|
محتار السلام عليكم ف خطوة ف حياتي مش عارف اخدها ومحتاج رايكم الفتره دي في حياتي بمر بضغط جامد بسبب الامتحانات اللي معاي وفي نفس ناس عزيزه علي القلب بتمر بحياتها الخاصه اللي لها مشاكلها انا كنت جزء رئيسي في حياتها وبسبب امتحاناتي انا مش موجود معه ف مشاكله ومش مهتم زي الاول هو شايف اني مش بحبه وهنا بدات المشاكل وتلاكيك علي اتفه الحاجات والخناق علي فاضي والمليان ومن ساعاتها كلامنا بقا زي اللي منعرفش بعض والدنيا اصبحت صعبه وانا محتار بين انهي العلاقه علي امل اني ارجع اكلمه تاني بس يكون في فترة هدنه يصلح فيها ربنا اللي مش قدرين نعمله او اني اكمل واحتمال المشاكل تزيد وربنا العالم ايه اللي هيحصل....!! |
يمكن محتاجك بشكل ضروري لانه يثق بك اظن لو تخصص بعض الوقت ولو قليل في مساعدته هيفي بالغرض لكن تتركه لوحده دا نوع من الخذلان منك تجاهه خاصة وانه اكيد بيعتمد عليك بعض الاوقات لابد وان تخصص لاحباءنا دا ما يضرش باهتمامك بامتحاناتك الا لو كانت مشاكل عويصة تحتاج لوقت طويل تحدث معه بهدوء واشرح له اسبابك لكن لا تقطع علاقتك به وكن عون له يسر الله امورك اخي |
طالما انت طرحت انك عندك مشكلة وطالب حل .. يبقي انت مهتم .. بالنسبة ليا الكلام مبهم ( هي ولا هو ) في الواقع ولا في النت وبالتالي النصيحة لن تكون في محلها .. بس عامة اتبع قلبك ليس الا .. بس قبل ما تتبع قلبك شوف الأول انت مجرد مرساة للهموم والمشاكل بالنسبة للشخصية دي ... وبالتالي شاف غيرك يقوم بالدور وبالتالي يكون ربنا رحمك .. ولا فعلا بتمثل قيمة في حياتها والغضب ده نابع من شئ مأمول منك بالفعل وانت ماوفتش بيه ... واعرف يا هل الشخصية دي هتقوم بنفس الدور بالنسبة ليك ولا لاء .. الحياة مش اخذ بس .. |
انا هرد زى ما فهمت الاسلوب محير ما بين صيغة المذكر و المؤنث الانسان عموما اما بيكون فى مشكلة بيحتاج الناس القريبة منه اللى يحس انها بتسنده وقت الشدة اما بيبص حواليه مش يلاقيهم بيزعل اه ممكن يقدر ظروفهم بس بيفضل حاسس انه احتاجهم و مش لقيهم الموضوع بيكون اكبر لو الطرف التانى بنوتة لان الينات عموما عقلها صغير الاهتمام بيكون مطلب اساسي شايفة انك لو متمسك باللى قدامك حاول تفهمه و تعوض التقصير الغير متعمد لو مش فارق معاك يبقى لعل اللى حصل دة خير عشان يوضح اللى جواك انت بس اللى ممكن تقرر و تتصرف حسب احساسك ربنا يوفقك اخى تسلم |
عرضك للمشكلة مش مكتمل هل الشخص ده هو ولا هي هل بيمر بمشاكل كبيرة ولا معندوش مشاكل في الغالب الكلام عن هي لان مفيش صديق هيلومك ويزعل منك عشان مشغول عنه بسبب الامتحانات بالعكس ده يشجعك ع الاهتمام بالمذاكرة الا اذا كان عنده مشكلة كبيرة ومحتاجك جنبه ساعتها تيجي على نفسك شوية وتحاول توفق بين المذاكرة وانك تقف جنب صاحبك. في حالة اذا كانت هي فهي في عمر صغير ومعندهاش مشاكل..هي بس عايزه اللي متعودة عليه بغض النظر عن الظروف.. وده يدل على عدم تحملها للمسئولية. التصرف الصحيح.من وجهة نظري. ان الامتحانات هي رقم واحد وتدي وقت قليل ليها مع توضيح الظروف اذا قدرت يبقى تمام مقدرتش.. تبقى انت الكسبان |
من رايي مفيش حيره طالما له معزه فى قلبك وعنده مشاكل يبقى مش ينفع تنهى العلاقه يعنى ممكن تستقطع من وقتك ولازم تسمعه اكثر حاجه تبعد بين اتنين هو الاهمال وعدم الاهتمام بالتوفيق |
مفيش حد مشغول طول الوقت لو يهمك ال الحد ده هتفضا لو نص ساعه تكلمو وتقف جنبو بس لو يهمك لكن لو زهقت هتلاقى مفيش وقت |
الازمات والمشاكل اختبار قوى للعلاقات يانكون قدها ونتحمل المسؤوليه تجاه الطرف الاخر او تنتهى للابد لازم تحدد انت لوحدك مكانة الشخص ده وحجمة فى حياتك ايه على اساس ده هتكمل او تبعد ونصيحة منى اللى مش بتلاقيه جنبك وقتك شدتك ملوش لازمة وقت راحتك ربنا يلهمك الصواب ويوفقك فى امتحاناتك |
لولا انت عزيز علي قلبه واقرب ليه من وريده ماكان خانقك علي اتفه الاسباب وما كان اتلككلك ف حاول تمتص زعله او توازن بين ضغوطاتك وبينه او تبينله اد ااي هوا في بالك ومش ناسيه وان دي فترةة في حياتك وهتعدي وهترجعوا تاني احسن من الاول الي بيزعل علي قلة اهتمامك اتمسك بيه عشان ده اللي بيحبك بكل قلبه موفق |
| الساعة الآن 08:50 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب