|
حد تانى السلام عليكم يعنى اما يكون قدامك الكثير فى المكان المحيط بك بنت او ولد سواء فى الجامعه او المنتدى او الشغل المهم وبعدين حد معين يلفت نظرك بأدبه واخلاقه وثقافته العاليه وانه مختلف فعلا عن الباقيين فتختاره فى اخذ المشورة فى امر ما وتتكلم معاه وبعد كدا شويه بشويه تلاقى الاسلوب اتغير والمعامله كمان وتلاقى شخص تانى خالص خالص ساعتها تعمل ايه وفى نفس الوقت برده انت اتعودت عليه |
هو غالبا الواحد فينا لما يبدأ يتعرف علي حد بياخد كل الحلو بتاعه في الاول لان كل شخص بيحاول يظهر بأحسن صورة ... وخاصة لو الكلام علي شاب وبنت يعني عادة كله بيحب يظهر الجانب الحلو بتاعه وانه متفهم وكيوت وكل حاجة حلوة بعيدا عن اي خلفية ثقافية .. الثقافة عامل جذب .. بس مش دايما بيظهر مكنون الشخصية وبرضه مش كل واحد يدخل يقول كلمتين حلوين فيهم شوية تنمية بشرية وعلم نفس او بيدوس علي نفس الوتر اللي بتحبيه او بيركب كلمتين شمال علي يمين يعملوا جملة حلوة زي ما انا بعمل كدا يبقي مثقف يعني ... بالعكس .. اصلا تلت تربع البشر مدعين ثقافة وفهم عامة... ماحدش بيحب يظهر نفسه جاهل .. بس برضه احيانا الصمت عند الجهل في بعض المواقف ثقافة بتظهر قوة شخصية بتخدع احيانا .. بس بيظهر فيك جانب رزانة بتجذب برضه .. بس ثقافة شخصية قادرة تدير قدراتها ودي غير ثقافة العلم والقراءة .. يعني كل حاجة وليها حاجة .. وماحدش هيستحمل حد في البداية لما يظهرله الجانبين مع بعض وبالتالي لما نبدأ نعامل بشر لازم نكون عارفين انه في الحلو والوحش والايام هي اللي بتعرفنا بعد كدا حدود الوحش ده ايه .. كأننا في رحلة استكشافية كدا ويا هل هنقدر نتأقلم معاه ومافيهوش ما يعيب .. ولا فيه شخص عنده غرض لشئ ابعد وبالتالي ابعاده من حياتنا افضل ؟ مافيش كتالوج يعرفك الانسان الكويس من الوحش طالما اتوجد القلب واللي ممكن البشر كله شايفه وحش انتي ممكن تشوفيه حلو لأن طبع البشر في الجانبين أصعب من اننا نفهمه .. بيدخل فيها جوانب كتيرة .. بتلاقي فيها ناس ممكن تتوافق مع ناس بطريقة الواحد ما يتخيلهاش ... وناس بتحب ناس علي الرغم من كمية الأذي اللي بيتسببوا ليه بيهم .. احكام القلوب صعب احيانا اننا نتفهمها .. بس أحكام العادة لازم تتقطع ولازم نحاول نستخدم عقولنا في مرحلة ما لما نلاقي التغيير ده واضح ... |
التجربة والايام كفيلة تعلمنا وزى ماتعودت تكلمه هتتعود تبعد وتبطل تكلمه اهم حاجة المعامله تكون باحترام وثقه وتستمر على كدة مش نهاية الكون تكتشف حقيقة مكنتش واخد بالك منها فى حد المهم متفضلش فترة مخدوع فيه لان دى الخسارة بجد |
هو ده العادى كل متقربى يبانو ع حقيقتهم |
بتحصل كتير |
علي يدي .بتحصل |
المشكلة في وفرة المشاعر الوحد فينا لازم ياخد باله من اللي قدامه وع اد كدا يلتمسله العذر يعني متظلمهوش واستنفذ كل طاقتك معاه عشان يفضل معاك وازنوا الامور ، ربنا يكفيكوا شر الحوجة لحد كان وجوده كل حاجه |
بارك الله فيكم على طرح هذه المواضيع |
بارك الله فيكم على طرح هذه المواضيع |
بارك الله فيكم على طرح هذه المواضيع |
| الساعة الآن 11:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب