|
استنزاف المشاعر من فترة شوفت بوست بيتكلم عن استنزاف المشاعر في علاقة او مع حد وكان بيقول ... "لو في حد بيتسنزف مشاعرك او مش مرتاح معاه او طول الوقت بيستغل حبك ليه ومسامحتك كل حاجة بيعملها ، وبتحبه اوي ومش قادر تبعد عنه ، متسيبوش وانت بتحبه وتتعذب بقي وتفضل فيك حتة متعلقة بيه لا خليك معاه وكمل في العلاقة دي خليه يخلّص بنفسه علي كل رصيد حبه جواك ... لحد ما توصل لمرحلة انك خلاص معاه ومش حاسس بيه ... ساعتها وبكل قوة ابعد" النصيحة دي من أكتر النصائح الحلوة والواقعية واللي ممكن تديها لحد في علاقة بتتعبه او بتازمة أو حد معاه مش حابب وجوده او من الاخر هوا الطرف الاضعف في العلاقة.... كمان لستقوي بالكلمة دي "أغفر حتي يسقط الشخص من عينك ... لا بل منك تماما" الحب والمشاعر عموما والناس في حياتنا بيبقي ليهم رصيد جوانا .... مواقف حلوة! ... مشاعر بنحسسهالهم من غير سبب ... ذكريات بكل مرة بيخذلوك فيها بياخدوا من رصيدهم عندك من المشاعر اللي شايلهالهم ... حد ما فجأة بيبقوا ولا حاجة البعد عنهم مبيتعبش زي الاول ولا وحياتك المتعلقة بيهم بتضعف زي الاول حبوا ياجماعة اوي وسامحوا كتير عشان لما تبعدوا وانتوا متأكدين انكوا مستحيل ترجعوا وان الشخص ده"سقط منك تمام" |
موضوع جميل يا ضحى ممكن ندى للشحص فرصة و اتنين و تلاتة بس افرضى انسان صبره طويل او بيحب حب كبير تفتكرى لو عمل كدة هيضيع كم سنة من عمره يا ترى هيكره نفسه قد ايه انه اتحمل كل دة و انه مأخدش الخطوة دى بدرى هى قناعات و كل انسان بيختار اللى يناسبه حسب طبيعته فى النهاية تسلمى يا ضحى مودتى |
روعه تسلم ايديكى حبيبتى |
مش مقتنعة بالامر دا الانسان ان ظل على هذا الحال ممكن ان يتاذى هو اكثر لان الطرف الاخر لا يشعر به فلما البقاء من الافضل الرحيل مبكرا والايام كفيلة باسقاطهم من القلب عن طريق النسيان سلمتى ضحى |
جميل أن نمنح بلا مقابل هو أعظم أنواع الحب نعم نتركهم يقرروا مصيرهم بأيديهم ونصبر عليهم ولكن نواجههم بأخطائهم لكي نذكرهم بها عندما نبتعد أبدعتي ضحى وتألقتي وأحسنتي شكري وتقديري وامتناني |
كلامك صح بس كده الموضوع مسطول وهترسى ع النهايه برضو البعد المبكر افضل بكتير بالعكس كل ماتستمر هنتعلق اكتر ومش هانشوف عيوب القرار لازم يتاخد بسرعه |
هو ممكن فعلا ولكن مهما كان لازم بيسيب أثر فى القلب ربنا يفرح قلبك |
وجه نظر برضو . ولكن لو كان الاخر باقي عليه ما وصل لحبيبه هذا الاحساس. انتظر بنية فراغ رصيده عندي هو ال بيحب يملك رصيد اصلا ما كل مشاعره في اتجاه واحد وبقوة بث مباشر. فان لم يجد قبول وتجاوب فعليه الانسحاب بخلق راقي بقدر حبه ويؤمن ان قلبه غير خاطيء ولكن قلب الاخر لم يستقبل .. وجة نظر اتمني ان تكون موفقة هذه المرة.. |
لو كان بيحب بجد مش هيشوف ق اللي بيحبه عيوب ولما هيسيب هيسيب علشان مش لاقي الحب والاهتمام مش علشان رصيده خلص بجد موضوع رائع دخل قلبي تسلمي |
| الساعة الآن 10:09 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب