مصرى ****** لو سألتك إنت مصرى تقولى إيه إوصفلى حالك بعد ماعوموا الجنيه الأسعار دى نار وبشكى حالى ليل نهار فين الحنان اللى قولتلنا عليه ****** العيشه صعبه والمرتب مش مكفى ومبقتش قادر عاللى شايله كتفى طلبات مدارس ولا حد حاسس فهمت ولا أقول كمان وأوفى ****** جيوبى فضيت من دفع الفواتير وعقلى من دماغى قرب يطير من غاز وميه وتليفونات خد وهات حرام والله ده اللى بيحصل كتير ****** ده كله كوم وكوم فاتورة الكهربا خلت حياتى خلاص بقت متكهربا تكييف مفيش ويدوب بعيش خلاص قربت أمد إيدى لدا ودا ****** عرفت معنى إن المواطن يبقى مصرى يعنى الديون والهم عنده يبقو حصرى فضيت جيوبه فظهرت عيوبه وكل يوم شاغل دماغه وف نفسه يهرى وعجبى.. mena_hassan |
خليه يهرى فى نفسه لحد ما نخلص منه ( :ghef: مع تحيات الحكومة المصرية جميلة الكلمات منون بالتوفيق لكِ عزيزتى |
هههه وعجبى صح الغضب طلع اهو جميله اوى منون تسلمى |
عرفت معنى إن المواطن يبقى مصرى يعنى الديون والهم عنده يبقو حصرى صدقتى و الله ربنا يكون فى العون تسلم ايدك منون |
رباعية جميلة منة خلاص كلة بيشطب ربنا معانا أحسنتى منة |
رباعيات جميلة ومعبرة عن الحال ... بالتوفيق ودايما للافضل .. |
إلا الكهربا دى دى بقت عايزة مرتب لوحدها ربنا يعينا والله حروف انيقة تسلمى منة موفقة |
رباعية جميلة ودمها خفيف تسلم ايديك يامنة بالتوفيق ليك |
هههههه خرمانه خرمانه جميل يا منه تسلم ايديكى موفقه |
اده كله كوم وكوم فاتورة الكهربا خلت حياتى خلاص بقت متكهربا تكييف مفيش ويدوب بعيش خلاص قربت أمد إيدى لدا ودا يا ستي موال احنا نئول ايه دي فاتورة الكهربا عندنا كارثه تسدئي بنزل عليها بند اسمه فرق محروقات تسدئي كل الشعب نفسه يفهم البند دا بعدين مش ملاحظه حضرتك اني بكلمك بالهجه المصريه الاخت الفاضلة الحكومات العربيه تعتمد على جيوب المواطنين يعني المواطن بعيل الحكومة تحياتي لك |
الساعة الآن 01:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب