منتديات بنات مصر - اوصفها زي ما تحب

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - اوصفها زي ما تحب (https://forums.banatmasr.net/msryat583774/)

اوصفها زي ما تحب

اوصفها زي ما تحب
قول حقيقة قول كدب
يوم ما اتولدت إدوني صورة
متقيد بطلها من كل جنب
قالولي حياتك نسخة منها
وانتا وحظك بقى يا شب !
وافقت من غير ما اشوفها
ما انا كنت طفل صغير يارب
قالولي هتشوف قسوة ياما
بس هتفضل طيبتك جوه القلب
هتكتب للحب سطور كتير
بس عمرك في يوم ما هتحب
هتموت أكتر ما هتعيش
هتبقى السلام للناس وجواك حرب
هتداري دمعك قدامهم وتبتسم
ولا حد غيرك هيعرف قد ايه وضعك صعب
كانت أول مرة اشوفها من يومين
بعد ما عشت تفاصيلها أيام وسنين
شفت الصورة بس كانت ل بنت مش شب
أتاريها روح شالت كام ألف وجع وتعب وذنب
وصفتها زي ما عشتها قول حقيقة بقى قول كدب

شــــــــــــــــــــــــــــــــ . حــــــــــــــــــــــــــــــــــ

الله يا خالد
جميلة جدا...رائع يا فنان

أتاريها روح شالت كام ألف وجع وتعب وذنب

ابدعت فى وصفك للصورة و التعبير عنها اخى
سلمت يمينك
تحيتى وتقديرى

تسلم دكتورنا الغالي
الأجمل حضورك وطلتك أكيد
أسعدتني حضورا وقولا د عبدالله
شكري وتقديري وامتناني

سلمتي والنبض لهذا التواجد الطيب
أسعدتيني حضورا وقولا لمار
شكري وتقديري وامتناني

جميلة اوى ثانكس خالد

الأجمل حضورك الرقيق سما
أسعدتيني بتواجدك اكيد
شكري وتقديري وامتناني

ويوفقك ويسعدك انتي كمان ندوشه
نورتيني واسعدتيني بحضورك الطيب
شكري وتقديري وامتناني

رائعه ومعبرة جدا تسلم