فقد
 

http://banatmisr.com/up3/uploads/154524372490481.jpg



اتوجعنا في الدنيا كتير وبكينا كتير
اتوجعنا على حلم حلمناه ومتحققش
اتوجعنا على حد حبناه وباعدتنا الدنيا
بكينا كتير وكنا فاكرين انها نهاية العالم والحياة خلاص انتهت
كل حالة بنمر بيها بنتوجع ونقول خلاص انتهينا
وانا مريت بكل ده واتوجعت وبكيت وقولت الدنيا انتهت
لكن وجعي دلوقتي خلاني احس ان عمري ما مريت باي وجع ولا عمر دمعة نزلت من عيني
وجع فقدان الأم
يااااااااااااااه مش قادرة اكتبه واوصفه
وجع عمري ما حسيت بيه ولا هحس زيه وجع كسر القلب
لا
وجع خلاني احس ان قلبي اتخلع من مكانه وبقيت عايشة من غير قلب ولا احساس بشيء
فقدت الحب...فقدت الحنان...فقدت القلب الطيب...فقدت الحضن الدافي
راح كل شيء معاها

الله يرحمك يا أمي ويغفر لك ويعفو عنك ويجعل قبرك روضة من رياض الجنة

اللهم أمين

يالله ربنا يصبرك يا ايمان
انا عارف هى غاليه عندك قد ايه
واى كلام هيتقال مش هيريح قلبك
بس ادعيلها ربنا يثبتها عند السؤال وربنا يصبرك
انا دوقت الوجع ده بس فى ابويا الله يرحمه بس كنت صغير
اما انتى كبيرة وفاهمه انها الدنيا كدة كله راجع لربنا ومحدش فينا دايم
ربنا يرحمها يا ايمان وربنا يصبركم

إنا لله وإنا إليه راجعون
لله ما أخذ وله ما أعطى وكل شئ عنده بأجل مسمي...فلتصبري ولتحتسبي

أسأل الله أن يتغمدها بواسع رحمته وينزلها منازل أوليائه مع النبيين والصديقين والشهداء
اللهم هوّن عليها الحساب واجعلها من أهل اليمين ووسّع لها في قبرها مدّ البصر
وأسأله أن يربط على قلوبكم ويلهمكم الصبر والسلوان...اللهم آمين

البقاء لله يا إيمان

هيفضل وجع الام مفيش زيه ولا عوض عنها
ربنا يرحمها ويسكنها فسيح جناته ويصبرك

انا لله وانا اليه راجعون
اللهم اغفر لها وارحمها
واجعل قبرها روضة من رياض الجنه
واعف عنها وعافها
فقدان الام فعلا لا يضاهيه اى فقد ف الدنيا
ربنا يصبرك حبيبتى

لا حول ولا قوة الا بالله
البقاء لله يا ايمان
ربنا يرحمها و يغفر لها و يكرم مثواها
ربنا يجعل قبرها روضة من رياض الجنة
ربنا يصبرك على الفراق

البقاء لله عزيزتي
غفر الله لها واسكنه فسيح جناته
الله يصبرك ايمان

ربنا يرحمها ويصبرك

ربنا يصبر قلبك انتى واللى زيك يارب
البقاء لله ربنا يرحمها برحمته