|
منك لله يا ظروف بتاخدي ناس بتغيري ناس روحي منك لله يا ظروف مليتي القلب كلام واحساس وكسرتي القلم ف دبلت الحروف مع إنك في حياتنا حجر الأساس للي شايف واللي مش بيشوف يا مخلياهم يخلفوا ف وعودهم يا وخداهم وقافلة قصادنا حدودهم مين ضيع معنى الحب غيرك مين سرق فرحنا وشبابنا غيرك ده احنا شفنا شرك اكتر من خيرك قتلتي ناس كتير ما بقيناش نحس بوجودهم عايشين ومش عايشين جنوا شوك من زرع ورودهم تماثيل من شمع كتر البكى والدمع بان على خدودهم الوحدة عاصمتك وكلنا بقينا سكانها غربتينا وغربتك بدموعنا بندفع تمنها خدتي فرحنا ف دنيا مش هناخد حاجة منها عايشين نجامل دنيتك كلنا ضحايا لقسوتك تعالي مرة بخير وهاتي قلوب نحس بجد بحنانها رجعيلنا الحب والسلام في قلوب اتهد منك كيانها روحي منك لله يا ظروف منك لله يا ظروف شــــــــــــــــــــــ . حــــــــــــــــــــــ |
وتظل الظروف هى المعبره عن الحال احسنت شاعرنا فى التعبير عن حاله كلنا بنعيشها ونمر بيها رائع كالعاده دام ابداعك |
اقتباس:
هي التي تجبرنا على التعبير أحسن الله إليكي رقيقة الحضور دائما سلمتي والنبض الأروع تواجدك القيم شروق شكري وتقديري وامتناني |
كسرتنا مليون حته واكبر حته فينا حرقتها قهر وظلم ووجع وخوف من اللى جى اكتر من اللى راح بقينا مستنين بس الوجع ياتره امتى بس تتغير الظروف |
اقتباس:
الله يبعد الحزن عن قلبك يارب هتتعدل ان شاء الله بس هي عايزة شوية تحدي وإرادة مننا عشان نقدر نتغلب عليها منوراني يا طيبة الله يسعد قلبك يارب |
كلمات رائعه ومعبرة تسلم خالد ويدوم الابداع |
اقتباس:
الأروع تواجدك اللي بعتز بيه اكيد اسعدتيني بوجودك الطيب ربي يوفقك ويسعدك |
اقدار بس هى قاسيه شويه عبرت بابداع عن الواقع خالد تسلم ربى يسعدك |
اقتباس:
ربنا يرحمنا برحمته ويبعد عنا كل الظروف اللي ممكن تغيرنا تسلمي يا فجر لتواجدك الطيب اسعدتيني يا طيبة بحضورك ربنا يوفقك ويسعدك |
سأكتبُ كل العباراتِ في ورقٍ مخطوط ْ لأجعل منها أروع أكليل من الحروفِ والكلماتِ والزهور والأنغامْ وألحان الشكرِ والإحترامْ لأقدمها لك تعبيراً عن شكرى وإمتنانى لردك الكريم ,, تحياتى الوردية ... لكـ خالص إحترامى |
| الساعة الآن 05:40 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب